ଭାରତର ବାୟୁସେନା କ୍ୟାପଟେନ ଶୁଭାଂଶୁ ଶୁକ୍ଲା ବର୍ତ୍ତମାନ ଅନ୍ତର୍ଜାତୀୟ ସ୍ପେସ ଷ୍ଟେସନରେ ରହିଛନ୍ତି । ତାଙ୍କ ସହ ତାଙ୍କର ଆଉ ୩ ଜଣ ସାଥି ମହାକାଶଚାରୀ ମଧ୍ୟ ରହିଛନ୍ତି । ସେମାନେ ୧୪ ଦିନ ପାଇଁ ଅନ୍ତରୀକ୍ଷରେ ରହିବାକୁ ସ୍ଥିର କରିଛନ୍ତି । ତେବେ ସ୍ପେସ ଷ୍ଚେସନକୁ ନେଇ ମନରେ ଅନେକ ପ୍ରଶ୍ନ ସମସ୍ତଙ୍କ ମନରେ ଆସିଥାଏ । ଯେମିତି କି ସ୍ପେସ ଷ୍ଟେସନରେ କେତେବେଳେ ଦିନ ରାତି ହୁଏ, ସେଠାରେ କେତେ ଘଣ୍ଟାରେ ଗୋଟେ ଦିନ ହୋଇଥାଏ , ଏବଂ ସ୍ପେସରେ ଟାଇମ ଜୋନ କେମିତି କାମ କରିଥାଏ ।

ଧରିତ୍ରୀରେ ଗୋଟେ ଦିନ ସୂର୍ଯ୍ୟୋଦୟ ଏବଂ ଗୋଟେଦିନ ସୂର୍ଯ୍ୟାସ୍ତ ହୋଇଥାଏ । କିନ୍ତୁ ସ୍ପେସ ଷ୍ଟେସନରେ ୨୪ ଘଣ୍ଟାରେ ୧୬ ଥର ସୂର୍ଯ୍ୟୋଦୟ ଏବଂ ୧୬ ଥର ସୂର୍ଯ୍ୟାସ୍ତ ହୁଏ । ଏହି ହିସାବରେ ଦେଖାଗଲେ ସେଠାରେ କେବଳ ୯୦ ମିନିଟରେ ଗୋଟେ ଦିନ ଏବଂ ୯୦ ମିନିଟରେ ଗୋଟେ ଦିନରେ ରାତି ହୁଏ । ହେଲେ ପୃଥିବୀରେ ଏହା ୧୨ ଘଣ୍ଟାରେ ହୋଇଥାଏ । ସ୍ପେସ ଷ୍ଟେସନ ପୃଥିବୀ ଚାରିପଟେ ବୁଲିବା ବେଳେ ୪୫ ମିନିଟ ଯାଏ ସୁର୍ଯ୍ୟ କିରଣରେ ରହିଥାଏ, ବାକି ୪୫ ମିନିଟ ପୃଥିବୀର ଛାଇରେ ରହିଥାଏ । ୨୪ ଘଣ୍ଟା ଭିତରେ ସ୍ପେସ ଷ୍ଟେସନ ପୃଥିବୀ ଚାରିପଟେ ୧୬ ଥର ଚକ୍କର ଲଗାଇଥାଏ । ତେବେ ଟାଇମ ଜୋନର କଥା ଯଦି କୁହାଯାଏ ତେବେ ସେଠାରେ ବୈଶ୍ଵିକ ମାନଦଣ୍ଡ ଅନୁଯାୟୀ କୋର୍ଡିନେଟେଡ ୟୁନିଭର୍ସାଲ ଟାଇମ ଜୋନର ବ୍ୟବହାର କରାଯାଏ ଯାହାଦ୍ଵାରା ଦୂନିଆର ଅନ୍ୟ ଦେଶ ମାନଙ୍କ ସହ ସମୟ ସହଯୋଗରେ କୌଣସି ସମସ୍ୟା ହୋଇନଥାଏ । ଏହି ଟାଇମ ଜୋନକୁ ଗ୍ରୀନବିଚ ମିନ ଟାଇମ ବୋଲି କୁହାଯାଏ ।