Argus News - ତେହେରାନରେ ବଡ଼ ବିସ୍ଫୋରଣ: ସାଇରନ୍ ବାଜିଲା, ଇସ୍ରାଇଲ ହାଇ ଆଲର୍ଟ

ଇସ୍ରାଏଲ ଏବଂ ଆମେରିକା ଇରାନ ବିରୁଦ୍ଧରେ ଏକ ଆକ୍ରମଣ ଆରମ୍ଭ କରିଛି । କିନ୍ତୁ ଏହି ଆକ୍ରମଣ ବଡ଼ ରୁପ ନେବା ପୂର୍ବରୁ ଏକ ଆକ୍ରମଣ କରିଛି । ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ଶନିବାର ସକାଳେ ଏହାକୁ ନିଶ୍ଚିତ କରିଛନ୍ତି । ଇସ୍ରାଏଲର ସେନାଙ୍କୁ ମଧ୍ୟ ସାରା ଦେଶରେ ଏକ ଆଲର୍ଟ କରି ରଖାଯାଇଛି । ଇରାନ କ୍ଷେପଣାସ୍ତ୍ର ଆକ୍ରମଣ ପୂର୍ବରୁ ଲୋକମାନଙ୍କୁ ସୁରକ୍ଷା ପାଇଁ ସତର୍କ କରିବା ପାଇଁ ସାଇରନ୍ ବଜାଇଛି । ସରକାର ନାଗରିକମାନଙ୍କୁ ସତର୍କ ରହିବାକୁ ଏବଂ ସୁରକ୍ଷା ନିର୍ଦ୍ଦେଶାବଳୀ ପାଳନ କରିବାକୁ ଅନୁରୋଧ କରିଛନ୍ତି ।

ଆଉ ଠିକ୍ ଏହି ସମୟରେ, ଇରାନର ରାଜଧାନୀ ତେହେରାନରେ ଏକ ବଡ଼ ବିସ୍ଫୋରଣ ହୋଇଥିବା ସୂଚନା ମିଳିଛି । ସ୍ଥାନୀୟ ଗଣମାଧ୍ୟମ ଏବଂ ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ସହରର ମଧ୍ୟଭାଗରେ ଅତି କମରେ ତିନୋଟି ବିସ୍ଫୋରଣ ଶୁଣାଯାଇଥିଲା, ଏହା ପରେ ଆଉ ଦୁଇଟି ବିସ୍ଫୋରଣ ହୋଇଥିଲା । ଇରାନର ସରକାରୀ ଗଣମାଧ୍ୟମ ଅନୁଯାୟୀ, ଉତ୍ତର ତେହେରାନର ସୟଦ ଖାନଦାନ ଅଞ୍ଚଳରେ ମଧ୍ୟ ବିସ୍ଫୋରଣ ହୋଇଥିବା ସୂଚନା ରହିଛି । ତଥାପି, ଇରାନ ଅଧିକାରୀମାନେ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ଆକ୍ରମଣକୁ ନିଶ୍ଚିତ କରିନାହାଁନ୍ତି କିମ୍ବା କ୍ଷୟକ୍ଷତି ବିଷୟରେ କୌଣସି ସୂଚନା ଦେଇନାହାନ୍ତି ।

ଇରାନର ୩୦ ଟି ସ୍ଥାନରେ ଆକ୍ରମଣ କରାଯାଇଛି । ପ୍ରଥମ ଆକ୍ରମଣରେ ଇରାନର ଗୁପ୍ତଚର ସଂସ୍ଥା, ବିମାନବନ୍ଦର, ରାଷ୍ଟ୍ରପତି ଭବନ ଏବଂ ଆବାସିକ ଅଞ୍ଚଳକୁ ଟାର୍ଗେଟ କରାଯାଇଥିବା କୁହାଯାଉଛି । ଇସ୍ରାଏଲୀ ଆକ୍ରମଣ ପରେ, ଇରାନ ତାର ଆକାଶ ସୀମା ବନ୍ଦ କରିଦେଇଛି । ଇରାନ ବିରୁଦ୍ଧରେ ଏହି ଇସ୍ରାଏଲୀ କାର୍ଯ୍ୟାନୁଷ୍ଠାନକୁ "ଯିହୂଦାର ଢାଲ" ନାମ ଦିଆଯାଇଛି ।

ଇସ୍ରାଇଲରେ ହାଇ ଆଲର୍ଟ, ସାଇରନ୍ ବାଜିଲା
ଏହି ସମୟରେ, ଇସ୍ରାଏଇକୁ ହାଇ ଆଲର୍ଟରେ ରଖାଯାଇଛି । IDF ରିପୋର୍ଟ କରିଛି ଯେ ସାରା ଦେଶରେ ସାଇରନ୍ ବାଜିଛି ଏବଂ ମୋବାଇଲ୍ ଫୋନ୍‌କୁ ଆଗୁଆ ସତର୍କତା ପଠାଯାଇଛି, ଲୋକଙ୍କୁ ସୁରକ୍ଷିତ ସ୍ଥାନରେ ରହିବାକୁ ପରାମର୍ଶ ଦିଆଯାଇଛି । ସ୍କୁଲ୍ ଏବଂ କଲେଜ ବନ୍ଦ କରାଯାଇଛି । କାର୍ଯ୍ୟାଳୟଗୁଡ଼ିକ ମଧ୍ୟ ବନ୍ଦ ରଖିବାକୁ ଘୋଷଣା କରାଯାଇଛି । ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି ।

ଇସ୍ରାଇଲର ପ୍ରତିରକ୍ଷା ମନ୍ତ୍ରୀ ଇସ୍ରାଇଲ କାଟଜ୍ ଜାତୀୟ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି, ଇସ୍ରାଏଲର ସାଧାରଣ ନାଗରିକଙ୍କ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ୍ ଆକ୍ରମଣ ସମ୍ଭବ ବୋଲି ଚେତାବନୀ ଦେଇଛନ୍ତି । ଇସ୍ରାଏଲୀ ସେନା ମଧ୍ୟ ଘୋଷଣା କରିଛି ଯେ ସାରା ଦେଶରେ ସ୍କୁଲ ଏବଂ କଲେଜ ବନ୍ଦ ରହିବ, ସାଧାରଣ ସମାବେଶ ଉପରେ ପ୍ରତିବନ୍ଧକ ଲଗାଯିବ ଏବଂ ଲୋକଙ୍କୁ ଘରୁ କାମ କରିବାକୁ ପରାମର୍ଶ ଦିଆଯାଇଛି।ଇରାନ-ଆମେରିକା ପରମାଣୁ ଚୁକ୍ତି ଆଲୋଚନା ଚାଲିଛିପଶ୍ଚିମ ଏସିଆରେ ପୂର୍ବରୁ ଗଭୀର ଉତ୍ତେଜନା ଥିବା ସମୟରେ ଏହି ଆକ୍ରମଣ ହୋଇଛି ।