ଇରାନ ଇସ୍ରାଏଲ ମଧ୍ୟରେ ମହାଯୁଦ୍ଧ ସ୍ଥିତି । ଇସ୍ରାଏଲ ଇରାନର ଆଣବିକ ପରୀକ୍ଷଣ ପ୍ଲାଣ୍ଟ ଉପରେ ଆକ୍ରମଣ ପରେ ଇରାନର ପାଲଟା ଆକ୍ରମଣ । ଅପରେସନ୍ ଟ୍ରୁ ପ୍ରମିଜ୍' ଜରିଆରେ ୧୦୦ରୁ ଊର୍ଦ୍ଧ୍ବ ବାଲାଷ୍ଟିକ୍ ମିଜାଇଲରେ ଜୋରଦାର ଆଟାକ୍ । ଇରାନର କ୍ଷେପଣାସ୍ତ୍ରକୁ ଇସ୍ରାଏଲ ଜିଫେନ୍ସ ସିଷ୍ଟମ ଆକାମୀ କରିଛି । ଏହା ସହ ଇରାନର କ୍ଷେପଣାସ୍ତ୍ର ମାଡ ନେଇ ଇସ୍ରାଏଲବାସୀ ସୁରକ୍ଷିତ ସ୍ଥାନରେ ଆଶ୍ରୟ ନେଇଛନ୍ତି । ଇସ୍ରାଏଲର ଆକ୍ରମଣର କଡା ଜବାବ ଦେବାକୁ ଇରାନ ଘୋଷଣା କରିଛି। 

ଆଗାମୀ ଦିନରେ ଇସ୍ରାଏଲ ଉପରେ ବଡଧରଣର ଆକ୍ରମଣ ପୂର୍ବକ ପ୍ରତିଶୋଧ ଇରାନର ସର୍ବୋଚ୍ଚ ନେତା ଆୟୋତୋଲା ଅଲି ଖାମନେରା ଚେତାବନୀ ଦେଇଛନ୍ତି । ପୂର୍ବରୁ ଇରାନ ପରମାଣୁ ଅସ୍ତ୍ର ତିଆରିରୁ ବରତ ରହିବା ଲାଗି ପ୍ରସ୍ତାବ ଦେଇଥିଲା ଆମେରିକା। ତେହେରାନ ଉପରେ ଇସ୍ରାଏଲର ୨୦୦ରୁ ଅଧିକ ଲୁଢୁଆ ଡ୍ରୋନ୍ ସାହାଯ୍ୟରେ ଇସ୍ରାଏଲ ଅପରେସନ୍ ରାଇଜିଂ ଲାୟନ୍ କରିଥିଲା । ଯେଉଥିରେ ଇରାନୀ ସେନା ମୁଖ୍ୟ ଏବଂ ବରିଷ୍ଠ ପରମାଣୁ ବୈଜ୍ଞାନିକଙ୍କ ସମେତ ଇରାନୀ ସାମରିକ ନେତୃତ୍ୱଙ୍କ ମୃତ୍ୟୁ ହୋଇଥିଲା।