ବୃହସ୍ପତିରେ ଦେଖାଗଲା ଡଲଫିନ ମାଛ, ନାସାରୁ ଆସିଲା ଏମିତି ଫଟୋ
ଅର୍ଗସ ବ୍ୟୁରୋ : ବୃହସ୍ପତିରେ ଡଲଫିନ ମାଛ । ଏମିତି ଏକ ଫଟୋ ନାସା ଦ୍ବାରା ସୋସିଆଲ ମିଡିଆରେ ଶେୟାର କରାଯାଇଛି । ଯାହା ଖୁବ ଭାଇରାଲ ହେବାରେ ଲାଗିଛି ।
ଛୋଟବେଳେ ଆମେ ଆକାଶରେ ଥିବା ବାଦଲକୁ ଚାହିଁ ଅନେକ ପଶୁପକ୍ଷୀ , ମଣିଷ , ଗାଡିକୁ କଳ୍ପନା କରୁଥିଲେ । ଅନେକ ଥର ସେମିତି କିଛି ବିଚିତ୍ର ଚିତ୍ର ଦେଖି ମଧ୍ୟ ସେଠାରେ କୌଣସି ପଶୁ ପକ୍ଷୀ ଥିବା ବିଶ୍ବାସ କରୁଥିଲୁ । ଏବେ ସେମିତି କିଛି ବିଚିତ୍ର ଦୃଶ୍ୟ ଉତ୍ତୋଳନ କରିଛି ନାସା ।
ନାସା ଦ୍ବାରା ଅନ୍ତରୀକ୍ଷକୁ ପଠାଯାଇଥିବା 'ଜୁନୋ ପ୍ରୋବ' ବୃହସ୍ପତି ଗ୍ରହରେ ଥିବା ବାଦଲର ଚିତ୍ର ଉତ୍ତୋଳନ କରିଛି । ଯେଉଁଥିରେ ଡଲଫିନର ଚିତ୍ର କ୍ୟାପଚର ହୋଇଥିବା ଦେଖା ଦେଇଥିଲା । ଏହି ଚିତ୍ରକୁ ଆବିଷ୍କାର କରିଥିଲେ ବ୍ରିଆନ୍ ସ୍ବିଫଟ୍ ଏବମ ସିନ୍ ଡୋରାନ୍ । ସେମାନେ ବୃହସ୍ପତି ଗ୍ରହର ଦକ୍ଷିଣ ପାର୍ଶ୍ବରେ ଥିବା ଟେମ୍ପରେଟ୍ ବେଲ୍ଟ ଉପରେ ଅନୁସନ୍ଧାନ ବେଳେ ଏମିତି ଚିତ୍ର ଆବିଷ୍କାର କରିଥିଲେ । ଏହା ପଛରେ ମଧ୍ୟ ବୈଜ୍ଞାନିକ କାରଣ ଅଛି ।
ପ୍ରକୃତରେ ଗ୍ରହରେ ଆଜି ପର୍ଯ୍ୟନ୍ତ ନା କୌଣସି ଡଲଫିନ, ନା ହ୍ବେଲ ନା କୌଣସି ଜୀବଜନ୍ତୁ ନାହାନ୍ତି । ଏହା କେବଳ ଗ୍ରହରେ ଉପରେ ଥିବା ବାଦଲ ଏବଂ ଛାଇର ଏକ ମିଶ୍ରଣରେ ଏପରି ଦୃଶ୍ୟମାନ ହେଉଛି ।
ଆମେ ଯେକୌଣସି ଆକୃତିର ଜିନିଷ ଦେଖୁ, ତାକୁ ଦେଖିଥିବା କୌଣସି ଜିନିଷ ଭଳି ଆକୃତି ଦେଉ । ଠିକ ସେମିତି ବାଦଲରେ ଏହି ଚିତ୍ରର ଆକୃତି ଆମକୁ ଡଲଫିନ ସଦୃଶ ଦେଖା ଦେଇଥିଲା । ଯାହାକୁ ନେଇ ନାସା ବୃହସ୍ପତିରେ ଡଲଫିନ ଥିବା ଭଳି ଚିତ୍ର ଶେୟାର କରିଥିଲା ।
