ଜାପାନର ଉତ୍ତର-ପୂର୍ବ ଉପକୂଳରେ ଏକ ଶକ୍ତିଶାଳୀ ୭.୬ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଏହାର କେନ୍ଦ୍ରସ୍ଥଳ ଆଓମୋରି ପ୍ରଦେଶର ଉପକୂଳରୁ୮୦ କିଲୋମିଟର ଦୂରରେ, ୫୦ କିଲୋମିଟର ଗଭୀରତାରେ ଥିଲା। ଭୂମିକମ୍ପ ପରେ ସୁନାମି ଚେତାବନୀ ଜାରି କରାଯାଇଛି। ଜାପାନ ପାଣିପାଗ ସଂସ୍ଥା କହିଛି ଯେ ଭୂମିକମ୍ପ ଆଓମୋରି ଏବଂ ହୋକାଇଡୋ ଉପକୂଳରେ ଘଟିଛି ଏବଂ ଉତ୍ତର-ପୂର୍ବ ଉପକୂଳରେ ତିନି ମିଟର (୧୦ ଫୁଟ) ଉଚ୍ଚ ସୁନାମି ଆସିପାରେ। ମୃତାହତଙ୍କ କୌଣସି ରିପୋର୍ଟ ନାହିଁ।

ଜାପାନରେ ଭୂମିକମ୍ପ କାହିଁକି ହୁଏ: ଜାପାନ ବିଶ୍ୱର ସବୁଠାରୁ ଅଧିକ ଭୂମିକମ୍ପ ପ୍ରବଣ ଦେଶ ମଧ୍ୟରୁ ଗୋଟିଏ। ପ୍ରଶାନ୍ତ ମହାସାଗରର ଅଗ୍ନି ବଳୟରେ ଅବସ୍ଥିତ, ଏହି ଅଞ୍ଚଳଟି ହେଉଛି ସେହି ଯେଉଁଠାରେ ପୃଥିବୀର ଟେକ୍ଟୋନିକ୍ ପ୍ଲେଟଗୁଡ଼ିକ ପରସ୍ପର ସହିତ ଧକ୍କା ଖାଏ, ଯାହା ଫଳରେ ବାରମ୍ବାର ଭୂମିକମ୍ପ ହୁଏ।

ମାର୍ଚ୍ଚ ୨୦୧୧ରେ ଏହି ଅଞ୍ଚଳ ଏକ ଭୟଙ୍କର ଭୂମିକମ୍ପ ଏବଂ ସୁନାମିର ଶିକାର ହୋଇଥିଲା, ଯେଉଁଥିରେ ହଜାର ହଜାର ଲୋକ ପ୍ରାଣ ହରାଇଥିଲେ। ଯଦିଓ ଏଥର କୌଣସି ବଡ଼ କ୍ଷୟକ୍ଷତିର ରିପୋର୍ଟ ହୋଇନାହିଁ, ତଥାପି ଅଧିକାରୀମାନେ ପରିସ୍ଥିତି ଉପରେ କଡ଼ା ନଜର ରଖିଛନ୍ତି ଏବଂ ଲୋକଙ୍କୁ ସତର୍କ ରହିବାକୁ ଅନୁରୋଧ କରୁଛନ୍ତି।

ଜାପାନରେ କାହିଁକି ବାରମ୍ବାର ଭୂମିକମ୍ପ ହୁଏ?

ଜାପାନର ହୋକାଇଡୋରେ ଶକ୍ତିଶାଳୀ ଭୂମିକମ୍ପ ଅନୁଭୂତ । ଜର୍ମାନ ରିସର୍ଚ୍ଚ ସେଣ୍ଟର ଫର ଜିଓସାଇନ୍ସ (GFZ) ଅନୁଯାୟୀ, ଶନିବାର ଜାପାନର ଉତ୍ତରତମ ଦ୍ୱୀପ ହୋକାଇଡୋରେ ୫.୭ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। GFZ ରିପୋର୍ଟ କରିଛି ଯେ ଭୂମିକମ୍ପଟି ୧୦ କିଲୋମିଟର (୬.୨ ମାଇଲ) ଗଭୀରତାରେ ଆସିଥିଲା। ହେଲେ ବର୍ତ୍ତମାନ ସୁଦ୍ଧା କୌଣସି କ୍ଷୟକ୍ଷତି, ଆହତ କିମ୍ବା ସୁନାମି ଚେତାବନୀର ରିପୋର୍ଟ ଆସିନାହିଁ।

ହୋକାଇଡୋର ହେଉଛି ଜାପାନର ଦ୍ୱିତୀୟ ବୃହତ୍ତମ ଦ୍ୱୀପ ଏବଂ ଜାପାନର ସବୁଠାରୁ ବଡ଼ ଏବଂ ଉତ୍ତରତମ ପ୍ରଦେଶ। ଏହା ହୋନସୁ ଦ୍ୱୀପର ଉତ୍ତରରେ ଅବସ୍ଥିତ। ସୁଗାରୁ ପ୍ରଣାଳୀ ଦ୍ୱାରା ପୃଥକ। ଜାପାନ ଭୂମିକମ୍ପ ପ୍ରବଣ ଦେଶ। ତେଣୁ, ଜାପାନ ଭୂମିକମ୍ପର ମୁକାବିଲା ପାଇଁ ଉନ୍ନତ ପ୍ରଯୁକ୍ତିବିଦ୍ୟା ଏବଂ କଠୋର ନିର୍ମାଣ ସଂହିତା ବିକଶିତ କରିଛି, ଯେପରିକି ଭୂମିକମ୍ପ-ପ୍ରତିରୋଧୀ କୋଠା ଏବଂ ସତର୍କତା ପ୍ରଣାଳୀ, ଯାହା କ୍ଷତିକୁ କମ କରିଥାଏ।