କୁହନ୍ତି ମୃତ୍ୟୁ କାହାର କେମିତି ଆସିବ କେହି ଜାଣିନାହାନ୍ତି । ଆମ ପ୍ଲାନ୍ ହିସାବରେ ଯେ ସବୁକିଛି ହେବ ସେମିତି କିଛି ମାନେ ନାହିଁ । ଠିକ୍ ଯେମିତି ସର୍ବିଆର ଏହି ପ୍ରସିଦ୍ଧ ମଡେଲ ପ୍ଲାନ୍ କରିଥିଲେ । ନା ତାଙ୍କର ଇଜାନା । ସବୁବେଳେ ନିଜର ଫ୍ୟାସନ ଓ ଲାଇଭ୍ ଷ୍ଟାଇଲ୍ କୁ ନେଇ ଚର୍ଚ୍ଚାରେ ରୁହନ୍ତି । ତାଙ୍କ ସାଙ୍ଗସାଥୀ ଓ ପରିବାର ବର୍ଗଙ୍କ କହିବା କଥା ସେ କାହାରିକୁ ଡରନ୍ତିନି । ଆଉ ନିଜ ଜୀବନକୁ ବହୁତ ଭଲ ଭାବରେ ଉପଭୋଗ କରନ୍ତି ।

ହେଲେ ଜୀବନକୁ ନିଜ ହିସାବରେ ବଞ୍ଚିବା ତାଙ୍କ ପାଇଁ ଯେମିତି ମହଙ୍ଗା ପଡିଗଲା । କାରଣ ନିକଟରେ ସେ ଖରାଛୁଟି କାଟିବାକୁ ମଣ୍ଟେନିଗ୍ରୋ ଯାଇଥିଲେ । ରିପୋର୍ଟ ଅନୁସାରେ, ତାଙ୍କୁ ବେଳାଭୂମିରେ କାର୍ଯ୍ୟକଳାପର ପ୍ରଚାର କରୁଥିବା ଜଣେ ବ୍ୟକ୍ତି ମାଗଣାରେ ପାରାସେଲିଂ କରିବାକୁ ତାଙ୍କ ଆଡୁ ଅଫର୍ ଦେଇଥିଲେ । କିଛି ସୂତ୍ର ଅନୁସାରେ ସେ ଏକ ସ୍ଥାନୀୟ ପର୍ଯ୍ୟଟନ କମ୍ପାନୀ ପାଇଁ ଏକ ଭିଡିଓ ମଧ୍ୟ ସୁଟିଂ କରୁଥିଲେ।

ତାଙ୍କ ଅଫର୍ ପାଇବା ପରେ ମଡେଲ ଇଜାନା ମଧ୍ୟ ପାରାସେଲିଂ ପାଇଁ ପ୍ରସ୍ତୁତ ହୋଇଥିଲେ । ସେଫ୍ଟି ପ୍ରିକସନ ନେଇ ଅର୍ଥାତ୍ ଲାଇଭ୍ ଜ୍ୟାକେଟ୍ ଓ ହାରନେସ୍ ଲଗାଇ ତାଙ୍କୁ ପାରାସେଲିଂ କରିବାକୁ ଛଡା ଯାଇଥିଲା । ହେଲେ ଯେତେବେଳେ ସେ ଉପରକୁ ଯିବାକୁ ଲାଗିଲେ ତାଙ୍କୁ ଖୁବ ଡରଲାଗୁଥିଲା । କାରଣ ସୋସିଆଲ ମିଡିଆରେ ଯେଉଁ ଭିଡିଓ ସେୟାର ହେଉଛି ସେଥିରୁ ଜଣାପଡୁଛି ଯେ ସେ ତାଙ୍କୁ ତଳକୁ ଓହ୍ଲାଇବାକୁ ଚିତ୍କାର କରୁଛନ୍ତି । ସେ ବାରମ୍ବାର ବାରମ୍ବାର କହୁଥିଲେ put me down । ତାଙ୍କ ଜ୍ୟାକେଟ୍, ହାର୍ ନେସ୍ କୁ କାଢିବା ପାଇଁ ସେ ଲାଗିପଡିଥିଲେ । ଶେଷରେ ସେ ଏତେ ଡରିଯାଇଥିଲେ ଯେ କିଛି ନବୁଝିସୁଝି ହାରନେସ୍ ଖୋଲିଦେଇଥିଲେ । ଆଉ ସିଧାସଳଖ 150 ଫୁଟ୍ ତଳକୁ ଅର୍ଥାତ୍ ଆଡ୍ରିଆଟିକ୍ ସମୁଦ୍ରରେ ପଡିଥିଲେ । ଆଉ ସେଇଠି ହିଁ ତାଙ୍କ ଜୀବନ ଚାଲିଯାଇଥିଲା । ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ୍ ହେଉଛି ।

ଏମରଜେନ୍ସି କର୍ମଚାରୀମାନେ ତାଙ୍କ ଚିତ୍କାର ଶୁଣି ତାଙ୍କ ପାଖରେ ଶୀଘ୍ର ପହଞ୍ଚିବା ପରେ ମଧ୍ୟ ତାଙ୍କୁ ବଞ୍ଚାଇପାରିନଥିଲେ । ଏହାପୂର୍ବରୁ ହିଁ ତାଙ୍କ ହାର୍ଟ ଆଟାକ୍ ଆସିଥିବା କଥା କୁହାଯାଉଛି । ତାଙ୍କୁ ମାତ୍ର 19 ବର୍ଷ ହୋଇଥିବାବେଳେ ତାଙ୍କ ପରିବାର ଲୋକେ ତାଙ୍କ ମୃତ୍ୟୁକୁ ଏବେ ବି ସହଜରେ ଗ୍ରହଣ କରିପାରୁନାହାନ୍ତି । ଏହି ଘଟଣାର ଉଚିତ୍ ତଦନ୍ତ ପାଇଁ ଦାବି କରିଛନ୍ତି । ସେ ଖୁବ ନିର୍ଭୟ ଝିଅ । କାହାରିକୁ ଖାତିର୍ କରନ୍ତି ନାହିଁ । ତାଙ୍କ ମୃତ୍ୟୁ ଏମିତି ହବ କେହି ବିଶ୍ୱାସ କରିପାରୁନାହାନ୍ତି ।

Argus News | argus news | Odisha Latest News, Breaking News, Trending News, Live TV