ରୁଷିଆରେ ଭୟଙ୍କର ଭୂକମ୍ପ ପରେ ଜ୍ୱାଳାମୁଖୀରୁ ଅଗ୍ନୀ ଉଦ୍ଗଗୀରଣ । ଜ୍ୱାଳାମୁଖୀରୁ ଲାର୍ଭା ପ୍ରାୟ ୬ ହଜାର ମିଟର ଉଚ୍ଚତାକୁ ବ୍ୟାପିଛି । ୭.୦ ତୀବ୍ରତାର ଭୂମିକମ୍ପରେ ଥରିଥିଲା ସେଭେରୋ-କୁରିଲସ୍କର ୧୨୧ କିଲୋମିଟର ପୂର୍ବାଞ୍ଚଳ । ଭୂମିକମ୍ପର କେନ୍ଦ୍ରସ୍ଥଳ ୫୦.୫୩ ଡିଗ୍ରୀ ଉତ୍ତର ଅକ୍ଷାଂଶ ଏବଂ ୧୫୭.୮୩ ଡିଗ୍ରୀ ପୂର୍ବ ଦ୍ରାଘିମାରେ ୪୦.୮ କିଲୋମିଟର ଗଭୀରତାରେ ରହିଥିଲା ।

ଭୂକମ୍ପ ପ୍ରଭାବରେ ରୁଷିଆର ପୂର୍ବ ଭାଗରେ ଥିବା କ୍ରାଶେନିନିକୋଭ ଜ୍ୱାଳାମୁଖୀରୁ ଅଗ୍ନି ଉଦ୍ଗିରଣ ହୋଇଛି। ପ୍ରାୟ ୬୦୦ ବର୍ଷ ପରେ ଏହି ଜ୍ୱାଳାମୁଖୀ ଜୀବନ୍ତ ହୋଇଥିବା ରୁଷିଆର ଜରୁରୀକାଳୀନ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି। ସ୍ମିଥସୋନିଆନ ଇନଷ୍ଟିଚ୍ୟୁସନର ଗ୍ଲୋବାଲ ଭୋଲକାନିଜମ୍ ଅନୁଯାୟୀ, ଏହି ଜ୍ୱାଳାମୁଖୀ ଶେଷ ଥର ପାଇଁ ୧୪୬୩ ମସିହାରେ ଉଦଗୀରଣ ହୋଇଥିଲା।