କଥାରେ ଅଛି ସାଙ୍ଗ ଥିଲେ ଆଉ କାହାର ଆବଶ୍ୟକ ନାହିଁ। କିନ୍ତୁ ଯେତେବେଳେ ସେହି ସାଙ୍ଗ ନିଜ ବନ୍ଧୁର କଥା ନମାନେ ତେବେ କଣ ହୁଏ ଜାଣନ୍ତି କି । ଇରାନ ମଧ୍ୟପ୍ରାଚ୍ୟର ଦେଶଗୁଡ଼ିକ ଉପରେ ଆକ୍ରମଣ ଜାରି ରଖିଛି । ପାକିସ୍ତାନର ଉପ-ପ୍ରଧାନମନ୍ତ୍ରୀ ଏବଂ ବୈଦେଶିକ ମନ୍ତ୍ରୀ ଇସାକ ଦାର ସୋମବାର ଦିନ କହିଥିଲେ, ସେ ତାଙ୍କର ଇରାନ ପ୍ରତିପକ୍ଷ ଆବାସ ଆରାଘଚିଙ୍କୁ ସାଉଦି ଆରବ ଉପରେ ଆକ୍ରମଣ ନକରିବାକୁ ପରାମର୍ଶ ଦେଇଛନ୍ତି । ଦାର ପ୍ରକୃତରେ ଆରାଘଚିଙ୍କୁ ଅନୁରୋଧ କରିଛନ୍ତି। ଏହି ସମୟରେ ପାକିସ୍ତାନର ଅନୁରୋଧକୁ ଅଣଦେଖା କରି ଇରାନ ସାଉଦି ଆରବ ଉପରେ ମଧ୍ୟ ଆକ୍ରମଣ କରିଛି। ମଙ୍ଗଳବାର ଇରାନୀ ଡ୍ରୋନଗୁଡ଼ିକ ରିୟାଦରେ ଥିବା ଆମେରିକୀୟ ଦୂତାବାସକୁ କ୍ଷତି ପହଞ୍ଚାଇଛି ।

ପରବର୍ତ୍ତୀ ସମୟରେ ପୂର୍ବ ସହର ଧାହରନରେ କ୍ଷେପଣାସ୍ତ୍ର ଏବଂ ଡ୍ରୋନ ଆକ୍ରମଣକୁ କରିବାକୁ ଚେତାବନୀ ଦେଇଛି । ହେଲେ ପାକିସ୍ତାନ ଏବେ ଯାଏଁ, ଏନେଇ କୌଣସି ପଦକ୍ଷେପ ଗ୍ରହଣ କରିନାହିଁ । ସେପଟେ ତାଲିବାନ ଆକ୍ରମଣରେ ବେହାଲ ପାକିସ୍ତାନକୁ ବି ସାଉଦି ଆରବ କୌଣସି ପ୍ରକାର ସହାୟତା କରିନାହିଁ ।ପାକିସ୍ତାନ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ହତ୍ୟା ଏବଂ ଅଞ୍ଚଳରେ ସଂଘର୍ଷକୁ ନିନ୍ଦା କରିଛି । କିନ୍ତୁ ଆମେରିକାର ଭୂମିକା କିମ୍ବା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସିଧାସଳଖ ଦାୟୀ କରିବାରୁ ନିବୃତ୍ତ ରହିଛି। ତେବେ ପାକିସ୍ତାନ ଏବଂ ସାଉଦି ସରକାର ପ୍ରଥମ ଥର ପାଇଁ ଏକ ପ୍ରତିରକ୍ଷା ଚୁକ୍ତି କରିଥିଲେ। ଦୁଇ ଦେଶ ବିରୁଦ୍ଧରେ ଯେକୌଣସି ଆକ୍ରମଣକୁ ଉଭୟ ଦେଶ ବିରୁଦ୍ଧରେ ଆକ୍ରମଣ ବୋଲି ବିବେଚନା କରାଯିବ ।

