ଟ୍ରମ୍ପଙ୍କ କ୍ୟାବିନେଟରେ ବୈଦେଶିକ ମନ୍ତ୍ରୀ ହେବେ ଭାରତୀୟ ସମର୍ଥକ ମାର୍କୋ ରୁବିଓ
ଅର୍ଗସ ବ୍ୟୁରୋ: ଟ୍ରମ୍ପଙ୍କ କ୍ୟାବିନେଟରେ ବୈଦେଶିକ ମନ୍ତ୍ରୀ ହେବେ ଭାରତୀୟ ସମର୍ଥକ ମାର୍କୋ ରୁବିଓ । ଆମେରିକାର ୫୧ ତମ ରାଷ୍ଟ୍ରପତି ଦାୟିତ୍ବ ଗ୍ରହଣ କରିବାକୁ ଯାଉଥିବା ଡୋନାଲ ଟ୍ରମ୍ପ ଆମେରିକା ସିନେଟର ମାର୍କୋ ରୁବିଓଙ୍କୁ ନିଜର କ୍ୟାବିନେଟ ମନ୍ତ୍ରୀ ଭାବେ ପ୍ରାର୍ଥୀ ଚୟନ କରିଛନ୍ତି । ତେବେ ଆସନ୍ତା ଜାନୁୟାରୀରେ ଟ୍ରମ୍ପ ହ୍ବାଇଟ ହାଉସରେ ଶପଥ ଗ୍ରହଣ କରିବା ପରେ ଯଦି ମାର୍କୋ ମନ୍ତ୍ରୀ ପଦ ସମ୍ଭାଳନ୍ତି ତାହାଲେ ଆମେରିକା ରାଜନୀତିରେ ପ୍ରଥମ ଥର ପାଇଁ ଜଣେ ଲାଟିନ୍ ଆମେରିକାନ୍ ମନ୍ତ୍ରୀ ହେବେ । ଏହାସହିତ ଆଜି ଟ୍ରମ୍ପ ନିଜ ଅର୍ଥମନ୍ତ୍ରୀ ଭାବେ ସ୍କଟ ବେସେଣ୍ଟଙ୍କ ନା ଘୋଷଣା କରିଛନ୍ତି ।
ମାଇକ୍ ବାଲଟେଜଙ୍କୁ ଜାତୀୟ ସୁରକ୍ଷା ପରାମର୍ଶଦାତା ନିଯୁକ୍ତ କରିଛନ୍ତି ଆମେରିକାର ନବ ନିର୍ବାଚିତ ରାଷ୍ଟ୍ରପତି । ମାର୍କୋ ରୁବିଓ ଜଣେ ଭାରତୀୟ ସମର୍ଥକ ହୋଇଥିବାବେଳେ ଜଣେ ଚୀନ ବିରୋଧୀ ନେତା ହୋଇଥିବାରୁ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଆମେରିକା ବିରୋଧୀଙ୍କ ପ୍ରତି ଆଲୋଚନାତ୍ମକ ଆଭିମୁଖ୍ୟ ରଖୁଥିବା ୫୩ ବର୍ଷୀୟ ମାର୍କୋ ରୁବିଓ ନିଜର ବିଦେଶୀ ନୀତି ପାଇଁ ବେଶ୍ ଚର୍ଚ୍ଚିତ । ମାର୍କୋଙ୍କ ସହ ଭାରତର ସଂପର୍କ କିନ୍ତୁ ବେଶ୍ ନିବିଡ ।
ରୁଷିଆ-ଭାରତ ସଂପର୍କକୁ ମଜଭୁତ୍ କରିବାରେ ମାର୍କୋ ବଡ ଭୂମିକା ନିଭାଇଥିଲେ । ସେ ଭାରତ-ପ୍ରଶାନ୍ତ ମହାସାଗରରେ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଭାବରେ ଭାରତକୁ ପ୍ରତିଷ୍ଠା କରିବାରେ ସାହାର୍ଯ୍ୟ କରିଛନ୍ତି । ବିଗତ କିଛି ବର୍ଷ ମଧ୍ୟରେ ସେ ବିଶେଷ କରି ପ୍ରତିରକ୍ଷା ଏବଂ ବାଣିଜ୍ୟ କ୍ଷେତ୍ରରେ ଆମେରିକା-ଭାରତ ସଂପର୍କକୁ ଗଭୀର କରିବା ପାଇଁ ପ୍ରୋତ୍ସାହିତ କରିଛନ୍ତି ।
