ଯୁଆଡ଼େ ଦେଖ ଖାଲି ମାଳ ମାଳ ଭଙ୍ଗା କୋଠା । ମେଞ୍ଚା ମେଞ୍ଚା ଅସହାୟ ଜୀବନ । ପାଉଁଷ ମିଶା ଲୁହ ଆଉ କାନ୍ଦର କୋଳାହଳ । ଯୁଦ୍ଧ ଆଉ କ'ଣ କି । ଏ ତ ହେଉଛି ଯୁଦ୍ଧ । ମୋହ ଆଉ ଅହଂକାରର ଯୁଦ୍ଧ କେମିତି ତଳିତଳାନ୍ତ କରିଦିଏ ଏ ହେଉଛି ତାର ପାଉଁଶ ପାଲଟିଥିବା ପ୍ରମାଣ । ଯାହା ଉଡ଼ି ଉଡ଼ି ପ୍ରମାଣ କହୁଛି । ମୁଁ ଯୁଦ୍ଧ ସବୁ କିଛି କ୍ଷଣିକରେ ବୀଲିନ କରିଦିଏ।

ମର୍ତ୍ତ୍ୟର ନଗରୀକୁ ମୁଁ କ୍ଷଣିକରେ ମଶାଣିରେ ପରିଣତ କରିଦିଏ । ଯୁଦ୍ଧର ଜୁଇରେ ସବୁ କିଛି ପୋଡ଼ି ଜାଳି ଛାରଖାର କରିପକାଏ । ଯୁଦ୍ଧ କ'ଣ... ଯୁଦ୍ଧ ପରେ ସୁନ୍ଦର ସହର କେମିତି ଦେଖାଯାଏ । ଯୁଦ୍ଧର ପରିଣାମ କ'ଣ ହୋଇଥାଏ । ଯୁଦ୍ଧରୁ କିଏ ଲାଭ ପାଏ ଆଉ କିଏ କ୍ଷତି । ଦୁଃଖି କିଏ ହୁଏ ଖୁସି କାହାକୁ ମିଳେ ।

ସେ ଇସ୍ରାଏଲ ହେଉ କି ଇରାନ୍ । ଯୁଦ୍ଧ ଦେଖାଇ ଦେଇଛି ଦୁଇଜଣ ଯାକ ପରାସ୍ତ ହୋଇଛନ୍ତି । କେବଳ ଜିତିଛି ମୁଁ । ମୋ ଅଗ୍ନିର ଶିଖାରେ ତୁମେ ସବୁ ଅଙ୍ଗାର ପାଲଟି ଯାଇଛ । ତୁମ ଅହଂକାରର ଅଣ୍ଟାକୁ ମୁଁ ଭାଙ୍ଗିଛି । ତୁମ ମାନଙ୍କର ଶକ୍ତ ସାମର୍ଥ୍ୟକୁ ମୁଁ ପାଉଁଶରେ ସମାଧି ଦେଇଛି । ମୁଁ ଯୁଦ୍ଧ ମୋ ଠାରୁ କେହି ଜିତି ନାହଁନ୍ତି । ମୁଁ ମାଧ୍ୟମ ହୋଇଛି ତୁମ ମାନଙ୍କ ବିନାଶର ।

ଇସ୍ରାଏଲ ଏବଂ ଇରାନ ମଧ୍ୟରେ ଲାଗିଥିବା ଯୁଦ୍ଧରେ କିଏ ଜିତିଛି । ମଣିଷ ଜିତିଛି ନା ମଣିଷ ମାନଙ୍କ ମନରେ ସୃଷ୍ଟି ହୋଇଥିଲା ସେ ଅହଂକାରୀ ଯୁଦ୍ଧ ଜିତିଛି । କାରଣ ଯେଉଁ ତେହେରାନ ସହର ପୂର୍ବରୁ ଜନଗହଳିପୂର୍ଣ୍ଣ ଥିଲା । ସେହି ସହର ଆଜି ପାଉଁଶ ଏବଂ ଧ୍ୱଂସାବଶେଷରେ ପରିଣତ ହୋଇଛି ।

ଏଥିସହ ପଢ଼ନ୍ତୁ: ୧ ମାସ ଅସ୍ତ୍ରବିରତି, ପରମାଣୁ କାର୍ଯ୍ୟକ୍ରମ ବନ୍ଦ; ମାନିବ ତ ଇରାନ ?

