ଆରବ ସାଗରରେ ଭାରତୀୟ ନୌସେନାର ସମରସଜ୍ଜା । ଯେ କୌଣସି ପରିସ୍ଥିତିର ମୁକାବିଲା ପାଇଁ ଯୁଦ୍ଧ ଜାହାଜ ପ୍ରସ୍ତୁତ ରଖାଯାଇଛି । ଏକାଧିକ ନୌଜାହାଜ ଓ ଯୁଦ୍ଧ ଜାହାଜ ବିଧ୍ବଂସୀ ପରୀକ୍ଷଣ କରାଯାଇଛି । ଗୁଜରାଟ ଉପକୂଳରେ ଥିବା ଆନ୍ତର୍ଜାତିକ ସାମୁଦ୍ରିକ ସୀମା ନିକଟରେ କୋଷ୍ଟଗାର୍ଡର ଜାହାଜ ମୁତୟନ କରାଯାଇଛି । ଆରବ ସାଗରରେ ଭାରତୀୟ ନୌସେନା ପକ୍ଷରୁ ଶକ୍ତିବୃଦ୍ଧି କରାଯାଇଛି ।

ସେପଟେ ପହଲଗାମ୍ ଆତଙ୍କୀ ହମଲାକୁ ନେଇ ଆସୁଛି ନୂଆ ନୂଆ ଅପଡେଟ୍ ।ହମାସ୍ ଆତଙ୍କୀ ଢାଞ୍ଚାରେ ପହଲଗାମରେ ହୋଇଥିଲା ଆକ୍ରମଣ । ପହଲଗାମ ହମଲା ଆଗରୁ ରେକି କରିଥିଲେ ଆତଙ୍କବାଦୀ । ହମଲାର ୨ ଦିନ ଆଗରୁ ପହଲଗାମରେ ଡେରା ପକାଇଥିଲେ । ବୈସରନ୍‌ ଘାଟି ସହ ୩ଟି ସ୍ଥାନ ବି ଆତଙ୍କୀଙ୍କ ଟାର୍ଗେଟରେ ଥିଲା । ସବୁ ସ୍ଥାନରେ ରେକି କରିଥିଲେ ଲସ୍କର ଆତଙ୍କବାଦୀ । ପହଲଗାମରେ ଆତଙ୍କୀ ନରସଂହାର କରିଥିଲେ ମଧ୍ୟ ପାର୍କରେ କଡା ସୁରକ୍ଷା ବ୍ୟବସ୍ଥା ଯୋଗୁଁ ଆତଙ୍କୀ ବର୍ବରତା ପାଇଁ ଯୋଜନା ପଣ୍ଡ ହୋଇ ଯାଇଥଲା । ଆତଙ୍କୀ ବର୍ବରତା ପୂର୍ବରୁ ପହଲଗାମରେ ରେକି କରିଥିଲେ ଆତଙ୍କବାଦୀ । ଆତଙ୍କୀ ମାନେ ଅଲଟ୍ରା ଷ୍ଟେଟ୍ କମ୍ୟୁନିକେସନ ସିଷ୍ଟମ ବ୍ୟବହାର କରୁଥିଲେ ।

ଏଥିରେ ବିନା କୌଣସି ସିମ୍ କାର୍ଡରେ ତଥ୍ୟ ଆଦାନ ପ୍ରଦାନ ହେଉଥିଲା । ଆତଙ୍କୀମାନେ ଅତ୍ୟାଧୁନିକ ଅସ୍ତ୍ରଶସ୍ତ୍ର, ଯୋଗାଯୋଗ ପାଇଁ ଯନ୍ତ୍ରାଂଶ ବ୍ୟବହାର କରୁଥିଲେ । ଏଥିରୁ ଆତଙ୍କୀମାନେ ବିଦେଶୀ ଲିଙ୍କ୍ ଥିବା ସ୍ପଷ୍ଟ ପ୍ରମାଣ ମିଳିଛି । ହମାସ୍ ଆତଙ୍କୀ ଢାଞ୍ଚାରେ ପହଲଗାମରେ ହୋଇଥିଲା ଆକ୍ରମଣ । ହମାସ୍ ଆତଙ୍କୀମାନେ ଆକ୍ରମଣ ବେଳେ ଯେପରି ବଡି କ୍ୟାମେରା ଲଗାଇଥାନ୍ତି ପହଲଗାମ୍ ଆତଙ୍କୀମାନେ ସେପରି ହେଲମେଟ୍ ପିନ୍ଧିଥିଲେ । ସେପଟେ ଇସ୍ରାଏଲ ଢାଞ୍ଚାରେ ଆତଙ୍କୀକୁ କଡା ଜବାବ ଦେବାକୁ ଭାରତ ପ୍ରସ୍ତୁତ ହେଉଥିବା ପ୍ରତିରକ୍ଷା ବିଶେଷଜ୍ଞମାନେ ମତ ଦେଇଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more