India Support / ଗୋଟିଏ ଦେଶର କଷ୍ଟ ଦେଖି ସହିପାରିଲା ନାହିଁ ଭାରତ... ଦୁଃଖରେ ସମୟରେ ପାଖରେ ଛିଡ଼ା ହେଲା

ଗୋଟିଏ ଦେଶର କଷ୍ଟ ଦେଖି ସହିପାରିଲା ନାହିଁ ଭାରତ... ମରଣ ମୁହଁରେ ଭାରତ ସାଜିଲା ଦେବଦୂତ । ବିପଦ ସମୟରେ ପାଲଟିଲା ପ୍ରକୃତ ବନ୍ଧୁ । ଭେନେଜୁଏଲାକୁ ସାହାଯ୍ୟର ସଞ୍ଜିବନି ନେଇ ଉଡ଼ିଲା ବାୟୁସେନା ବିମାନ ।

ଯିଏ ସୁଖରେ ନୁହେଁ ଦୁଃଖରେ ପାଖରେ ଛିଡ଼ା ହୁଏ ତାକୁ ପ୍ରକୃତ ବନ୍ଧୁ ବୋଲି କୁହାଯାଏ । ଆଜି ଭାରତ ଦୁଃଖ ଏବଂ ବିନାଶ ସମୟରେ ଯାଇ ପାଖରେ ଛିଡ଼ା ହୋଇଛି । କାନ୍ଦ ବୋବାଳିରେ ଫାଟିପଡ଼ୁଥିବା ଦେଶର ଲୁହକୁ ପୋଛିବାକୁ ଚେଷ୍ଟା କରିଛି । ବିପଦ ସମୟରେ ପାଖରେ ଯାଇ ଛିଡ଼ା ହୋଇଛି ଭାରତ । ମୃତ୍ୟୁ ଆଗରେ ଦେବଦୂତ ସାଜି ଛିଡ଼ା ହୋଇଛି ।

ମାଟି ତଳେ ହଜାର ହଜାର ଲୋକ ପୋତି ହୋଇଗଲେ । ଦେଶରେ ପ୍ରକୃତି ରଚିଲା ତାଣ୍ଡବ ଲୀଳା । ହଜାର ହଜାର ଘର ମାଟିରେ ମିଶିଗଲା । ଏବେ ପୁରା ଦେଶ କାନ୍ଦୁଛି । ପ୍ରକୃତି ଗୋଟିଏ ଦେଶର ମେରୁଦଣ୍ଡକୁ ଭାଙ୍ଗି ଦେଇଛି । ଏମିତି ସମୟରେ ଧନି ଦେଶ ମାନେ ପଛଘୁଞ୍ଚା ଦେଉଥିବା ବେଳେ ସାହାଯ୍ୟ କରିବାକୁ ଆଗେଇ ଯାଇଛି ଭାରତ । ଭେନେଜୁଏଲାକୁ ବଢ଼ାଇଛି ସାହାଜ୍ୟର ହାତ ।

ଭାରତରୁ ଭେନେଜୁଏଲାକୁ ଉଡ଼ି ଯାଇଛି ଭାରତୀୟ ବାୟୁସେନାର ଦୁଇଟି C-17 ଗ୍ଲୋବମାଷ୍ଟର ସାହାଯ୍ୟର ବିମାନ । କ୍ଷତ ବିକ୍ଷତରେ ଭାଙ୍ଗିପଡ଼ିଥିବା ଭେନେଜୁଏଲା ପାଖକୁ ସାହାଯ୍ୟର ସଞ୍ଜିବନି ନେଇ ଉଡ଼ିଯାଇଛି ଭାରତୀୟ ବାୟୁସେନା । ତିଳେ ମାତ୍ରବି ବିଳମ୍ବ ନକରି ମୋଦୀଙ୍କ ନର୍ଦ୍ଦେଶ ପରେ ଭେନେଜୁଏଲାରେ ପହଞ୍ଚିଛି ସାହାଯ୍ୟ ।
କାରଣ ମୋଦୀ ସବୁବେଳେ ବନ୍ଧୁତାକୁ ସର୍ବପ୍ରଥମରେ ରଖନ୍ତି । ଆଉ ଭେନେଜୁଏଲାର ଏପରି ଅବସ୍ଥାରେ କେମିତି ପରକରିଦେଇଥାନ୍ତେ। ଯଦି ଦେଖିବା ଏହି ମିଶନରେ ଭାରତୀୟ ସେନାର ଏକ ସ୍ୱତନ୍ତ୍ର ଫିଲ୍ଡ ହସ୍ପିଟାଲ ୟୁନିଟ୍ ସହ ୩୫ ଟନ୍‌ରୁ ଅଧିକ ଜୀବନ ରକ୍ଷାକାରୀ ସାମଗ୍ରୀ, ଔଷଧ ପଠାଯାଇଛି ।

ଭେନେଜୁଏଲାରେ ହୋଇଥିବା ପ୍ରଳୟଙ୍କରୀ ଭୂକମ୍ପରେ ହଜାର ହଜାର ଲୋକ ପ୍ରାଣ ହରାଇଥିବା ବେଳେ ହଜାର ହଜାର ଲୋକ ଆହତ ହୋଇଛନ୍ତି । ଅଧାରୁ ଅଧିକ ସ୍ଥାନ ମାଟିରେ ମିଶି ଯାଇଛି । ଏବେବି ଲୋକଙ୍କ ଚିତ୍କାର ମାଟିତଳୁ ଶୁଭୁଛି । ଏଭଳି ମହା ସଙ୍କଟ ସମୟରେ ବନ୍ଧୁତ୍ୱର ହାତ ବଢ଼ାଇଛି ଭାରତ ।

ବୈଦେଶିକ ମନ୍ତ୍ରୀ ଏସ୍. ଜୟଶଙ୍କରଙ୍କ ସୂଚନା ମୁତାବକ, ଭେନେଜୁଏଲାର ସରକାର ଓ ଜନସାଧାରଣଙ୍କୁ ସହଯୋଗ କରିବା ପାଇଁ ଭାରତ ସମ୍ପୂର୍ଣ୍ଣ ପ୍ରତିବଦ୍ଧ । ଏହି ସହାୟତା ମଧ୍ୟରେ ଭାରତୀୟ ସେନାର ୪୧ ଜଣିଆ ସ୍ୱତନ୍ତ୍ର ମେଡିକାଲ୍ ଟିମ୍ ଅଛନ୍ତି । ଯେଉଁଥିରେ ସେନାର ପ୍ରଶିକ୍ଷିତ ଡାକ୍ତର ଏବଂ ସର୍ଜନ ସାମିଲ ଅଛନ୍ତି ।

ଏହାସହ ଭାରତରେ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଦୁଇଟି 'ଭୀଷ୍ମ କ୍ୟୁବ୍' ମଧ୍ୟ ପଠାଯାଇଛି । ଭିଷ୍ମ କ୍ୟୁବ ମାତ୍ର ୧୨ ମିନିଟ୍ ମଧ୍ୟରେ ଯେକୌଣସି ବିପର୍ଯ୍ୟୟ ସ୍ଥଳରେ ପ୍ରସ୍ତୁତ କରାଯାଇ ପ୍ରାୟ ୨୦୦ ଜଣ ଆହତଙ୍କର ଜରୁରୀକାଳୀନ ଚିକିତ୍ସା ଓ ଅପରେସନ କରିପାରିବ । ତେବେ ଭାରତର ଏଭଳି ସାହାଯ୍ୟ ପରେ ଭେନେଜୁଏଲା ସରକାର ଭାରତକୁ ଧନ୍ୟବାଦ ଜଣାଇଛି ।