ଆରମ୍ଭ ହେଲା ଯୁଦ୍ଧ। ଆମେରିକା ଆସିଲା ମାଡ଼ି। ପଛକୁ ପଛକୁ ଘୁଞ୍ଚିଲେ ଖାମେନି। ଶେଷରେ ମଧ୍ୟ ପ୍ରାଚ୍ୟରେ ଭୟଙ୍କର ଯୁଦ୍ଧ ଆରମ୍ଭ । ଇସ୍ରାଏଲ ପକ୍ଷରୁ ଇରାନ ଉପରେ ବଡ଼ ଧରଣର ଆକ୍ରମଣ କରାଯାଇଛି । ତେହେରାନର ବିଭିନ୍ନ ଅଞ୍ଚଳରୁ କଳା ଧୂଆଁ ଉଠୁଥିବାର ଦେଖବାକୁ ମିଳୁଛି । ଇସ୍ରାଏଲ ପ୍ରତିରକ୍ଷା ମନ୍ତ୍ରୀ ଇସ୍ରାଏଲ କାଟଜ୍ ସାରା ଦେଶରେ ତୁରନ୍ତ ଜାତୀୟ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି ।

ପ୍ରାରମ୍ଭିକ ସୂଚନା ଅନୁଯାୟୀ, ଇସ୍ରାଏଲୀ ବାୟୁସେନା ଇରାନରେ ଅନେକ ଲକ୍ଷ୍ୟସ୍ଥଳକୁ ଟାର୍ଗେଟ କରିଛି । ଅନ୍ତର୍ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଇରାନର ରାଜଧାନୀ ତେହେରାନରେ ଏକାଧିକ ବିସ୍ଫୋରଣ ଶୁଣାଯାଇଥିଲା, ଯାହାକୁ ଇରାନୀ ଟିଭି ଚ୍ୟାନେଲ ସହିତ ଜଡିତ ସୂତ୍ର ମଧ୍ୟ ନିଶ୍ଚିତ କରିଛନ୍ତି । ଏହି ରିପୋର୍ଟରେ କୁହାଯାଇଛି ଯେ, ଇସ୍ରାଏଲ ଡଜନ ଡଜନ ସାମରିକ ପ୍ରତିଷ୍ଠାନ ଏବଂ କିଛି ସମ୍ବେଦନଶୀଳ ସ୍ଥାନକୁ ଟାର୍ଗେଟ କରିଛି ।

ଇସ୍ରାଏଲ ଇରାନ ବିରୋଧରେ ଏକ ଆଗୁଆ ଆକ୍ରମଣ ଆରମ୍ଭ କରିବା ନିଶ୍ଚିତ କରିବା ପରେ ଏହି ଘୋଷଣା କରାଯାଇଛି । ସେପଟେ ଆମେରିକା ବି ଇରାନ ଉପରେ କରିଛି ଆକ୍ରମଣ । ପାଖାପାଖି ୩୦ ଟି ସ୍ଥାନରେ ଆକ୍ରମଣ ହୋଇଛି । ଇସ୍ରାଏଲ ଏବଂ ଆମେରିକା ଇରାନ ଉପରେ ଏକ ବଡ଼ ଆକ୍ରମଣ ଆରମ୍ଭ କରିଛନ୍ତି । ଇସ୍ରାଏଲ ଇରାନ ରାଷ୍ଟ୍ରପତି ଭବନକୁ ଟାର୍ଗେଟ କରିଛି । ଇରାନ ଗୁପ୍ତଚର ସଂସ୍ଥାର ମୁଖ୍ୟାଳୟକୁ ମଧ୍ୟ ଟାର୍ଗେଟ କରିଛି। ରିପୋର୍ଟ ଅନୁଯାୟୀ, ଇରାନର ଅନେକ ଗୁରୁତ୍ୱପୂର୍ଣ୍ଣ ସରକାରୀ କୋଠାକୁ ଟାର୍ଗେଟ କରାଯାଇଛି।

ରିପୋର୍ଟ ଅନୁଯାୟୀ, ଇରାନର ସର୍ବୋଚ୍ଚ ନେତା ଅଲି ଖାମେନି ବର୍ତ୍ତମାନ ତେହେରାନରେ ନାହାନ୍ତି। ତାଙ୍କୁ ଏକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି। ଅନ୍ୟପଟରେ ଇସ୍ରାଏଲ୍ରେ ବେସାମରିକ ବିମାନ ବନ୍ଦ । ବେସାମରିକ ବିମାନ ଉଡ଼ାଣ ବନ୍ଦ ଘୋଷଣା କଲା ଇସ୍ରାଏଲ୍ । କେହି ବିମାନବନ୍ଦରକୁ ନ ଆସିବା ପାଇଁ ଇସ୍ରାଏଲ୍ ସରକାରଙ୍କ ନିର୍ଦ୍ଦେଶ ।

ଏଥିସହ ପଢ଼ନ୍ତୁ: ସ୍ୱାମୀର ରୋଜଗାର ୩୨୫ ଟଙ୍କା, ସ୍ତ୍ରୀଙ୍କୁ ଦେବେ ୧୦ ହଜାର ଭରଣପୋଷଣ

ସେପଟେ ପଡ଼ୋଶୀ ଦେଶ ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଘମାଘୋଟ ଯୁଦ୍ଧ ଆରମ୍ଭ ହୋଇଛି । ପାକିସ୍ତାନ ଗୁରୁବାରଠାରୁ ତାଲିବାନ ସୈନ୍ୟ ଠିକଣା ଉପରେ ଏୟାରଷ୍ଟ୍ରାଇକ୍ କରିଛି । ଏହାପରେ ଏବେ ସବୁ ଆଡ଼େ ଗୋଟିଏ ପ୍ରଶ୍ନ ଯେ ତାଲିବାନ ନେତୃତ୍ଵାଧୀନ ଆଫଗାନିସ୍ତାନ ଏହାର ଜବାବରେ ଆକାଶ ମାର୍ଗରେ ଆକ୍ରମଣ କରିବାକୁ ସକ୍ଷମ ହେବ କି ନାହିଁ ? ଉଭୟ ଦେଶର ସୈନ୍ୟ ଶକ୍ତିକୁ ତୁଳନା କଲେ ପାକିସ୍ତାନ ବହୁ ଆଗରେ ଅଛି ।

ଅଧିକ ପଢ଼ନ୍ତୁ ବିଦେଶ ଖବର: