ଆମେରିକାରେ ଜଣେ ୨୧ ବର୍ଷୀୟ ଭାରତୀୟ ଡ୍ରାଇଭରଙ୍କ ବିରୋଧରେ ଏକ ଭୟଙ୍କର ଟ୍ରକ ଦୁର୍ଘଟଣା ଘଟାଇଥିବା ଅଭିଯୋଗ ହୋଇଛି । ଯେଉଁଥିରେ ତିନି ଜଣଙ୍କର ମୃତ୍ୟୁ ହୋଇଛି। ଆମେରିକା ଗଣମାଧ୍ୟମ ରିପୋର୍ଟ ଅନୁଯାୟୀ, ଜଶନପ୍ରୀତ ସିଂହ ନାମକ ଡ୍ରାଇଭର ଏହି କାଣ୍ଡ ଘଟାଇଛନ୍ତି । ସେ ଆମେରିକାର ଜଣେ ଅବୈଧ ପ୍ରବାସୀ ବୋଲି ମଧ୍ୟ ରିପୋର୍ଟରେ ଦର୍ଶାଯାଇଛି । ଦକ୍ଷିଣ କାଲିଫର୍ନିଆର ସାନ ବର୍ନାର୍ଡିନୋ କାଉଣ୍ଟି ଫ୍ରିୱେରେ ଧିରେ ଧିରେ ଯାଉଥିବା ଟ୍ରାଫିକ୍‌ ମଧ୍ୟ ନିଜର ସେମି ଟ୍ରକ୍‌କୁ ନେଇ ଧସେଇ ପଶିଥିଲେ । ଲଗାତାର ଭାବେ ଅନେକ ଗାଡ଼ିକୁ ସେ ଧକ୍କା ଦେଇଥିଲେ । ଗାଡ଼ି ଗୁଡ଼ିକ ଛିନ୍‌ଛତ୍ର ହୋଇଯାଇଥିଲା । ଏହି ଦୁର୍ଘଟଣାର ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି।

ଏହାସହ ପଢ଼ନ୍ତୁ:- ଫୁଲ ଦମ୍‌ରେ ପ୍ରଚାର ମୈଦାନରେ BJP, ଆଗକୁ ବଢ଼ିପାରୁନି ମହାଗଠବନ୍ଧନ !

ଜଶନପ୍ରୀତ ସିଂହ ୨୦୨୨ ମସିହାରେ ଦକ୍ଷିଣ ସୀମା ପାର କରି ଅବୈଧ ଭାବରେ ଆମେରିକାରେ ପ୍ରବେଶ କରିଥିବା ଅଭିଯୋଗ ହୋଇଛି। ତାଙ୍କୁ ମାର୍ଚ୍ଚ ୨୦୨୨ରେ କାଲିଫର୍ନିଆର ଏଲ୍ ସେଣ୍ଟ୍ରୋ ସେକ୍ଟରରେ ସୀମା ପାଟ୍ରୋଲ୍ ଏଜେଣ୍ଟମାନେ ଗିରଫ କରିଥିଲେ । କିନ୍ତୁ ସେତେବେଳର ବାଇଡେନ୍‌ ପ୍ରଶାସନର ନୀତି ଅନୁସାରେ ତାଙ୍କୁ ଛାଡ଼ି ଦିଆଯାଇଥିଲା ।

ଦୁର୍ଘଟଣାରେ ୩ ଜଣ ପ୍ରାଣ ହରାଇଛନ୍ତି

ଏହି ଭୟଙ୍କର ଦୁର୍ଘଟଣା ପୂରା ଭିଡିଓ ଜସନପ୍ରୀତ ସିଂହଙ୍କ ଟ୍ରକରେ ଲାଗିଥିବା କ୍ୟାମେରାରେ କଏଦ ହୋଇଛି । ଭିଡିଓରେ ସ୍ପଷ୍ଟ ଜଣାପଡ଼ୁଛି ଯେ ବଡ଼ ଟ୍ରକଟି ଏକ SUV ସହିତ ପ୍ରଥମେ ଧକ୍କା ହୋଇଥିଲା, ଯେଉଁଥିରେ ଅତି କମରେ ତିନି ଜଣଙ୍କର ମୃତ୍ୟୁ ହୋଇଛି । ଏହାସହ ଅନ୍ୟ ଗାଡ଼ି ଗୁଡ଼ିକୁ ମଧ୍ୟ ତାଙ୍କ ଟ୍ରକ୍‌ ଧକ୍କା ଦେଇଛି । ଏଥିରେ ଏକାଧିକ ଗୁରୁତର ହୋଇଥିବା ଆଶଙ୍କା ରହିଛି । ତେବେ ୩ ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ। ଗୁରୁତରଙ୍କ ମଧ୍ୟରେ ଜସନପ୍ରୀତ ସିଂହ ମଧ୍ୟ ସାମିଲ ଅଛନ୍ତି । ଗୁରୁତରଙ୍କ ମଧ୍ୟରେ ଜଣେ ମେକାନିକ୍‌ଙ୍କ ଅବସ୍ଥା ମଧ୍ୟ ସଂକଟାପନ୍ନ ରହିଥିବା ରିପୋର୍ଟରେ କୁହାଯାଇଛି । ମେକାନିକ୍‌ ଜଣକ ଅନ୍ୟ ଏକ ଗାଡ଼ିର ଟାୟାର ବଦଳାଇବାରେ ସାହାଯ୍ୟ କରୁଥିଲେ ।

ଏହାସହ ପଢ଼ନ୍ତୁ:- ଭାରତୀୟଙ୍କ ଜବରଦସ୍ତି ଯୁଦ୍ଧକୁ ନେଉଛି ଋଷ, ଚାକିରି ଦେବେ କହି ଫସାଉଛନ୍ତି ଏଜେଣ୍ଟ !

ପୋଲିସ କହିଛି ଯେ ଜସନପ୍ରୀତ ସିଂହ ଟ୍ରାଫିକ୍ ଜାମରେ ଫସିବା ପୂର୍ବରୁ ବିଲକୁଲ ବ୍ରେକ୍ ଲଗାଇ ନଥିଲେ। କାରଣ ସେ ନିଶାସକ୍ତ ଅବସ୍ଥାରେ ଥିଲେ । ପରୀକ୍ଷାରୁ ଜଣାପଡ଼ିଛି ଯେ ସେ ଡ୍ରଗ୍ସ ନିଶାରେ ଚୁର ଥିଲେ । ABC7 ନ୍ୟୁଜ୍ ରିପୋର୍ଟ ଅନୁଯାୟୀ, CHP ଅଧିକାରୀ ରୋଡ୍ରିଗୋ ଜିମେନେଜ୍ ଏହି ସୂଚନା ଦେଇଛନ୍ତି ।

ଆମେରିକାର ଗୃହ ସୁରକ୍ଷା ବିଭାଗ ମଧ୍ୟ ନିଶ୍ଚିତ କରିଛି ଯେ ଜସନପ୍ରୀତ ସିଂହଙ୍କ ପାଖରେ ଆମେରିକାରେ ରହିବାର ଆଇନଗତ କୌଣସି କାଗଜପତ୍ର ନାହିଁ ।

BREAKING: 3 kiIIed in California by an illegal alien truck driver, Jashanpreet Singh. Singh entered in 2022, was released by Biden.

pic.twitter.com/csrKmjTRsD

— End Wokeness (@EndWokeness) October 23, 2025