'ବାପା' ଶବ୍ଦଟିକୁ ଉଚ୍ଚାରଣ କଲା ମାତ୍ରେ ମନରେ ସାହାସ ଓ ଖୁସିର ଜୁଆର ଉଠେ । ପେଟ ପୁରିଯାଏ ବାପା ଡାକରେ । ଏହା କେବଳ 2ଟି ଶବ୍ଦ ନୁହେଁ । ଏହାର ଅର୍ଥ ନା କେହି ବୁଝାଇ ପାରିବେ, ନା କେହି ବାଖ୍ୟା କରିପାରିବେ । ଈଶ୍ବରଙ୍କ ସଂରଚନାରେ 'ବାପା' ନାମକ ଶବ୍ଦକୁ ସ୍ନେହ, ଆଦର, ପ୍ରେମ, ସହିଷ୍ଣୁତା, ତ୍ୟାଗରେ ଅଦ୍ଭୁତ ଭାବେ ଗଢାଯାଇଛି । ବାପାର କର୍ତ୍ତବ୍ୟକୁ ପାଳନ କରିବାକୁ ଯାଇ ମଝି ସମୁଦ୍ରକୁ ଡେଇଁ ପଡ଼ିଲେ। ଆଉ ଶେଷରେ ନିଜର ଜୀବନ ହାରିଲେ।କାଲିଫର୍ନିଆର ପ୍ରଳୟଙ୍କରୀ ବନ୍ୟାରେ ସମୁଦ୍ରରେ ଭାସିଯାଇଥିବା ତାଙ୍କ 5 ବର୍ଷର ଝିଅକୁ ବଞ୍ଚାଇବାକୁ ଯାଇ ଜଣେ ସାହସୀ କାନାଡିଆନ୍ ପିତାଙ୍କ ମୃତ୍ୟୁ ଘଟିଛି। ଝିଅଟିର ମାଆ ମଧ୍ୟ ଝିଅକୁ ବଞ୍ଚାଇବା ପାଇଁ ପାଣିରେ ପଶିଯାଇଥିଲେ, କିନ୍ତୁ ସେ କୂଳକୁ ଫେରିଆସିଥିଲେ।

ଝିଅକୁ ରକ୍ଷା କରିବା ପାଇଁ ସମୁଦ୍ରକୁ ଡେଉଁ ପଡିଲେ ବାପା । କିନ୍ତୁ ହାର ମାନିଲା ପ୍ରୟାସ । ବିଧିର ବିଧାନ ଥିଲା କିଛି ଅଲଗା । ଶେଷରେ ଉଦ୍ଧାର କରିବା ବଦଳରେ ନିଜେ ଶବ ହୋଇଗଲେ ବାପା । ଆଖପାଖରେ ଯେଉଁ ଲୋକେ ଏହା ଦେଖୁଥିଲେ ସେମାନଙ୍କ ଆଖିରେ ଆସି ଯାଇଥିଲା ଲୁହ । ସମସ୍ତଙ୍କ ଆଗରେ ଚାଲିଗଲା ଗୋଟିଏ ବାପାର ଜୀବନ । ଏଘଟଣାଟି ଯେତିକି ଭୟଭୀତ କରିଛି ସେତିକି ଦୁଃଖ ଦେଇଛି। ଏମିତି କଷ୍ଟ କେଉଁ ପରିବାରକୁ ନଦିଅନ୍ତୁ ଭଗବାନ। ତେବେ ୫ ବର୍ଷୀୟ ଝିଅକୁ ଉଦ୍ଧାର କରିବା ପାଇଁ ଏବେବି ସର୍ଚ୍ଚ ଅପରେସନ ଜାରି ରହିଛି । ସେପଟେ ସ୍ଥାନୀୟ କୋଷ୍ଟ ଗାର୍ଡମାନେ ସମୁଦ୍ରରେ ଗାଧୋଇବା ବେଳେ ସାବଧାନ ରହିବା ଦରକାର ବୋଲି କହିଛନ୍ତି ।

ନ୍ୟୁୟର୍କ ପୋଷ୍ଟ ଅନୁସାରେ, କାନାଡାର ଜଣେ ୩୯ ବର୍ଷୀୟ ବ୍ୟକ୍ତି ନିଜ ପତ୍ନୀ ଦୁଇ.ଝିଅଙ୍କୁ ଧରି କାଲିଫର୍ଣ୍ଣିଆ ବୁଲି ଆସିଥିଲେ । ସେମାନେ ସମୁଦ୍ରରେ ଗାଧୋଉଥିବା ବେଳେ ୧୫ରୁ ୨୦ ଫୁଟର ଏକ ଲହଡି ଆସିଥିଲେ । ଏହା ଛୋଟ ଝିଅକୁ ପାଣି ମଧ୍ୟକୁ ଟାଣି ନେଇଥିଲା । ଝିଅର ମା ଉଦ୍ଧାର ପାଇଁ ପ୍ରାୟସ କରିଥିଲେ ମଧ୍ୟ ବିଫଳ ହୋଇଥିଲେ । ଶେଷରେ ବାପା ସମୁଦ୍ର ଭିତରକୁ ଉଦ୍ଧାର କରିବାକୁ ଯାଇଥିଲେ । କିନ୍ତୁ ଆଉ ଉଚ୍ଚ ଲହ଼ଡିର ସାମ୍ନା କରିପାରିନଥିଲେ । ସେମାନଙ୍କ ସାନ ଝିଅ କୂଳରେ ଥିବା ବେଳେ ଅଳ୍ପକେ ଅଘଟଣରୁ ବର୍ତ୍ତି ଯାଇଥିବା ଜଣାପଡିଛି ।

ସେଠାରେ ଉପସ୍ଥିତ ଥିବା ଲାଇଫ୍ ଗାର୍ଡ ବ୍ୟକ୍ତିଙ୍କୁ ଉଦ୍ଧାର କରି କୂଳକୁ ଆଣିଥିଲେ । ହେଲେ ସେତେବେଳକୁ ବିଳମ୍ବ ହୋଇଯାଇଥିଲା । ବ୍ୟକ୍ତିଜଣଙ୍କ ପ୍ରାଣ ହରାଇ ସାରିଥିଲେ । ଉଭୟ ପତି ପତ୍ନୀଙ୍କୁ ହସ୍ପିଟାଲ ନିଆଯାଇଥିଲା । ଡାକ୍ତର ପତିଙ୍କୁ ମୃତ ଘୋଷଣା କରିଥିବା ବେଳେ ଝିଅର ମାଆଙ୍କ ଚିକିତ୍ସା ହୋଇଥିଲା । କିଛି ଘଣ୍ଟା ପରେ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା ।

ଅଧିକ ପଢ଼ନ୍ତୁ ବିଦେଶ ଖବର: