ଟ୍ରମ୍ପଙ୍କ ଧମକକୁ ବେଖାତିର । ରୁଷଠାରୁ ତେଳ କିଣିବା ଜାରି ରଖିବ ଭାରତ । ରୁଷୀୟ ଯୋଗାଣକାରୀଙ୍କଠାରୁ ତୈଳ ସଂଗ୍ରହ ଜାରି ରଖିବ ଭାରତ । ମିଳିଥିବା ସୂଚନା ଅନୁସାରେ, ବିଶ୍ବର ଦ୍ବିତୀୟ ସର୍ବବୃହତ ଅଶୋଧିତ ତୈଳ ଉତ୍ପାଦକ ଦେଶ ହେଉଛି ରୁଷ । ରୁଷ ମଧ୍ୟ ଦ୍ବିତୀୟ ସର୍ବବୃହତ ରପ୍ତାନିକାରୀ ଦେଶ । ଅଶୋଧିତ ଓ ବିଶୋଧିତ ଉତ୍ପାଦ ପଠାଉଥିବା ଦେଶ ହେଉଛି ରୁଷ । ବଜାରରୁ ରୁଷୀୟ ତୈଳ ବାହାର କରାଯିବାର ଭୟ ଏବଂ ପାରମ୍ପରିକ ବାଣିଜ୍ୟ ପ୍ରବାହର ବିସ୍ଥାପନ ଯୋଗୁଁ ମାର୍ଚ୍ଚ ୨୦୨୨ରେ ପୁରୁଣା ବ୍ରେଣ୍ଟ ଅଶୋଧିତ ତୈଳ ମୂଲ୍ୟ ପ୍ରତି ବ୍ୟାରେଲ ୧୩୭ ଆମେରିକୀୟ ଡଲାରକୁ ବୃଦ୍ଧି ପାଇଥିଲା ।

ଏହି ଚ୍ୟାଲେଞ୍ଜିଂ ପରିବେଶରେ ଭାରତ ୮୫ ପ୍ରତିଶତ ଅଶୋଧିତ ତୈଳ ଆମଦାନୀ ନିର୍ଭରଶୀଳତା ସହିତ ଅନ୍ତର୍ଜାତୀୟ ମାନଦଣ୍ଡକୁ ସମ୍ପୂର୍ଣ୍ଣ ପାଳନ କରି ସୁଲଭ ଶକ୍ତି ସୁରକ୍ଷିତ କରିବା ପାଇଁ ରଣନୀତିକ ଭାବରେ ଏହାର ଉତ୍ସୀକରଣକୁ ଅନୁକୂଳ କରିଛି । ପୂର୍ବରୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ, ରୁଷ ଠରୁ ତୈଳ ଓ ଯୁଦ୍ଧାସ୍ତ୍ର କିଣିବା ଯୋଗୁ ଭାରତକୁ ଅତିରିକ୍ତ ଦେୟ ଦେବାକୁ ପଡ଼ିବ ।