ଆମେରିକାର ଟପ୍‌ ପୋଷ୍ଟରେ ଆଉ ଜଣେ ଭାରତୀୟ ବଂଶୋଦ୍ଭବ । ଭାରତୀୟ ବଂଶୋଦ୍ଭବ କାଶ ପଟେଲ FBI ନିର୍ଦ୍ଦେଶକ ଭାବେ ନିଯୁକ୍ତ । ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦୃଢ ସମର୍ଥକ ଭାବେ ଜଣାଶୁଣା କାଶ ପଟେଲଙ୍କ ନିଯୁକ୍ତିକୁ ୫୧-୪୯ ଭୋଟରେ ସିନେଟ୍‌ରେ ମଂଜୁରି ମିଳିଛି । କାଶ ପଟେଲେ ଏଫବିଆଇର ନବମ ନିର୍ଦ୍ଦେଶକ ଭାବେ ଦାୟିତ୍ୱ ନେଇଛନ୍ତି । ଶୁକ୍ରବାର ଦିନ ଆମେରିକାର ସବୁଠାରୁ ବଡ଼ ତଦନ୍ତକାରୀ ସଂସ୍ଥା, ଫେଡେରାଲ ବ୍ୟୁରୋ ଅଫ୍ ଇନଭେଷ୍ଟିଗେସନ୍ (FBI)ର ନିର୍ଦ୍ଦେଶକ ଭାବରେ ଶପଥ ଗ୍ରହଣ କରିଛନ୍ତି । ସେ ଶପଥ ନେବା ବେଳେ ଭଗବଦ୍ ଗୀତାରେ ହାତ ରଖି ଶପଥ ନେଇଥିଲେ ।

ତେବେ ଶପଥ ଗ୍ରହଣ ଉତ୍ସବରେ, ଜଣେ ମହିଳା କାଶ ପଟେଲଙ୍କ ପାଖେ ପାଖେ ଛିଡା ହୋଇଥିବା ଦେଖିବାକୁ ମିଳିଥିଲା । ହେଲେ କାଣ ତାଙ୍କର ପରିଚୟ? କେମିତି ଗଲେ ସେଠାକୁ? କିଏ ଏହି ମହିଳା ଯିଏ କାଶଙ୍କ ପାଖେ ପାଖେ ସବୁ ସମୟରେ ଥିଲେ ? ଶପଥ ଗ୍ରହଣ ଉତ୍ସବରେ କାଶ ପଟେଲଙ୍କ ସହ ଉପସ୍ଥିତ ଥିଲେ ତାଙ୍କର ଲେଡି ଲକ୍ ମାନେ ତାଙ୍କର ପ୍ରେମିକା । କେବଳ ପ୍ରେମିକା ନୁହେଁ ତାଙ୍କ ପରିବାର ମଧ୍ୟ ଉପସ୍ଥିତ ଥିଲେ। ଯେଉଁଦିନ କାଶ ପଟେଲଙ୍କ ନାମ FBI ନିର୍ଦ୍ଦେଶକ ହେବା ପାଇଁ ଅନୁମୋଦନ କରାଯାଇଥିଲା । ତାଙ୍କ ପ୍ରେମିକା ମଧ୍ୟ ତାଙ୍କ ସହିତ ଉପସ୍ଥିତ ଥିଲେ। ଏହି ସମୟରେ, ପ୍ରେମିକା ଆଲେକ୍ସିସ୍ ଓ୍ୱିଲିଙ୍କସ୍‌ଙ୍କୁ ମଧ୍ୟ ଶପଥ ଗ୍ରହଣ ଉତ୍ସବରେ ଦେଖିବାକୁ ମିଳିଥିଲା । ଏହା ସହିତ, କାଶ ପଟେଲଙ୍କ ପ୍ରତି ତାଙ୍କର ଗର୍ବ ମୁହଁରେ ସ୍ପଷ୍ଟ ଭାବରେ ଦେଖାଯାଉଥିଲା।

କାଶ ପଟେଲ ଏବଂ ଓ୍ୱିଲିଙ୍କସ୍‌ଙ୍କ ସମ୍ପର୍କ ୨୦୨୩ ମସିହାରେ ଆରମ୍ଭ ହୋଇଥିଲା। କାଶ ପଟେଲ ଏବଂ ଓ୍ୱିଲିଙ୍କସ୍ ପ୍ରଥମ ଥର ପାଇଁ ୨୦୨୨ ମସିହାରେ ସାକ୍ଷାତ କରିଥିଲେ । ଏହି ସାକ୍ଷାତ ପରେ, ଉଭୟଙ୍କ ମଧ୍ୟରେ ଧୀରେ ଧୀରେ ପ୍ରେମ ବଢିବାକୁ ଲାଗିଲା । କାଶ ପଟେଲ ୧୯୮୦ ମସିହାରେ ନ୍ୟୁୟର୍କରେ ଏକ ଗୁଜରାଟୀ ପରିବାରରେ ଜନ୍ମଗ୍ରହଣ କରିଥିଲେ। ଶପଥ ଗ୍ରହଣ ସମାରୋହରେ, ନୂତନ FBI ନିର୍ଦ୍ଦେଶକ, କାଶ ପଟେଲ କହିଥିଲେ, ମୁଁ ଆମେରିକୀୟ ସ୍ୱପ୍ନକୁ ବଞ୍ଚୁଛି । ଆଲେକ୍ସିସ୍ ଓ୍ୱିଲିଙ୍କସ୍ ଜଣେ ପ୍ରସିଦ୍ଧ ଦେଶୀୟ ଗାୟକ, ଲେଖକ ଏବଂ ଭାଷ୍ୟକାର।

ସେ ରିପବ୍ଲିକାନ୍ ପ୍ରତିନିଧି ଆବ୍ରାହମ୍ ହାମାଡେଙ୍କ ପ୍ରେସ୍ ସଚିବ ଭାବରେ ମଧ୍ୟ କାର୍ଯ୍ୟ କରନ୍ତି। ସେ 'ପ୍ରେଗରୟୁ'ରେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି, ଯାହା ଆମେରିକୀୟ ମୂଲ୍ୟବୋଧକୁ ପ୍ରୋତ୍ସାହିତ କରୁଥିବା ଏକ ପ୍ଲାଟଫର୍ମ। ୱିଲକିନ୍ସ ଆମେରିକାର ଆର୍କାନସାସରେ ବଢ଼ିଥିଲେ। ସେ ତାଙ୍କ ଜୀବନର ପ୍ରାରମ୍ଭିକ ସମୟ ଇଂଲଣ୍ଡ ଓ ସ୍ୱିଜରଲ୍ୟାଣ୍ଡରେ ବିତାଇଥିଲେ। ତାଙ୍କ ସିଙ୍ଗିଗ୍ କ୍ୟାରିୟରରେ, ଓ୍ୱିଲିଙ୍କସ୍ ଗଡ ବ୍ଲେସ୍ ଦି ୟୁଏସଏର ସାରା ଇଭାନ୍ସ ଏବଂ ଲି ଗ୍ରୀନଉଡଙ୍କ ପାଇଁ ତାଙ୍କର ପ୍ରାରମ୍ଭିକ ଅଭିନୟ ପାଇଁ ମଧ୍ୟ ଜଣାଶୁଣା।

Argus News | argus news | Odisha Latest News, Breaking News, Trending News, Live TV