ପ୍ରତ୍ୟେକ କୋଣ ଅନୁକୋଣରେ କେବଳ ନିଆଁ ଏବଂ କଳା ଧୂଆଁର ବାଦଲ ଦେଖିବାକୁ ମିଳୁଛି । ଇସ୍ରାଏଲର ସହର ତେଲ ଅଭାବର ମଧ୍ୟ ସମାନ ଦୃଶ୍ୟ । ସହରର ବଡ଼ ବଡ଼ ଆକାଶଛୁଆଁ ପ୍ରାସାଦ ଓ ସରକାରୀ କୋଠାଗୁଡ଼ିକ ମିସାଇଲ୍ ମାଡ଼ରେ ଧୂଳିସାତ୍ ହୋଇଯାଇଛି । ସ୍ଥିତି ଏମିତି ଯେ, ଅନେକ ସ୍ଥାନରେ ଚିହ୍ନିବା ମଧ୍ୟ କଷ୍ଟକର ହୋଇପଡ଼ିଛି ।

ଏଠାରେ ଛୋଟିଆ ପ୍ରଶ୍ନଟିଏ । ଏହି ଯୁଦ୍ଧରେ ଜିତିଲା କଏ ? ଏଇ କୁନି କୁନି ଛୁଆ । ଯିଏ ଯୁଦ୍ଧ କଣ ଜାଣି ନାହାଁନ୍ତି । ନା ନିଜକୁ ଶକ୍ତିଶାଳି ବୋଲାଉଥିବା ସରକାର। କାରଣ ଏ ପାଉଁଶ ମିଶା ଲୁହତ କରୁଛି ଜିତିଛି କେବଳ ଅହଂକାରୀ ଯୁଦ୍ଧ ।

ଏହି ଯୁଦ୍ଧରେ ହଜାର ହଜାର ସାଧାରଣ ନାଗରିକ ନିଜର ଘରଦ୍ୱାର ହରାଇଥିବା ବେଳେ ବହୁ ଲୋକଙ୍କର ମୃତ୍ୟୁ ହୋଇଛି । ଉଦ୍ଧାରକାରୀ ଦଳ ବଡ଼ ବଡ଼ ଅଟାଳିକା ତଳେ ଚାପି ହୋଇଥିବା ଲୋକଙ୍କୁ ବାହାର କରିବା ପାଇଁ ସଂଘର୍ଷ କରୁଛନ୍ତି । ଏହି ଘଟଣାକୁ ନେଇ ଜାତିସଂଘ ସମେତ ବିଶ୍ୱର ଅନେକ ଦେଶ ଗଭୀର ଚିନ୍ତା ପ୍ରକଟ କରିଛନ୍ତି ।

ହେଲେ ଆମେରିକା ଓ ଇସ୍ରାଏଲ ଏହି ଯୁଦ୍ଧରେ ଇରାନକୁ ପରାସ୍ତା କରିଥିବା କହୁଥିବା ବେଳେ ଇରାନ କହୁଛି ସେ ଯୁଦ୍ଧରେ ପରାସ୍ତ ହୋଇନାହିଁ । ତେବେ ଆପଣ ମାନେ ସେସବୁ ଦୃଶ୍ୟକୁ ଦେଖି କୁହନ୍ତୁ ଧରାସାୟୀ କିଏ ଆଉ ବିଜୟୀ କିଏ । କିନ୍ତୁ ଦେଖିବାକୁ ଗଲେ ଏଠାରେ ଯୁଦ୍ଧ ଜିତିଛି ଆଉ ଶକ୍ତିଶାଳୀ ଅହଂକାରୀ ଭାବନା ପରାସ୍ତ ହୋଇଛି।