ତେହେରାନ ଛାଡିବାକୁ ଭାରତୀୟ ଦୂତାବାସ ପକ୍ଷରୁ ଆଡଭାଇଜରୀ ଜାରି । ଆଜି ନୂଆ ଆଡଭାଇଜରୀ ଜାରି କରି ତେହେରାନରେ ରହୁଥିବା ଭାରତୀୟଙ୍କୁ ତୁରନ୍ତ ସହର ଛାଡ଼ିବାକୁ ପରାମର୍ଶ ଦେଇଛି ଦୂତାବାସ । ଇରାନର ରାଜଧାନୀ ତେହେରାନରେ ଇସ୍ରାଏଲୀ ଡ୍ରୋନ୍ ଏବଂ କ୍ଷେପଣାସ୍ତ୍ର ମାଡ଼ ଜାରି ରହିଥିବାରୁ ଯଦି ନିଜେ ପାରୁଛ ତାହେଲେ ଦେଶ ଛାଡିବାକୁ କହିଛି ଦୂତାବାସ ।

ଭାରତୀୟ ନାଗରିକ ଯେଉଁମାନେ ନିଜସ୍ୱ ସମ୍ବଳ ବ୍ୟବହାର କରି ତେହେରାନରୁ ବାହାରକୁ ଯାଇପାରିବେ ସେମାନଙ୍କୁ ସହର ବାହାରେ ଏକ ସୁରକ୍ଷିତ ସ୍ଥାନକୁ ଯିବାକୁ ପରାମର୍ଶ ଦିଆଯାଇଛି। ଦୂତାବାସ ମଧ୍ୟ ଯେଉଁ ଭାରତୀୟ ନାଗରିକମାନେ ଏପର୍ଯ୍ୟନ୍ତ ସେମାନଙ୍କର ଉପସ୍ଥିତି ପଞ୍ଜିକୃତ କରିନାହାଁନ୍ତି ସେମାନଙ୍କୁ ତୁରନ୍ତ ମିଶନ ସହିତ ଯୋଗାଯୋଗ କରିବାକୁ ଅନୁରୋଧ କରିଛି।

ଏଥିପାଇଁ ତିନିଟି ଜରୁରୀକାଳୀନ ହେଲ୍ପଲାଇନ୍ ନମ୍ବର ସେୟାର କରାଯାଇଛି ଯଥା +98 9010144557, +98 9128109115, ଏବଂ +98 9128109109 । ପ୍ରଥମ ବ୍ୟାଚ୍‌ରେ ସୋମବାର ରାତିରେ ୧୦୦ ଜଣ ଭାରତୀୟ ନାଗରିକଙ୍କୁ ଇରାନରୁ ଆର୍ମେନିଆକୁ ସଡ଼କ ପଥରେ ପଠାଯାଇଛି। ନୂଆଦିଲ୍ଲୀ ଏବଂ ତେହେରାନ ମଧ୍ୟରେ କୂଟନୈତିକ ଆଲୋଚନା ପରେ ଏହି ପଦକ୍ଷେପ ସମ୍ଭବ ହୋଇଛି। ଜୁନ୍ ୧୫ ତାରିଖରେ ଇରାନରେ ଥିବା ଭାରତୀୟ ଦୂତାବାସ ଏକ ପରାମର୍ଶ ଜାରି କରିଥିଲା, ଯେଉଁଥିରେ ସମସ୍ତ ଭାରତୀୟ ନାଗରିକ ଏବଂ ଭାରତୀୟ ବଂଶୋଦ୍ଭବ ବ୍ୟକ୍ତିଙ୍କୁ ଯୋଗାଯୋଗରେ ରହିବାକୁ, ଅନାବଶ୍ୟକ ଗତିବିଧି ଏଡାଇବାକୁ ଏବଂ ଅପଡେଟ୍ ପାଇଁ ଦୂତାବାସର ସୋସିଆଲ ମିଡିଆ ପୃଷ୍ଠାଗୁଡ଼ିକୁ ଅନୁସରଣ କରିବାକୁ ଅନୁରୋଧ କରାଯାଇଥିଲା।