Japan Earthquake / ୭.୧ ତୀବ୍ରତାର ଭୂମିକମ୍ପରେ ଦୋହଲିଲା ଜାପାନ, ସୁନାମି ଚେତାବନୀ

ଜାପାନରେ ଭୟଙ୍କର ଭୂମିକମ୍ପ... ଜାପାନରେ ଦେଖିବାକୁ ମିଳିଛି ପ୍ରକୃତିର କୋପ...7.1 ତୀବ୍ରତାର ଭୂମିକମ୍ପରେ ଥରିଲା ଧରଣୀ ...ସମୁଦ୍ରରେ ୧ ମିଟର ଉଚ୍ଚା ସୁନାମି ଲହରୀର ଆଶଙ୍କା । ଶକ୍ତିଶାଳୀ ଭୂକମ୍ପ ଝଟ୍‌କାରେ ଦୋହଲିଯାଇଛି ପୁରା ଜାପାନ ।

ରିକ୍ଟର ସ୍କେଲ୍‌ରେ ଏହି ଭୂକମ୍ପର ତୀବ୍ରତା ୭.୧ ରେକର୍ଡ କରାଯାଇଛି । ଭୂକମ୍ପର ପ୍ରଚଣ୍ଡ ଝଟ୍‌କା ପରେ ସମୁଦ୍ରକୂଳିଆ ଅଞ୍ଚଳଗୁଡ଼ିକ ପାଇଁ ତୁରନ୍ତ ସୁନାମି ଚେତାବନୀ ଜାରି କରାଯାଇଛି । ସମୁଦ୍ରରେ ପ୍ରାୟ ୧ ମିଟର ବା ପ୍ରାୟ ୩ ଫୁଟ୍ ଉଚ୍ଚର ସୁନାମି ଲହଡ଼ି ଆସିବାର ଆଶଙ୍କା କରାଯାଉଛି । ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସମୁଦ୍ରକୂଳିଆ ଅଞ୍ଚଳର ଲୋକଙ୍କୁ ତୁରନ୍ତ ସୁରକ୍ଷିତ ଓ ଉଚ୍ଚ ସ୍ଥାନକୁ ସ୍ଥାନାନ୍ତର ହେବା ପାଇଁ ପରାମର୍ଶ ଦିଆଯାଇଛି । ଭୂକମ୍ପ ଯୋଗୁଁ ହୋଇଥିବା କ୍ଷୟକ୍ଷତିର ଆକଳନ କରାଯାଉଛି ।

ପ୍ରକୃତିର ପ୍ରଚଣ୍ଡ ପ୍ରହାରରେ ପୁଣି ଥରିଉଠିଛି ଜାପାନ । ମଙ୍ଗଳବାର ଦକ୍ଷିଣ ଜାପାନର କ୍ୟୁଶୁ ଦ୍ୱୀପସ୍ଥିତ କୁମାମୋଟୋ ଅଞ୍ଚଳରେ ୭.୧ ତୀବ୍ରତାର ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି। ପ୍ରଚଣ୍ଡ ଝଟ୍‌କାରେ ଘରଦ୍ୱାର ଓ ଉଚ୍ଚ ଅଟ୍ଟାଳିକା ଦୋହଲିଯାଇଥିବା ବେଳେ ଭୟଭୀତ ଲୋକେ ଖୋଲା ସ୍ଥାନକୁ ବାହାରି ଆସିଥିଲେ ।

ଭୂକମ୍ପ ପରେ ଆରିଆକେ ଉପସାଗର ସମେତ କେତେକ ଉପକୂଳବର୍ତ୍ତୀ ଅଞ୍ଚଳ ପାଇଁ ତୁରନ୍ତ ସୁନାମି ସତର୍କ ସୂଚନା ଜାରି କରାଯାଇଛି । ସମୁଦ୍ରରେ ପ୍ରାୟ ଏକ ମିଟର ଉଚ୍ଚର ଲହଡ଼ି ଉଠିବାର ଆଶଙ୍କା ଥିବାରୁ ଲୋକଙ୍କୁ ସମୁଦ୍ରକୂଳଠାରୁ ଦୂରେଇ ଉଚ୍ଚ ଏବଂ ସୁରକ୍ଷିତ ସ୍ଥାନକୁ ଯିବାକୁ କୁହାଯାଇଛି ।

ଜାପାନ ସରକାର ତୁରନ୍ତ ଏକ ସ୍ୱତନ୍ତ୍ର ଟାସ୍କଫୋର୍ସ ଗଠନ କରି କ୍ଷୟକ୍ଷତିର ଆକଳନ ଆରମ୍ଭ କରିଛନ୍ତି । ନିକଟସ୍ଥ ତିନୋଟି ପରମାଣୁ ଶକ୍ତିକେନ୍ଦ୍ରରେ କୌଣସି ଅସ୍ୱାଭାବିକତା ଚିହ୍ନଟ ହୋଇନଥିବା ସୂଚନା ମିଳିଛି । ତେବେ ପରବର୍ତ୍ତୀ ଝଟ୍‌କା ଆସିବାର ସମ୍ଭାବନା ଥିବାରୁ ପ୍ରଶାସନ ଲୋକଙ୍କୁ ସତର୍କ ରହିବାକୁ ପରାମର୍ଶ ଦେଇଛି ।