ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ନୂଆ ଟିମ୍
ଅର୍ଗସ ବ୍ୟୁରୋ: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ନୂଆ ଟିମ୍ । ଆମେରିକା ରାଷ୍ଟ୍ରପତି ଭାବେ ଶପଥ ନେବା ପୂର୍ବରୁ ଟ୍ରମ୍ପ୍ଙ୍କ ଟିମ୍ ଗଠନ ତତ୍ପରତା । ଏଥିରେ ଟେସଲା ମୁଖ୍ୟ ଏଲନ୍ ମସ୍କ ଓ ରିପବ୍ଲିକ ଦଳର ପୂର୍ବତନ ଉପରାଷ୍ଟ୍ରପତି ପ୍ରାର୍ଥୀ ବିବେକ ରାମସ୍ବାମୀଙ୍କୁ ବଡ ଦାୟିତ୍ବ ମିଳିଛି । ଦୁହିଁଙ୍କୁ ମିଳିଲା ଡିପାର୍ଟମେଣ୍ଟ ଅଫ୍ ଗଭର୍ମେଣ୍ଟ ଏଫିସିଏନ୍ସି ବିଭାଗ ଦାୟିତ୍ଵ । ସେମାନ ଅତ୍ୟଧିକ ସରକାରୀ କଟକଣା ଓ ରାଜକୋଷରୁ ଅର୍ଥ ଅପଚୟ ଉପରେ ନଜର ରଖିବେ। ସରକାର ଗଠନ ପୂର୍ବରୁ ଅଫିସର ରାଜ ସମାପ୍ତ ଉପରେ ଗୁରୁତ୍ବ ଦେଇଛନ୍ତି ଟ୍ରମ୍ପ । କାର୍ଯ୍ୟ ପରିଚାଳନାରେ ସ୍ବଚ୍ଛତା ଓ ଆମେରିକୀୟ ବାସୀ ଯେପରି ସର୍ବାତ୍ତମ ବ୍ୟବସ୍ଥା ମିଳିପାରିବ ସେ ନେଇ ସୁନିଶ୍ଚିତ କରାଯିବ । ରାଜକୋଷରୁ ୬.୫ ଟ୍ରିଲିୟନ ଡଲାରର ଯେଉଁ ଘୋଟାଲା ହୋଇଛି ତା ଉପରେ ତଦନ୍ତ କରାଯିବ । ଆମେରିକା ବଞ୍ଚାଅ ଆନ୍ଦୋଳନ ପାଇଁ ଏସବୁର ଆବଶ୍ୟକତା ରହିଥିବା ଟ୍ରମ୍ପ କହିଛନ୍ତି । ପୂର୍ବରୁ ନିର୍ବାଚନ ପ୍ରଚାର ବେଳେ ଏଲନ ମସ୍କଙ୍କୁ ଗୁରୁତ୍ବପୂର୍ଣ୍ଣ ଦାୟିତ୍ବ ଦିଆଯିବ ବୋଲି ଘୋଷଣା କରିଥିଲେ ଟ୍ରମ୍ପ ।
