ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନଙ୍କ ପତ୍ନୀ ଜଣେ ମହିଳା ନୁହେଁ ପୁରୁଷ । ସେ ଜଣେ ପୁରୁଷ ଭାବେ ଜନ୍ମ ହୋଇଥିଲେ । ହେଲେ ଏହାପରେ ସେ ନିଜ ଲିଙ୍ଗ ପରିବର୍ତ୍ତନ କରିଛନ୍ତି । ଏମିତି କିଛି ଅଭିଯୋଗ ଆସିବା ପରେ ଏବେ ଆମେରିକା କୋର୍ଟରେ ପ୍ରମାଣ ଦେବାକୁ ଯୋଜନା କରୁଛନ୍ତି ଫ୍ରାନସ ରାଷ୍ଟ୍ରପତି ଇମାନୁଏଲ ମାକ୍ରୋନ ଏବଂ ତାଙ୍କ ପତ୍ନୀ ବ୍ରିଜିଟ୍ ମାକ୍ରୋନ ।

ଫ୍ରାନ୍ସ ରାଷ୍ଟ୍ରପତିଙ୍କ ପତ୍ନୀ ବ୍ରିଜିଟ୍ ଜଣେ ପୁରୁଷ ବୋଲି ବାରମ୍ବାର ଅଭିଯୋଗ କରିଆସୁଛନ୍ତି ଆମେରିକାର ପୂର୍ବତନ ଭାଷ୍ୟକାର କାଣ୍ଡାସେ ଓୱେନ୍ସ । ଏହି ଅଭିଯୋଗ ଭିତ୍ତିହୀନ ହୋଇଥିଲେ ହେଁ ପ୍ରମାଣ ଦେବାକୁ ଯୋଜନା କରୁଛନ୍ତି ଫ୍ରାନ୍ସ ରାଷ୍ଟ୍ରପତି ଓ ପତ୍ନୀ । ଏକ ପଡକାଷ୍ଟ୍ ରେ ମାକ୍ରୋନଙ୍କ ପାଇଁ କାର୍ଯ୍ୟ କରୁଥିବା ଜଣେ ଓକିଲ ଟମ୍ କ୍ଲେୟାର କହିଛନ୍ତି ଯେ ବ୍ରିଜିଟ୍ ତାଙ୍କ ବିଷୟରେ ଏମିତି କିଛି ଖବର ଜାଣିବା ପରେ ବିଚଳିତ ହୋଇପଡିଥିଲେ । ଫ୍ରାନ୍ସ ରାଷ୍ଟ୍ରପତି ଏବଂ ତାଙ୍କ ପତ୍ନୀଙ୍କ ବିରୋଧରେ ଏଭଳି ଅଭିଯୋଗ ହେବା ପରେ ଦୁହେଁ ସଫେଇ ଦେବାକୁ ଯୋଜନା କରୁଥିବା ସେ କହିଛନ୍ତି । ଜଣେ ସାଧାରଣ ପରିବାର ନୁହେଁ ଏହା ଜଣେ ରାଷ୍ଟ୍ରପତିଙ୍କ ପରିବାରକୁ ଆକ୍ଷେପ କରାଯାଇଛି ।

ଏମିତି କି ସେ ସାଇଣ୍ଟିଫିକ୍ ପ୍ରୁଫ୍ ଉପସ୍ଥାନ କରିବାକୁ ପ୍ରସ୍ତୁତ ଥିଲେ । ପରିସ୍ଥିତି ତାଙ୍କୁ ବାଧ୍ୟ କରିଛି । ଏହି ଘଟଣା ଅତ୍ୟନ୍ତ ଦୁଃଖ ଦାୟକ ବୋଲି ସେ କହିଛନ୍ତି । ଯେତେବେଳେ ନିଜ ପରିବାର ଉପରେ ଆଞ୍ଚ୍ ଆସେ ସେତେବେଳେ କଷ୍ଟ କଣ ଜଣାପଡେ ବୋଲି ସେ ପଡକାଷ୍ଟରେ କହିଛନ୍ତି ।

କାଣ୍ଡାସେ ଓୱେନ୍ସ କିଏ?

ଓୱେନ୍ସ ହେଉଛନ୍ତି ରକ୍ଷଣଶୀଳ ଆମେରିକୀୟ ଆଉଟଲେଟ୍ ଡେଲି ୱାୟାରର ପୂର୍ବତନ ଭାଷ୍ୟକାର । ଏବଂ ସାମାଜିକ ଗଣମାଧ୍ୟମରେ ତାଙ୍କର ଲକ୍ଷ ଲକ୍ଷ ଫଲୋଅର୍ ରହିଛନ୍ତି ।

ଇମାନୁଏଲ ମାକ୍ରୋନ ଏବେ ତାଙ୍କ ପତ୍ନୀ ବ୍ରିଜିଟ୍ ଜୁଲାଇ ମାସରେ କୋର୍ଟରେ ଏକ ମାନହାନି ମକଦ୍ଦମା ମଧ୍ୟ ରୁଜ୍ଜୁ କରିଥିଲେ । ତାଙ୍କ ବିରୋଧରେ ଏହା ଏକ ଷଡଯନ୍ତ୍ର । ତାଙ୍କ ଦାବିକୁ ଭୁଲ ପ୍ରମାଣିତ କରିବାକୁ ସେ ସବୁ ପ୍ରକାରର ପ୍ରମାଣ ଦେବାକୁ ରାଜି ଥିଲେ।