ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ବିରୋଧରେ ପ୍ରତିବାଦ ଜୋର ଧରୁଛି । ସାରା ଦେଶରେ ବିକ୍ଷୋଭକାରୀମାନେ ଏକାଠି ହୋଇଛନ୍ତି । ୫୦ଟି ସ୍ଥାନରେ ୪ଶହ ରାଲିର ଆୟୋଜନ କରାଯାଉଛି । ଟ୍ରମ୍ପଙ୍କ ବିଭିନ୍ନ ନୀତିକୁ ବିରୋଧ କରି ଜୋରଦାର ପ୍ରତିବାଦ ହେଉଛି । ଜାନୁଆରୀ ୨୦ରେ ଡୋନାଲଡ୍ ଟ୍ରମ୍ପ ରାଷ୍ଟ୍ରପତି ଦାୟିତ୍ବ ନେବା ପରଠାରୁ ତାଙ୍କ ବିରୋଧରେ ଏହା ଚତୁର୍ଥ ବଡ ବିକ୍ଷୋଭ ।

ଏପରି ବିକ୍ଷୋଭକୁ ନେଇ ଜଣେ ବିକ୍ଷୋଭ ପ୍ରଦର୍ଶନକାରୀ କହିଛନ୍ତି, "ଆମେ ଆମ ଦେଶ ହରାଇବାକୁ ଯାଉଛୁ" । ରାଷ୍ଟ୍ରପତି ଟ୍ରମ୍ପଙ୍କର ନାଗରିକ ସ୍ଵତନ୍ତ୍ରତା ଏବଂ କାନୁନ ଶାସନକୁ ନେଇ ଏପରି ଆରୋପ ଲଗାଯାଇଛି ।