ବଡ଼ ଘୋଷଣାକୁ ଅପେକ୍ଷା । ଭାରତ ଉପରେ ଆମେରିକା ଟାରିଫ ହେବା ହ୍ରାସ କରିବା ନେଇ ବଡ଼ ସଂକେତ ଦେଇଛନ୍ତି ଆମେରିକା ବୈଦେଶିକ ମନ୍ତ୍ରୀ ମାର୍କୋ ରୁବିଓ । ଗତକାଲି ଜାତିସଂଘ ସଧାରଣ ପରିଷଦ ବୈଠକରେ ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ସହ ଆଲୋଚନା ପରେ ଆଜି ଏନେଇ ବିବୃତ୍ତି ରଖିଛନ୍ତି ମାର୍କୋ ରୁବିଓ ।

ରୁଷିଆରୁ ତୈଳ ଆମଦାନୀ ଯୋଗୁ ରାଷ୍ଟ୍ରପତି ଟ୍ରମ୍ପ ଅଗଷ୍ଟ ୨୭ରୁ ଭାରତ ଉପରେ ଅତିରିକ୍ତ ୨୫ ପ୍ରତିଶତ ଟାରିଫ ଲାଗୁ କରିଥିଲେ । ଏନେଇ ଗତକାଲି ଏସ ଜୟଶଙ୍କରଙ୍କ ସହ ଫଳପ୍ରଦ ଆଲୋଚନା ହୋଇଥିବା କହିଛନ୍ତି ମାର୍କୋ ରୁବିଓ ।

ଅହୁରି ପଢ଼ନ୍ତୁ: ଭାରତ ପାଇଁ ଖୁସି ଖବର, ଷ୍ଟିଫେନ କହିଲେ...

ଦ୍ବିପାକ୍ଷିକ ଆଲୋଚନାରେ ଭାରତ ଉପରେ ଆମେରିକା ୫୦% ଟିକସ ଲାଗୁ ଏବଂ ଏଚ ୧ବି ଭିସା ଫି ବୃଦ୍ଧି ନେଇ ଦୁଇ ଦେଶର ବୈଦେଶିକ ମନ୍ତ୍ରୀଙ୍କ ମଧ୍ୟରେ ପ୍ରଥମ ସାକ୍ଷାତ ଆଲୋଚନା ହୋଇଛି। ଦୁଇ ନେତା ଭାରତ -ଆମେରିକା ମଧ୍ୟରେ ରଣନୈତିକ ସହଭାଗିତାକୁ ଆହୁରି ମଜବୁତ କରିବା ଉପରେ ଆଲୋଚନା କରିଥିଲେ।

ଆଲୋଚନାରେ ବାଣିଜ୍ୟ, ପ୍ରତିରକ୍ଷା, ଶକ୍ତି, ଔଷଧ ଏବଂ ଖଣିଜ ପଦାର୍ଥ ଭଳି କ୍ଷେତ୍ର ଅନ୍ତର୍ଭୁକ୍ତ ରହିଥିଲା । ଟାରିଫ ଉତ୍ତେଜନା ମଧ୍ୟରେ ଦ୍ୱିପାକ୍ଷିକ ଆଲୋଚନା, ଭାରତ- ଆମେରିକା ସମ୍ପର୍କକୁ ଦୃଢ଼ କରିବା ସମ୍ଭାବନା ରହିଛି । ଭାରତ ଉପରେ ଟାରିଫ ନେଇ ଖୁବଶୀଘ୍ର ଆସିବ ସୁସମ୍ବାଦ ।