ଇରାନ-ଇସ୍ରାଏଲ-ଆମେରିକା ଯୁଦ୍ଧ ଯୋଗୁଁ ସାରା ବିଶ୍ୱରେ ପରିସ୍ଥିତି ଦ୍ରୁତ ଗତିରେ ବଦଳୁଛି । ଏହି ଯୁଦ୍ଧ ଏବେ ସାଧାରଣ ଲୋକଙ୍କ ଜୀବନକୁ ପ୍ରଭାବିତ କରୁଛି । ଯୁଦ୍ଧ ହେଉଥିବା ଅଞ୍ଚଳରେ ହଜାର ହଜାର ଲୋକ ଫସି ରହିଛନ୍ତି । ଏହି ସମୟରେ ପିଲାମାନଙ୍କ ଶିକ୍ଷା ମଧ୍ୟ ପ୍ରଭାବିତ ହେଉଛି । ସ୍କୁଲ ଏବଂ କଲେଜ ବର୍ତ୍ତମାନ ବନ୍ଦ ଅଛି ।

ଏହି ସମୟରେ, କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ଏକ ବଡ଼ ନିଷ୍ପତ୍ତି ନେଇଛି । ଆମେରିକା-ଇରାନ ଯୁଦ୍ଧରୁ ସୃଷ୍ଟି ହୋଇଥିବା ପରିସ୍ଥିତିକୁ ଦୃଷ୍ଟିରେ ରଖି, ଏହା ମଧ୍ୟପ୍ରାଚ୍ୟ ଦେଶର ସମସ୍ତ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷା ବାତିଲ କରିବାକୁ ନିଷ୍ପତ୍ତି ନେଇଛି । ଅଉ ବର୍ତ୍ତମାନ ଯୁଦ୍ଧ ପରିସ୍ଥିତି ଭିତରେ CBSE ପରୀକ୍ଷାର୍ଥୀଙ୍କ ପାଇଁ ବଡ଼ ଖବର ଆସିଛି ।

ମଧ୍ୟ ପୂର୍ବ କ୍ଷେତ୍ରରେ ଅଲଗା ଶୈଳୀରେ ପ୍ରକାଶ ପାଇବ ଦଶମ ବୋର୍ଡ ରେଜଲ୍ଟ । ନୋଟିଫିକେସନ ଜାରି କରିଛି CBSE । ବହାରିନ, ଇରାନ, କୁଏତ, ଓମାନ, କତ୍ତାର, ସାଉଦି ଆରବିଆ ଏବଂ UAE ରେ ଯୁଦ୍ଧପରିସ୍ଥିତିକୁ ଦୃଷ୍ଟିରେ ରଖି ଦଶମ ବୋର୍ଡ ପରୀକ୍ଷାର୍ଥୀଙ୍କ କିଛି ବିଷୟର ପରୀକ୍ଷା ସ୍ଥଗିତ ରଖିଥିଲା CBSE ।

ଫେବ୍ରୁଆରୀ ୧୭ରୁ ଆରମ୍ଭ ହୋଇଥିବା ପରୀକ୍ଷା କେବଳ ଏହି ରିଜିଅନରେ ଫେବୃଆରୀ ୨୮ ତାରିଖ ପର୍ଯ୍ୟନ୍ତ ହୋଇପାରିଥିଲା। ପରୀକ୍ଷା ରେଜଲ୍ଟକୁ ୫ ଟି ବିନ୍ଦୁରେ ବିଭକ୍ତ କରାଯାଇଛି । ସମସ୍ତ ବିଷୟରେ ପରୀକ୍ଷା ଦେଇଥିବା ଏବଂ ୨ ରୁ ୪ ଟି ବିଷୟରେ ପରୀକ୍ଷା ଦେଇଥିବା ପରୀକ୍ଷାର୍ଥୀଙ୍କ ରେଜଲ୍ଟ କିଛି ଏହିଭଳି ପ୍ରକାଶ ପାଇବ। ସମସ୍ତ ବିଷୟରେ ପରୀକ୍ଷା ଦେଇଥିବା ପରୀକ୍ଷା ର୍ଥୀ ନିଜ performance ଅନୁସାରେ ରେଜଲ୍ଟ ପାଇବେ ।

୪ଟି ବିଷୟରେ ପରୀକ୍ଷା ଦେଇଥିବା ପରୀକ୍ଷାର୍ଥୀ ଯେଉଁ ୩ ଟି ବିଷୟରେ ଭଲ ମାର୍କ ରଖିଥିବେ ସେହି ଅନୁସାରେ ସେମାନଙ୍କୁ ଯେଉଁ ବିଷୟରେ ପରୀକ୍ଷା ଦେଇପାରିନାହାନ୍ତି ସେହି ମାର୍କ ଗୁଡିକୁ ଆଭେରେଜ ବୋଲି କାଉଣ୍ଟ କରାଯିବ। ସେହିଭଳି ୩ ଟି ବିଷୟରେ ଦେଇଥିବା ପରୀକ୍ଷାର୍ଥୀ ଦୁଇଟି ବେଷ୍ଟ ରେଜଲ୍ଟକୁ ଅନ୍ୟ ବିଷୟ ଗୁଡିକର ଆଭରେଜ ମାର୍କିଂ କରାଯିବ ।

ମୋଟ ୬ଟି ବିଷୟରେ ପରୀକ୍ଷା ହୋଇପାରିଛି । ସେଥିରେ ଗଣିତ, ଇଂରାଜୀ, ବିଜ୍ଞାନ ପ୍ରମୁଖ ବିଷୟ ଗୁଡିକ ମଧ୍ୟ ସଫଳତାର ସହ ପରୀକ୍ଷା କରେଇଛି CBSE । ଗୁରୁତ୍ୱପୂର୍ଣ୍ଣ ବିଷୟ ହେଉଛି ଯଦି ପରୀକ୍ଷାର୍ଥୀ ୨ୟ ବୋର୍ଡ ଦେବାକୁ ଚାହାନ୍ତି ସେମାନେ ପରୀକ୍ଷା ମଧ୍ୟ ଦେଇପାରିବେ।

ଏଥିସହ ପଢ଼ନ୍ତୁ:  ଇରାନ-ଇସ୍ରାଏଲ-ଆମେରିକା ଯୁଦ୍ଧ ଯୋଗୁଁ ମଧ୍ୟପ୍ରାଚ୍ୟରେ CBSE ବୋର୍ଡ ପରୀକ୍ଷା ବାତିଲ