ଅଫିସରେ ରୋମାନ୍ସ କରିବା ପଡିଲା ମହଙ୍ଗା । ପ୍ରଥମେ ବହିଷ୍କାର ହୋଇଥିଲେ ସିଇଓ ପରେ ବହିଷ୍କାର ହେଲେ ଚିଫ୍ ପିପୁଲ ଅଫିସର(ଏଚ୍‌ଆର୍ ) । ଏବେ ଏଚ୍ଆର୍ କ୍ରିଷ୍ଟିନ୍ କ୍ୟାବଟ ନିଜ ପତିଙ୍କୁ ଛାଡପତ୍ର ପାଇଁ କୋର୍ଟରେ ଆବେଦନ କରିଛନ୍ତି । ମାତ୍ର କିଛି ସେକେଣ୍ଡର ଭିଡିଓ ବଦଳାଇ ଦେଇଥିଲା ୨ ଅଫିସରଙ୍କ ଜୀବନର ମୋଡ । ଭିଡିଓ ଭାଇରାଲ ହେବାପରେ ଉଠିଥିଲା ପ୍ରଶ୍ନ , ବଢିଥିଲା ବିବାଦ ।

ଗତ ଜୁଲାଇରେ ମାସାଚୁସେଟ୍ସରେ ଆୟଜିତ ଏକ କୋଲ୍ଡପ୍ଲେ କନ୍‌ସର୍ଟରେ ଆଷ୍ଟ୍ରୋନୋମର ସିଇଓ ଆଣ୍ଡି ବାଇରନ୍ ଏବଂ ଏଚ୍‌ଆର୍ କ୍ରିଷ୍ଟିନ୍ କ୍ୟାବେଟ୍‌ଙ୍କ ରୋମାନ୍ସ କ୍ୟାମେରାରେ କଏଦ ହୋଇଥିଲା । ଉଭୟଙ୍କ ଉପରେ କ୍ୟାମେରା ଫୋକସ୍ କରିବା ମାତ୍ରେ ସାଙ୍ଗେସାଙ୍ଗେ ଉଭୟ ନିଜକୁ ଲୁଚାଇବାକୁ ଚେଷ୍ଟା କରିଥିଲେ । ସେଠାରେ ଥିବା ସିଙ୍ଗର କ୍ରିସ୍ ମାର୍ଟିନ ମଜାରେ କହିଥିଲେ, ହୁଏତ ଏମାନେ ଦୁଇଜଣ ଆଫାୟାର୍ସରେ ଅଛନ୍ତି, ନହେଲେ ୨ଜଣ ଖୁବ୍ ଲାଜୁଆ ଅଟନ୍ତି । ପରେ ଜଣା ପଡିଥିଲା ଆଷ୍ଟ୍ରୋନୋମର ସିଇଓ ଆଣ୍ଡି ବାଇରନ୍‌ଙ୍କ ପତ୍ନୀ ମାର୍କେଟିଙ୍ଗ ଏକ୍‌ଜିକ୍ୟୁଟିଭ୍ ମେଗନ କୋରିଗନ ଅଟନ୍ତି । ଏଚ୍‌ଆର୍ କ୍ରିଷ୍ଟିନ୍ କ୍ୟାବେଟ୍‌ଙ୍କ ସ୍ଵାମୀ ଆଉ ଏକ କମ୍ପାନୀର ସିଇଓ ଏଣ୍ଡ୍ରୟୁ କ୍ୟାବେଟ୍‌ ଅଟନ୍ତି । ତେବେ ଅଫିସରେ ଉଭୟଙ୍କ ଲୁଚାଛପା ପ୍ରେମ ଜଣା ପଡିବା ପରେ ବିବାଦ ବଢିବାରେ ଲାଗିଥିଲା ।

ପରେ ବାଇରନ୍ ଆଉ କ୍ୟାବେଟଙ୍କୁ ଇସ୍ତଫା ଦେବାପାଇଁ ସୋସିଆଲ ମିଡିଆରେ ଦାବି କରାଯାଉଥିବା ଦେଖଇବାକୁ ମିଳିଥିଲା । ବାଇରନ୍ ନିଜେ ଇସ୍ତଫା ଦେବା ପୂର୍ବରୁ ଛୁଟିରେ ରହିଲେ । କ୍ୟାବେଟ୍ ମଧ୍ୟ ଛୁଟିରେ ରହିଲେ । ପରେ ନିଜ ପଦରୁ ଇସ୍ତଫା ଦେଇଥିଲେ ବାଇରନ୍ ।

ଏବେ ପୁଣି କ୍ରିଷ୍ଟିନ୍ କ୍ୟାବେଟ୍‌ ନିଜ ଏଚ୍‌ଆର୍ ପଦରୁ ଇସ୍ତଫା ଦେଇଛନ୍ତି । ଇସ୍ତଫା ପରେ କୋର୍ଟରେ ନିଜ ପତିଙ୍କୁ ଛାଡପତ୍ର ଦେବାପାଇଁ ଆବେଦନ କରିଛନ୍ତି । ତେବେ କମ୍ପାନୀ ମୁତାବକ ଉଭୟ କ୍ରିଷ୍ଟିନ୍ ଏବଂ ବାଇରନ୍‌ଙ୍କ ପକ୍ଷରୁ ସାର୍ବଜନୀକ ଭାବେ କୌଣସି ଟିପ୍ପଣୀ ମିଳିନାହିଁ ।

Coldplay's Chris Martin accidentally exposes astronomer CEO Andy Byron having an affair with his HR chief Kristin Cabot. pic.twitter.com/GMa2g0EiK3

— Pop Crave (@PopCrave) July 17, 2025