Argus News - ବ୍ରୁକ୍‌ଲିନ୍ ବ୍ରିଜରେ ଜାହାଜ ଦୁର୍ଘଟଣା , ୨ ମୃତ

ଆମେରିକାରେ ଜାହାଜ ଦୁର୍ଘଟଣା । ମେକ୍ସିକୋର ନୌସେନା ଜାହାଜ ନ୍ୟୁୟର୍କର ବ୍ରୁକଲିନ୍ ପୋଲରେ ଧକ୍କା ହୋଇଛି। ନ୍ୟୁୟର୍କର ଇଷ୍ଟ ନଦୀରେ ଯାଉଥିବାବେଳେ ଜାହାଜ ପୋଲରେ ଧକ୍କା ହୋଇଥିଲା। ଏହି ଦୁର୍ଘଟଣାରେ 2 ଜଣଙ୍କର ମୃତ୍ୟୁ ହୋଇଥିବାବେଳେ 19 ଜଣ ଆହତ ହୋଇଥିବା ଖବର ଆସିଛି। ଆହତଙ୍କ ମଧ୍ୟରୁ 4 ଜଣଙ୍କର ଅବସ୍ଥା ଗୁରୁତର ରହିଛି। ମେକ୍ସିକୋ ନୌସେନାର ଏହି ପ୍ରଶିକ୍ଷଣ ଜାହାଜ କ୍ୟାଡେଟ୍ ମାନଙ୍କୁ ନେଇ ଯାଉଥିଲା।

କ୍ୟାଡେଟ୍ ମାନଙ୍କୁ 15ଟି ଦେଶର ଗସ୍ତରେ ବାହାରିଥିଲା ଏହି ମେକ୍ସିକାନ୍ ଜାହାଜ। ଏପ୍ରିଲ 6 ତାରିଖରେ ମେକ୍ସିକୋ ଆକାପୁଲକୋରୁ ଏହି ଜାହାଜ ଯାତ୍ରା ଆରମ୍ଭ କରିଥିଲା ଏଥିରେ 277 ଲୋକ ଥିଲେ। ଜାହାଜ କିଙ୍ଗଷ୍ଟନ, ଜାମାଇକା, ହୱାନା, କ୍ୟୁବା, କୋଜୁମେଲ ଓ ଆମେରିକା ସମେତ 15ଟି ଦେଶର 22ଟି ବନ୍ଦରର ଗସ୍ତ କରିବାର ଥିଲା।