ଅର୍ଗସ୍ ବ୍ୟୁରୋ: ଆମେରିକାର ୪୭ତମ ରାଷ୍ଟ୍ରପତି ଭାବେ ଆଜି ଶପଥ ନେବେ ଡୋନାଲ୍ଡ ଟ୍ରମ୍ପ । ମୋଷ୍ଟ ପାୱାରଫୁଲ୍ ଦେଶର ବିଗ୍ ବସ୍ ଭାବେ ନେବେ ଶପଥ । ଭାରତୀୟ ସମୟ ରାତି ୧୦ଟା ୩୦ରେ ହେବ ଶପଥ ଗ୍ରହଣ ସମାରୋହ । ୭୫ ବର୍ଷୀୟ ଟ୍ରମ୍ପ ଦ୍ବିତୀୟ ଥର ପାଇଁ ଆମେରିକା ରାଷ୍ଟ୍ରପତି ଭାବେ ଶପଥ ନେବେ ।

ଶନିବାର ନିଜ ପରିବାର ଏବଂ ସମର୍ଥକ ମାନଙ୍କ ସହ ସେ ୱାଶିଂଟନ ଡିସିରେ ପହଞ୍ଚିଛନ୍ତି । ଶପଥ ଗ୍ରହଣ ଉତ୍ସବକୁ ଆଡ଼ମ୍ବରପୂର୍ଣ୍ଣ କରିବାକୁ ସବୁ ପ୍ରକାର ପ୍ରସ୍ତୁତି କରାଯାଇଛି । ଏଥର ଆମେରିକା ରାଷ୍ଟ୍ରପତି ଶପଥ ଗ୍ରହଣ କରିବାର ସ୍ଥାନ ବଦଳିଛି । ୪୦ ବର୍ଷ ଅର୍ଥାତ୍ ୧୯୮୫ ପରେ ୨୦୨୫ରେ ୟୁଏସ୍‌ କ୍ୟାପିଟାଲ ଭିତରେ ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ ।

ବିଗତ ଦିନରେ ଆମେରିକା ରାଷ୍ଟ୍ରପତିଙ୍କ ଶପଥ ଗ୍ରହଣ ଉତ୍ସବରେ କୌଣସି ବିଦେଶୀ ଅତିଥି ଯୋଗ ଦେବାର ନଜିର ନଥିଲା । ହେଲେ ଏଥର ବିଦେଶୀ ଅତିଥିମାନେ ଯୋଗ ଦେଉଛନ୍ତି । ଭାରତ ପକ୍ଷରୁ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ଶପଥ ଗ୍ରହଣ ଉତ୍ସବରେ ଯୋଗ ଦେବେ । ଭାରତ ସରକାରଙ୍କ ପକ୍ଷରୁ ଟ୍ରମ୍ପଙ୍କୁ ଶୁଭେଚ୍ଛା ଜଣାଇଯାଇଛି । ପଞ୍ଜାବର ଜଣେ ଚିତ୍ରଶିଳ୍ପୀ ଡୋନାଲ ଟ୍ରମ୍ପଙ୍କ ଏକ ଲାଇଫ୍ ସାଇଜ୍ ପେଣ୍ଟିଂ ପ୍ରସ୍ଥୁତ କରିଛନ୍ତି । ଯାହା ସେସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ।

ସେପଟେ ଶପଥ ଗ୍ରହଣ ପୂର୍ବରୁ ଟ୍ରମ୍ପ ମେକ୍ ଆମେରିକା ଗ୍ରେଟ୍ ଏଗେନ ବିଜୟ ରାଲିରେ ଆମେରିକାରେ ରହୁଥିବା ପ୍ରବାସୀ ଅପରାଧୀଙ୍କୁ କଡ଼ା ଚେତାବନୀ ଦେଇଛନ୍ତି । ଦେଶରେ ଆଇନ-ଶୃଙ୍ଖଳା ବ୍ୟବସ୍ଥାକୁ ପୁଣି ସୁଦୃଢ କରିବା ସହ ସ୍କୁଲରେ ଦେଶଭକ୍ତି ଭାବନା ଜାଗ୍ରତ କରିବାକୁ ପ୍ରୟାସ କରିବେ ବୋଲି କହିଛନ୍ତି ଟ୍ରମ୍ପ । ଏହାସହ ପୁଣି ଥରେ ଆମେରିକା ମହାନ ରାଷ୍ଟ୍ରରେ ପରିଣତ ହେବ ବୋଲି ସେ କହିଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more