ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିଆରା ରେକର୍ଡ । ବିଭିନ୍ନ ଦେଶର ସଂସଦକୁ ସମ୍ବୋଧନ କରିବାରେ ରେକର୍ଡ ହାସଲ କରିଛନ୍ତି । ବର୍ତ୍ତମାନ ସୁଦ୍ଧା ସେ ୧୭ଟି ଦେଶର ପାର୍ଲାମେଣ୍ଟକୁ ଉଦବୋଧନ ଦେଇଛନ୍ତି । ଗତକାଲି ପ୍ରଧାନମନ୍ତ୍ରୀ ନାମ୍ବିଆ ପାର୍ଲାମେଣ୍ଟରେ ଉଦବୋଧନ ଦେଇଥିଲେ । ମୋଦିଙ୍କ ଅଭିଭାଷଣ ପରେ ନାମ୍ବିଆ ପାର୍ଲାମେଣ୍ଟର ସମସ୍ତ ସଦସ୍ୟ ଠିଆ ହୋଇ କରତାଳି ଦେଇ ସମ୍ବର୍ଦ୍ଧନା ଜଣାଇଥିଲେ । ନାମ୍ବିