ଆମେରିକା ଓ୍ଵାସିଂଟନରେ ଭୟଙ୍କର ବିମାନ ଦୁର୍ଘଟଣା, ୬୭ ଯାତ୍ରୀ ମୃତ
ଅର୍ଗସ ବ୍ୟୁରୋ: ଆମେରିକା ଓ୍ଵାସିଂଟନରେ ଭୟଙ୍କର ବିମାନ ଦୁର୍ଘଟଣା । ପୋଟୋମାକ୍ ନଦୀ ଉପରେ ମଝି ଆକାଶରେ ବିମାନ ଓ ହେଲିକପ୍ଟର ଦୁର୍ଘଟଣାଗ୍ରସ୍ତ । ଏକ ଆମେରିକୀୟ ଯାତ୍ରୀବାହୀ ବିମାନ ଆର୍ମିର ହେଲିକପ୍ଟର ସହ ଧକ୍କା ହୋଇ ନିକଟସ୍ଥ ପୋଟୋମାକ୍ ନଦୀରେ ଖସିପଡ଼ିଛି। ସମସ୍ତ ୬୭ ଯାତ୍ରୀଙ୍କ ମୃତ୍ୟୁ ହୋଇଥିବା ସ୍ଥାନୀୟ ପ୍ରଶାସନ ସୂତ୍ରରୁ ଜଣାପଡ଼ିଛି । ନଦୀ ଭିତରୁ ୨୮ ଜଣଙ୍କ ଶବ ଉଦ୍ଧାର ହୋଇଥିବା ବେଳେ ଅନ୍ୟମାନଙ୍କୁ ଖୋଜିବା ପାଇଁ ବ୍ୟାପକ ଅପରେସନ୍ ଜାରି ରହିଛି । ଆମେରିକୀୟ ଏୟାର୍ଲାଇନ୍ସର ଏକ ଆଞ୍ଚଳିକ ବିମାନ ଓ ୟୁଏସ୍ ଆର୍ମି ବ୍ଲାକ୍ ହକ୍ ହେଲିକପ୍ଟର ମଧ୍ୟରେ ଏହି ଦୁର୍ଘଟଣା ଘଟିଛି।
ଯାତ୍ରୀବାହୀ ବିମାନଟି ୱାସିଂଟନ ଡିସି ନିକଟସ୍ଥ ରୋନାଲ୍ଡ ରେଗାନ୍ ୱାସିଂଟନ ଜାତୀୟ ବିମାନବନ୍ଦରକୁ ଆସୁଥିଲା। ଯାତ୍ରୀବାହୀ ବିମାନରେ ୬୦ ଯାତ୍ରୀ ଓ ୪ ଜଣ କର୍ମଚାରୀ ଏବଂ ସାମରିକ ହେଲିକପ୍ଟରରେ ୩ ଜଣ ସୈନିକ ଥିଲେ । ସେପଟେ ଦୁର୍ଘଟଣା ପାଇଁ ଆର୍ମି ହେଲିକପ୍ଟରକୁ ଦାୟୀ କଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ବିମାନ ପାଖେଇ ଆସୁଥିବା ବେଳେ ହେଲିକପ୍ଟର କାହିଁକି ଡାଇଭର୍ଟ କରାଗଲା ନାହିଁ ଏବଂ ଏୟାର ଟ୍ରାଫିକ୍ କଣ୍ଟ୍ରୋଲର କାହିଁକି ଏଭଳି ନିର୍ଦ୍ଦେଶ ଜାରି କଲେ । ପରିସ୍ଥିତିକୁ ଏଡ଼ାଇବା ଉଚିତ ଥିଲା ବୋଲି ସେ କହିଛନ୍ତି ।
