ଭୂକମ୍ପରେ ଥରିଲା ଆଣ୍ଡାମାନ-ନିକୋବର ଦ୍ବୀପପୁଞ୍ଜ । ବିଳମ୍ପିତ ରାତିରେ ଲାଗିଛି ଭୂକମ୍ପର ଝଟକା। ରାତି ୧୨ଟା ୧୨ ମିନିଟରେ ଭୂମିକମ୍ପରେ ଥରିଛି ଆଣ୍ଡାମାନ-ନିକୋବର ଦ୍ବୀପପୁଞ୍ଜ । ତେବେ ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୬.୨ ରେକର୍ଡ କରାଯାଇଥିବା ବେଳେ ଜର୍ମାନ ରିସର୍ଚ୍ଚ ସେଣ୍ଟର ଫର ଜିଓସାଇନ୍ସ ଅନୁଯାୟୀ ଭୂମିକମ୍ପ ୧୦ କିଲୋମିଟର ଗଭୀରତାରେ ହୋଇଛି । ବର୍ତ୍ତମାନ ସୁଦ୍ଧା ଭୂକମ୍ପରେ କୌଣସି କ୍ଷୟକ୍ଷତି ହୋଇଥିବା ଖବର ମିଳିନି । ସୁନାମୀର ମଧ୍ୟ କୌଣସି ଆଶଙ୍କା ନାହିଁ।

ଆଣ୍ଡାମାନ ସାଗର ଭୂକମ୍ପ ଦୃଷ୍ଟିରୁ ଏକ ସକ୍ରିୟ ଅଞ୍ଚଳ ତେଣୁ ଏଠାରେ ଭୂମିକମ୍ପ ଅତି ସାଧାରଣ କଥା । ତେବେ ଜୁଲାଇ ୧୦ରେ ଭୂକମ୍ପରେ ଦୋହଲିଥିଲା ଦିଲ୍ଲୀ। ଦିଲ୍ଲୀକୁ ଲାଗିଥିଲା ଭୂକମ୍ପର ଝଟକା । ସକାଳୁ ସକାଳୁ ଥରିଥିଲା ଭାରତର ରାଜଧାନୀ । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୪.୪ ଥିବାବେଳେ ଭୂକମ୍ପର କେନ୍ଦ୍ରସ୍ଥଳ ହରିଆଣାର ଝାଜର ରହିଥିଲା। ତେବେ ଦିଲ୍ଲୀ, ନୋଏଡା ଏବଂ ଗାଜିଆବାଦରେ ଅନୁଭୂତ ହୋଇଥିଲା ଏହି ଭୂକମ୍ପର ଝଟରା । ପ୍ରାୟ ୧୦ ସେକେଣ୍ଡ ଯାଏଁ ଥରିଥିଲା ଦିଲ୍ଲୀ ।