ପାକିସ୍ତାନ ରାଷ୍ଟ୍ରପତି ଆସିଫ ଅଲି ଜର୍ଦାରୀ ଏବେ ଅପରେସନ ସିନ୍ଦୂରକୁ ନେଇ ସବୁ ସତ ମାନିଛନ୍ତି । ସେହି ସମୟରେ ପାକରେ ଚାଲିଥିବା ଭୟର ବାତାବରଣକୁ ନେଇ ଗଣମାଧ୍ୟମ ସମ୍ମୁଖରେ ସତ କହିଛନ୍ତି ଜର୍ଦ୍ଦାରୀ । ଭାରତର 'ଅପରେସନ ସିନ୍ଦୂର'କୁ ନେଇ ପାକିସ୍ତାନ ଅନେକ ସମୟରେ ଭିନ୍ନ ଭିନ୍ନ ମତ ରଖୁଥିଲା । ଏତେ ବଡ ଆକ୍ରମଣକୁ ଯେମିତି ହାଲୁକା ଭାବେ ପାକିସ୍ତାନ ନେଇଥିବା ଭଳି ନିଜକୁ ପ୍ରମାଣିତ କରୁଥିଲା । ବିଶେଷଭାବେ ପାକ୍‌ର ପ୍ରଧାନମନ୍ତ୍ରୀ ଅପରେସନ ସିନ୍ଦୂରର ଭୟାବହତା ମାନିବାକୁ ପ୍ରସ୍ତୁତ ନଥିଲେ । ହେଲେ ଏବେ ସବୁ ସତ ମାନିଛନ୍ତି ପାକ୍ ରାଷ୍ଟ୍ରପତି ।

ଜର୍ଦ୍ଦାରୀ ପ୍ରଥମ ଥର ପାଇଁ ସ୍ବୀକାର କରି କହିଛନ୍ତି, ଅପରେସନ ସିନ୍ଦୂର ସମୟରେ ପୁରା ପାକ୍ରେ ଭୟର ବାତାବରଣ ଲାଗି ରହିଥିଲା । ତାଙ୍କ ସାମରିକ ସଚିବ ତାଙ୍କୁ ତୁରନ୍ତ ବଙ୍କରକୁ ଯିବାକୁ ପରାମର୍ଶ ଦେଇଥିଲେ । ସମସ୍ତ ନେତାମାନଙ୍କୁ ବଙ୍କରରେ ରହିବାକୁ କୁହାଯାଇଥିଲା । କିନ୍ତୁ ଜର୍ଦ୍ଦାରୀ ଏକ ସାକ୍ଷାତକାରରେ କହିଥିଲେ, "ଏମିତି ରହିବାକୁ ମୁଁ ମନା କରିଥିଲି । ମୁଁ କହିଥିଲି, ଯଦି ସହିଦ ହେବାକୁ ହେବ ତେବେ ଏଠି ହିଁ ହେବ । ନେତାମାନେ ବଙ୍କରରେ ମରନ୍ତି ନାହିଁ । ଯୁଦ୍ଧକ୍ଷେତ୍ରରେ ମରନ୍ତି ।"
ଜର୍ଦ୍ଦାରୀ କହିଛନ୍ତି, ଭାରତର 'ଅପରେସନ ସିନ୍ଦୂର' ଆକ୍ରମଣ ଆରମ୍ଭ ହେବାର ୪ ଦିନ ପୂର୍ବରୁ ତାଙ୍କୁ ଏହାର ସୂଚନା ମିଳିଥିଲା । ହେଲେ ଏତେ ଭୟାନକ ଥିଲା, ଯାହାକୁ ନେଇ ଭୟରେ ଥରିଥିଲା ପାକିସ୍ତାନ ।

ସେହିପରି ବୈଦେଶିକ ମନ୍ତ୍ରୀ ଇଶାକ୍ ଡାର ମଧ୍ୟ ସତ ମାନିଛନ୍ତି । ସେ କହିଛନ୍ତି, "ନୂର୍ ଖାନ ଏୟାରବେସ୍ ଉପରେ ହୋଇଥିବା ଆକ୍ରମଣରେ ବ୍ୟାପକ କ୍ଷତି ହୋଇଥିଲା, ସେନା ଯବାନ ମଧ୍ୟ ଆହତ ହୋଇଥିଲେ ।"ସ୍ଵଳ୍ପ ସମୟ ମଧ୍ୟରେ ପାକିସ୍ତାନକୁ ଏକସଙ୍ଗରେ ଭାରତ ବିପୁଳ ଡ୍ରୋନ୍ ପଠାଇଥିଲା । ଅପରେସନ୍ ସିନ୍ଦୂରର ୩୬ ଘଣ୍ଟାରେ ଭାରତ ୮୦ଟି ଡ୍ରୋନ୍ ପଠାଇଥିଲା । ମେ ୧୦ ତାରିଖ ସକାଳେ ନୂର୍ ଖାନ ଏୟାରବେସ୍ ଉପରେ ଆକ୍ରମଣ ହୋଇଥିଲା ।ତେବେ ଏପ୍ରିଲ ୨୨ରେ ପହଲଗାମରେ ଆତଙ୍କବାଦୀ ଆକ୍ରମଣ ହୋଇଥିଲା । ଯେଉଁଥିରେ ୨୬ ଜଣଙ୍କ ମୃତ୍ୟୁ ହୋଇଥିଲା। ଆଉ ଏହାପରେ ପାକିସ୍ତାନ ଉପରେ ମେ ୭ରେ 'ଅପରେସନ ସିନ୍ଦୁର' ଆରମ୍ଭ କରିଥିଲେ ଭାରତ । ଏହି ଅଭିଯାନରେ ଆତଙ୍କବାଦୀର ୯ଟି କ୍ୟାମ୍ପ ଧ୍ଵଂସ କରିଥିଲା ଭାରତ । ଏଥିସହ ୧୦୦ରୁ ଅଧିକ ଆତଙ୍କବାଦୀ ନିହତ ହୋଇଥିଲେ । ଏହାପରେ ପାକିସ୍ତାନର ମିସାଇଲ ଏବଂ ଡ୍ରୋନ ଆକ୍ରମଣକୁ ଭାରତ ପଣ୍ଡ କରିଥିଲା ।

ଏଥିସହ ପଢ଼ନ୍ତୁ: ମା'ର ମୃତ୍ୟୁ ଖବର ସମସ୍ତଙ୍କୁ ଲୁଚାଇଥିଲା ପୁଅ, ପୋଲିସ କହିଲା...

ତେବେ ମେ ୧୦ରେ ଏହି ଭାରତ-ପାକ୍ର ଯୁଦ୍ଧବିରତି ଘୋଷଣା କରାଯାଇଥିଲା । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏଥିରେ ମଧ୍ୟସ୍ଥତା ଦାବି କରିଥିବା ବେଳେ ଏହାକୁ ଦୃଢ ଭାବେ ଖଣ୍ଡନ କରିଥିଲା ଭାରତ । ତେବେ ମଧ୍ୟସ୍ଥତାକୁ ନେଇ ଭାରତର ଆଭିମୂଖ୍ୟ ସ୍ପଷ୍ଟ ଥିବାବେଳେ ଜର୍ଦ୍ଦାରୀଙ୍କ ବୟାନ ପୁଣି ଅପରେସନ ସିନ୍ଦୂରର ଭୟାବହତାକୁ ପ୍ରମାଣିତ କରିଛି ।

ଅଧିକ ପଢ଼ନ୍ତୁ ବିଦେଶ ଖବର: