ସିନ୍ଧୁ ଜଳ ସନ୍ଧି ରଦ୍ଦ ନିଷ୍ପତ୍ତିର ପୁନର୍ବିଚାର କରିବାକୁ ଭାରତ ସରକାରଙ୍କୁ ଅପିଲ କଲା ପାକ୍
Key Points
ଆଣ୍ଠେଇଲା ପାକସ୍ତାନ
ଅସ୍ତ୍ରବିରତି ପରେ ପାକିସ୍ତାନର ଭିକ୍ଟିମ କାର୍ଡ ଖେଳିବା ଆରମ୍ଭ
ପାକିସ୍ତାନରେ ହାହାକାର । ଯାହା ଆଶଙ୍କା କରାଯାଉଥିଲା ତାହା ହିଁ ହେଲା । ମାତ୍ର 15 ଦିନରେ ଅଣନିଶ୍ବାସୀ ହୋଇ ପାକିସ୍ତାନ ସିନ୍ଧୁ ଜଳ ସନ୍ଧି ରଦ୍ଦ ନିଷ୍ପତ୍ତିର ପୁନର୍ବିଚାର କରିବାକୁ ଭାରତ ସରକାରଙ୍କୁ କରିଛି ଅପିଲ । ଦୁଇ ଦେଶ ମଧ୍ୟରେ ଅସ୍ତ୍ରବିରତି ପରେ ପାକିସ୍ତାନ ଏବେ ଭିକ୍ଟିମ କାର୍ଡ ଖେଳିବା ଆରମ୍ଭ କରିଛି । ସିସିଏସ ବୈଠକରେ ସିନ୍ଧୁ ଜଳ ସନ୍ଧି ନିଷ୍ପତ୍ତି ବଳବତ୍ତର ରହିବ ବୋଲି ଭାରତ ସରକାର ସ୍ପଷ୍ଟ କରିଥିଲେ ବି ପାକିସ୍ତାନ ଜଳଶକ୍ତି ମନ୍ତ୍ରଣାଳୟ ଭାରତର ଜଳଶକ୍ତି ମନ୍ତ୍ରଣାଳୟକୁ ଚିଠି ଲେଖିଛି । ଭାରତର ଏହି ନିଷ୍ପତ୍ତିରେ ପାକିସ୍ତାନରେ ବଡ଼ ଧରଣର ଜଳ ସଂକଟ ସୃଷ୍ଟି ହେବ ବୋଲି ପାକିସ୍ତାନ କହିଛି ।
ଜଳ ମନ୍ତ୍ରଣାଳୟ ପାକିସ୍ତାନର ଚିଠିକୁ ବୈଦେଶିକ ବ୍ୟାପାର ମନ୍ତ୍ରଣାଳୟକୁ ପଠାଇ ଦେଇଛି । ପହଲଗାମ ହମଲା ପରେ ସବୁଠାରୁ ବଡ଼ ପଦକ୍ଷେପ ଭାବେ ସିନ୍ଧୁ ଜଳ ସନ୍ଧି ବାତିଲ କରି ପାକିସ୍ତାନକୁ ବଡ଼ ସନ୍ଦେଶ ଦେଇଥିଲେ ମୋଦି ସରକାର । ଭାରତର କୁଟନୈତିକ ଷ୍ଟ୍ରାଇକରେ ଥରହର ହୋଇଥିଲା ପାକିସ୍ତାନ ।
