ବିସ୍ଫୋରଣରେ ଥରିଲା ଇରାନ । ବଡ଼ ଧରଣର ବିସ୍ଫୋରଣରେ ୪ ଜଣଙ୍କ ମୃତ୍ୟୁ ସହ ୫ ଶହରୁ ଅଧିକ ଆହତ ହୋଇଛନ୍ତି । ରାଜଧାନୀ ତେହେରାନଠାରୁ ହଜାରେ କିଲୋମିଟର ଦୂରରେ ଥିବା ଏକ ତୈଳ କଣ୍ଟେନରରେ ଘଟିଛି ଏହି ବିସ୍ଫୋରଣ । ଇରାନର ଦକ୍ଷିଣ ଭାଗରେ ଥିବା ସାହିଦ ରାଜାଇ ବନ୍ଦରରେ ବିସ୍ଫୋରଣ ସ୍ଥଳରୁ 5 ଶହରୁ ଅଧିକ ଆହତଙ୍କୁ ହର୍ମଜଗାନ ହସ୍ପିଟାଲକୁ ସ୍ଥାନାନ୍ତର କରାଯାଇଛି।

ବର୍ତ୍ତମାନ ସୁଦ୍ଧା ବିସ୍ଫୋରଣର କାରଣ ସ୍ପଷ୍ଟ ହୋଇପାରିନାହିଁ । ଭୟଙ୍କର ବିସ୍ଫୋରଣ ନେଇ ଇରାନ ସରକାରଙ୍କ ପକ୍ଷରୁ ବିବୃତ୍ତି ଜାରି ହୋଇଛି । ବନ୍ଦର ଓ ସାମୁଦ୍ରିକ ସଂଗଠନ ସହିତ ଜଡିତ ସିନା କଣ୍ଟେନର ୟାର୍ଡରେ ବିସ୍ଫୋରଣ ପରେ ଉଦ୍ଧାର ଅପରେସନ ଜାରି ରହିଛି ।