ଆମେରିକା ରାଷ୍ଟ୍ରପତି ଡୋନାଲଡ୍ ଟ୍ରମ୍ପ ଓ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଗୁରୁତ୍ବପୂର୍ଣ୍ଣ ଆଲୋଚନା ସଫଳ ହୋଇଛି । ଦୁଇ ଦେଶର ରାଷ୍ଟ୍ରମୁଖ୍ୟ ପ୍ରାୟ ତିନି ଘଣ୍ଟା ଧରି ମାରାଥନ୍ ଆଲୋଚନା କରିଥିଲେ । ଆଲୋଚନା ଫଳପ୍ରଦ ହୋଇଛି, କିନ୍ତୁ ଏଥିରୁ କିଛି ନିଷ୍କର୍ଷ ବାହାରି ନଥିବା ଟ୍ରମ୍ପ କହିଛନ୍ତି । ଯେ କିଛି ପ୍ରସଙ୍ଗରେ ସହମତି ହୋଇନାହିଁ । ଏହାକୁ ସମାଧାନ କରିବାର ସୁବର୍ଣ୍ଣ ସୁଯୋଗ ଅଛି । ଅନେକ ପ୍ରସଙ୍ଗରେ ସହମତି ହୋଇଛି, କିନ୍ତୁ ୟୁକ୍ରେନ ଯୁଦ୍ଧ ସମେତ କିଛି ପ୍ରସଙ୍ଗରେ ସହମତି ହୋଇନାହିଁ । ଆମେ ଦୁଇ ଦେଶ ମଧ୍ୟରେ ବନ୍ଧୁତା ଚାହୁଁ । ପୁଟିନଙ୍କ ସହ ସାକ୍ଷାତ ସକାରାତ୍ମକ ଥିଲା।

ପରବର୍ତ୍ତୀ ସମୟରେ ୟୁକ୍ରେନର ରାଷ୍ଟ୍ରପତି ଭଲଡୋମିର ଜେଲେନସ୍କିଙ୍କ ସହ ଏନେଇ ଆଲୋଚନା କରାଯିବ । ଏଥିସହ ପୁତିନଙ୍କ ସହ ପୁଣି ଆଲୋଚନା କରାଯିବ ବୋଲି ଟ୍ରମ୍ପ କହିଛନ୍ତି। ସେପଟେ ୟୁକ୍ରେନ୍ ସମସ୍ୟାର ସମାଧାନ ପାଇଁ ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଉଦ୍ୟମକୁ ପ୍ରଶଂସା କରିଛନ୍ତି ପୁତିନ୍ । ୟୁକ୍ରେନ୍ ଯୋଗୁଁ ରୁଷିଆର ସୁରକ୍ଷା ବ୍ୟବସ୍ଥା ପ୍ରତି ସୃଷ୍ଟି ହୋଇଛି ଚ୍ୟାଲେଂଜ। ବିବାଦର ମୂଳ କାରଣ ଗୁଡିକୁ ସମାଧାନ କରିବାକୁ ପଡିବ । ଏହା କେବଳ ଆଲୋଚନା ଦ୍ବାରା ସମ୍ଭବ । ଦୁଇ ଦେଶ ମଧ୍ୟରେ ଆଲୋଚନା ପରେ ପରବର୍ତ୍ତୀ ବୈଠକ ମସ୍କୋରେ କରିବାକୁ ପ୍ରସ୍ତାବ ଦେଇଛନ୍ତି ଭ୍ଲାଦିମିର ପୁତିନ୍ । ୨୦୨୨ ଫେବୃଆରୀ ମାସରୁ ଆରମ୍ଭ ହୋଇଥିବା ରୁଷିଆ-ୟୁକ୍ରେନ୍ ଯୁଦ୍ଧରେ ହଜାରରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଆଲୋଚନା ପୂର୍ବରୁ ରୁଷିଆ ୟୁକ୍ରେନ୍ ଯୁଦ୍ଧ ପାଇଁ ଆମେରିକାର ପୂର୍ବତନ ରାଷ୍ଟ୍ରପତି ଜୋ ବାଇଡେନଙ୍କୁ ଦାୟୀ କରିଥିଲେ ଟ୍ରମ୍ପ।

ଅଧିକ ପଢ଼ନ୍ତୁ ବିଦେଶ ଖବର...

Argus News | argus news | Odisha Latest News, Breaking News, Trending News, Live TV