କାନାଡ଼ାରେ ଭାରତୀୟ ଛାତ୍ରୀଙ୍କୁ ଗୁଳି କରି ହତ୍ୟା । ଛାତ୍ରୀ ଜଣକ ହାମିଲଟନସ୍ଥିତ ଏକ ବସ୍‌ ଷ୍ଟପରେ ଛିଡ଼ା ହୋଇଥିବାବେଳେ ଗୁଳି ତାଙ୍କ ଶରୀରରେ ବାଜିଥିଲା । ମୃତ ଛାତ୍ରୀଙ୍କ ନାଁ ହରସିମରତ ରନ୍ଧଓ୍ବା । ତାଙ୍କ ବୟସ ୨୧ ବର୍ଷ । ସେ ମୋହାକ କଲେଜରେ ଅଧ୍ୟୟନ କରୁଥିଲେ। ବୁଧବାର ସନ୍ଧ୍ୟାରେ ହରସିମରତ ବସକୁ ଅପେକ୍ଷା କରି ଛିଡ଼ା ହୋଇଥିବା ସମୟରେ ଦୁଇ ଜଣ ଗାଡ଼ି ଚାଳକଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା । ସେମାନେ ପରସ୍ପରଙ୍କୁ ଗୁଳିମାଡ଼ କରିଥିଲେ ।

ସେଥିରୁ ଗୋଟିଏ ଗୁଳି ହରସିମରତଙ୍କ ଶରୀରରେ ବାଜିଥିଲା । ତାଙ୍କୁ ତୁରନ୍ତ ସ୍ଥାନୀୟ ହସ୍ପିଟାଲକୁ ଚିକିତ୍ସା ପାଇଁ ନିଆଯାଇଥିଲା। ମାତ୍ର ସେଠାରେ ତାଙ୍କର ମୃତ୍ୟୁ ଘଟିଛି ।

ଗଣ୍ଡଗୋଳ ମଧ୍ୟରେ ଗୁଳି ପାଖରେ ଥିବା ଘର ଗୁଡିକରେ ମଧ୍ୟ ବାଜିଥିଲା । ଘରେ ଲୋକେ ଟିଭି ଦେଖୁଥିବାବେଳେ ସୌଭାଗ୍ୟ ବସତଃ କାହା ଦେହରେ ବାଜି ନଥିଲା । ଗୁଳିଟି ଝରକାରେ ବାଜିଥିଲା ।

ଟରୋଣ୍ଟୋରେ ଥିବା ଭାରତୀୟ କନସୁଲେଟ୍ ଜେନେରାଲ ହରସିମରତ ରନ୍ଧୱାଙ୍କ ଦେହାନ୍ତରେ ଦୁଃଖ ପ୍ରକାଶ କରିଛନ୍ତି । ଏହାସହ ସେ କହିଛନ୍ତି ଭାରତୀୟ ଛାତ୍ରୀ ଜଣଙ୍କ ନିର୍ଦ୍ଧୋଶ । ଭୁଲ୍ ବସତଃ ସେ ସ୍ଥାନରେ ଥିବାରୁ ତାଙ୍କ ଦେହରେ ଗୁଳି ବାଜିଥିଲା । ତଦନ୍ତ କରାଯାଉଛି । ମୃତ ଛାତ୍ରୀଙ୍କ ପରିବାର ସହ ଆମେ ସଂପର୍କରେ ଅଛୁ । ଆମ ତରଫରୁ ସମସ୍ତ ପ୍ରକାରର ସହଯୋଗ କରାଯିବ ।