ଇଥିଓପିଆର ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ ହେଲେ ମୋଦି । ଇଥିଓପିଆର ମହାନ ସମ୍ମାନ ନିଶାନ ଗ୍ରହଣ କଲେ ପ୍ରଧାନମନ୍ତ୍ରୀ ମୋଦି । ସର୍ବୋଚ୍ଚ ସମ୍ମାନ ଗ୍ରହଣ କରିବା ମୋ ପାଇଁ ଗୌରବର ମୁହୂର୍ତ୍ତ । ସମ୍ମାନିତ କରିଥିବାରୁ ବନ୍ଧୁ ଇଥିଓପିଆ ପ୍ରଧାନମନ୍ତ୍ରୀ ଅବି ଅହମ୍ମଦଙ୍କୁ ଧନ୍ୟବାଦ ।

ଏହି ବଡ଼ ସମ୍ମାନ ୧୪୦ କୋଟି ଭାରତୀୟଙ୍କୁ ସମର୍ପିତ କହିଲେ ମୋଦି । ଭାରତ-ଇଥିଓପିଆ ମଧ୍ୟରେ ଦୃଢ଼ ସମ୍ପର୍କ ରହିଛି କହିଲେ ପ୍ରଧାମନ୍ତ୍ରୀ ମୋଦି । ବୈଶ୍ଵିକ ସ୍ତରରେ ଥିବା ବିଭିନ୍ନ ସମସ୍ୟା ସମାଧାନ ଦିଗରେ ୨ ଦେଶ କାମ କରିବେ । ଇଥିଓପିଆର ପ୍ରଧାନମନ୍ତ୍ରୀ ଆବି ଅହମ୍ମଦ ଅଲିଙ୍କ ନେତୃତ୍ୱ ଏବଂ ଜାତୀୟ ଏକତା, ସ୍ଥିରତା ଏବଂ ଅନ୍ତର୍ଭୁକ୍ତ ବିକାଶକୁ ପ୍ରୋତ୍ସାହିତ କରିବା ପାଇଁ ନେଇଥିବା ପଦକ୍ଷେପ ପ୍ରଶଂସା କରିଥିଲେ ।

ରାଷ୍ଟ୍ର ନିର୍ମାଣ ପାଇଁ ଜ୍ଞାନର ଗୁରୁତ୍ୱ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ମୋଦି କହିଥିଲେ ଯେ ଇଥିଓପିଆର ପ୍ରଗତି ଏବଂ ବିକାଶରେ ଯୋଗଦାନ ଦେବା ଏକ ଶତାବ୍ଦୀରୁ ଅଧିକ ସମୟ ଧରି ଭାରତୀୟ ଶିକ୍ଷକମାନଙ୍କ ପାଇଁ ଏକ ସୌଭାଗ୍ୟର ବିଷୟ ଥିଲା ।

ଏଥିସହ ପଢ଼ନ୍ତୁ: ଇଥିଓପିଆରେ ପ୍ରଧାନମନ୍ତ୍ରୀ ମୋଦି: ବିମାନବନ୍ଦରରେ ସ୍ବାଗତ ପରେ ମୋଦିଙ୍କ ପାଇଁ କାର ଚଳାଇଲେ ଇଥିଓପିଆ ପିଏମ 


ଏହି ସମାରୋହ ଇଥିଓପିଆର ସମୃଦ୍ଧ ଐତିହ୍ୟକୁ ସୁନ୍ଦର ଭାବରେ ପ୍ରଦର୍ଶିତ କରିଥିଲା। ସେ କହିଛନ୍ତି, "ଇଥିଓପିଆ ବିଶ୍ୱ ଦକ୍ଷିଣରେ ଭାରତର ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଏବଂ ବ୍ରିକ୍ସର ଏକ ସହଯୋଗୀ ସଦସ୍ୟ।" ପ୍ରଧାନମନ୍ତ୍ରୀ ମୋଦି ତାଙ୍କ ପ୍ରତିପକ୍ଷଙ୍କ ସହ ଭାରତ-ଇଥିଓପିଆ ସମ୍ପର୍କର ସମସ୍ତ ଦିଗ ଉପରେ ଆଲୋଚନା କରିବେ। ଭାରତ ଛାଡିବା ପୂର୍ବରୁ ବୈଦେଶିକ ବ୍ୟାପାର ମନ୍ତ୍ରଣାଳୟ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି, "ବିଶ୍ୱ ଦକ୍ଷିଣରେ ଅଂଶୀଦାର ଭାବରେ, ଏହି ଗସ୍ତ ଉଭୟ ଦେଶର ବନ୍ଧୁତା ଏବଂ ପାରସ୍ପରିକ ସହଯୋଗର ଘନିଷ୍ଠ ସମ୍ପର୍କକୁ ଆହୁରି ମଜଭୁତ କରିବା ପାଇଁ ସମାନ ପ୍ରତିବଦ୍ଧତାକୁ ପୁନରାବୃତ୍ତି କରିବ।"

ଉଲ୍ଲେଖଯୋଗ୍ୟ ଯେ ଇଥିଓପିଆର ନିଜର ପ୍ରଥମରେ ପ୍ରଧାନମନ୍ତ୍ରୀ ମୋଦି ସଂସଦର ମିଳିତ ଅଧିବେଶନକୁ ସମ୍ୱୋଧିତ କରିବେ । ଏହି ସମୟରେ ସେ ଲୋକତନ୍ତ୍ର ଜନନୀ ରୂପେ ଭାରତର ଯାତ୍ରା ଓ ଗ୍ଲୋବାଲ୍ ସାଉଥ୍ ପାଇଁ ଭାରତ-ଇଥିଓପିଆ ସହଭାଗିତାର କଣ ଉଦ୍ଦେଶ୍ୟ ରଖୁଛି, ତାହା ଉପରେ ନିଜ ମତ ରଖିବେ । ଇଥିଓପିଆରେ ରହୁଥିବା ଭାରତୀୟ ସମୁଦାୟ ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ ଉତ୍ସାହିତ ଅଛି । ଏହି ଗସ୍ତରେ ଭାରତ-ଇଥିଓପିଆ ମଧ୍ୟରେ ସ୍ୱାସ୍ଥ୍ୟ, ଶିକ୍ଷା ଓ ବ୍ରିକ୍ସ ସହଯୋଗକୁ ବଢାଇବା ନେଇ ଆଶା କରାଯାଉଛି ।

ଅଧିକ ପଢ଼ନ୍ତୁ ବିଦେଶ ଖବର...