ଇରାନ ଉପରେ ଭୟଙ୍କର ଆକ୍ରମଣ କରିଛି ଇସ୍ରାଏଲ, ଥର ହର ଇରାନ

ଇରାନ ଉପରେ ଭୟଙ୍କର ଆକ୍ରମଣ କରିଛି ଇସ୍ରାଏଲ । ଇସ୍ରାଏଲର ଅପରେସନ ରାଇଜିଂ ଲାୟନରେ ଥରହର ହୋଇ ଉଠିଛି ଇରାନ । ଇରାନର ରାଜଧାନୀ ତେହରାନ ଉପରେ ଇସ୍ରାଏଲ ସେନା ବୋମା ଓ ଡ୍ରୋନ ଜରିଆରେ ଆକ୍ରମଣ କରିଛି । ଏହି ଆକ୍ରମଣରେ ଇସ୍ରାଏଲର ଏକାଧିକ ସାମରିକ ଓ ଆଣବିକ ଅନୁଷ୍ଠାନ କ୍ଷତିଗ୍ରସ୍ତ ହୋଇଛି ।

ଏଥି ସହିତ ଇରାନ ସେନାର ବହୁ ଟପ୍ କମାଣ୍ଡର ଓ ଆଣବିକ ବୈଜ୍ଞାନିକଙ୍କ ମୃତ୍ୟୁ ହୋଇଥିବା ନେଇ ମଧ୍ୟ ଇସ୍ରାଏଲ ଦାବି କରିଛି । ଏହି ଆକ୍ରମଣରେ ଦେଶର ଶକ୍ତିଶାଳୀ ରେଭୋଲ୍ୟୁସନାରୀ ଗାର୍ଡସ୍‌ ମୁଖ୍ୟ ହୋସେନ ସାଲାମୀ ନିହତ ହୋଇଥିବା ନେଇ କୁହାଯାଉଛି । ମେଜର ଜେନେରାଲ ହୋସେନ ସାଲାମୀ, ଇସଲାମିକ ରେଭୋଲ୍ୟୁସନାରୀ ଗାର୍ଡ କର୍ପସ୍‌ର ମୁଖ୍ୟ, ଇସ୍ରାଏଲୀୟ ଶାସନର ଆଇଆରଜିସି ମୁଖ୍ୟାଳୟ ଉପରେ ଆକ୍ରମଣ ହୋଇଥିବା ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି ।

ସେପଟେ ଦୁଇ ଦେଶ ମଧ୍ୟରେ ଯୁଦ୍ଧ ସ୍ଥିତିକୁ ଦେଖି ଇରାନର ଏୟାର ସ୍ପେସକୁ ବନ୍ଦ କରିଦିଆଯାଇଛି । ଏଥି ସହ ଇସ୍ରାଏଲରେ ଥିବା ଭାରତୀୟ ଦୂତାବାସ ପକ୍ଷରୁ ଭାରତୀୟ ନାଗରିକଙ୍କୁ ସୁରକ୍ଷିତ ଓ ସତର୍କ ରହିବାକୁ ପରାମର୍ଶ ଦିଆଯାଇଛି ।