ସାଉଦି ଯୁବରାଜ ମହମ୍ମଦ ବିନ୍ ସଲମାନ ଶନିବାର ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫଙ୍କ ସହ ଫୋନ୍ ଯୋଗେ କଥା ହୋଇଥିଲେ। ସରିଫ କହିଛନ୍ତି ଯେ, ପାକିସ୍ତାନ ସମ୍ପୂର୍ଣ୍ଣ ଭାବରେ ସାଉଦି ଆରବ ସହିତ ଠିଆ ହୋଇଛି। ହେଲେ ପାକିସ୍ତାନୀ ବିବୃତ୍ତିରେ ପ୍ରତିରକ୍ଷା ଚୁକ୍ତିନାମା ବିଷୟରେ ସ୍ପଷ୍ଟ ଭାବରେ ଉଲ୍ଲେଖ କରାଯାଇ ନାହିଁ। ସେ ଇସଲାମାବାଦ ଏବଂ ରିୟାଦ ମଧ୍ୟରେ ଏକ ପାରଷ୍ପରିକ ପ୍ରତିରକ୍ଷା ଚୁକ୍ତିନାମାକୁ ଉଲ୍ଲେଖ କରି ଇରାନକୁ ଏହି ଅନୁରୋଧ କରିଥିଲେ । ଦାର ଆରାଘଚିଙ୍କୁ କହିଥିଲେ ଯେ, ପାକିସ୍ତାନ ଏବଂ ସାଉଦି ଆରବ ମଧ୍ୟରେ ପ୍ରତିରକ୍ଷା ଚୁକ୍ତିନାମାରେ ବ୍ୟବସ୍ଥା ଅଛି ଯେ, ଗୋଟିଏ ଦେଶ ଉପରେ ଆକ୍ରମଣକୁ ଉଭୟ ଉପରେ ଆକ୍ରମଣ ବୋଲି ବିବେଚନା କରାଯିବ। ଦାରଙ୍କ ଅନୁସାରେ, ଇରାନ ମଧ୍ୟ ସର୍ତ୍ତ ରଖିଛି ।

ଏଥିସହ ପଢ଼ନ୍ତୁ: ଘନ ଘନ ମିଶାଇଲ୍ ମାଡ଼: ଜାଣନ୍ତୁ ଭାରତର ୧ ଟଙ୍କା, ଇସ୍ରାଏଲରେ କେତେ ? ଉଡ଼ିଯିବ ହୋସ୍‌...

ସାଉଦି ଆରବର ମାଟି ଇରାନ୍ ବିରୋଧରେ ବ୍ୟବହାର ହୋଇପାରିବ ନାହିଁ ।ପାକିସ୍ତାନର ଅନୁରୋଧ ସତ୍ତ୍ୱେ, ଇରାନ ମଙ୍ଗଳବାର ରିୟାଦରେ ଆମେରିକୀୟ ଦୂତାବାସ ଉପରେ ଡ୍ରୋନ ଆକ୍ରମଣ କରିଛି । ସୋମବାର ରାସ ଟାନୁରାରେ ଏକ ପ୍ରମୁଖ ତୈଳ ବିଶୋଧନାଗାର ଉପରେ ମଧ୍ୟ ଡ୍ରୋନ ଆକ୍ରମଣ କରାଯାଇଥିଲା । ଏହା ବିଶ୍ୱ ଶକ୍ତି ବଜାରରେ ଚିନ୍ତା ସୃଷ୍ଟି କରିଥିଲା। ଇରାନ ଦାବି କରିଛି ଯେ, ଆମେରିକା ସାଉଦି ଆରବ ମାଟି ବ୍ୟବହାର କରୁଛି । ଫଳରେ ଏହି ଆକ୍ରମଣ ହୋଇଥିଲା।

ଅଧିକ ପଢ଼ନ୍ତୁ ବିଦେଶ ଖବର: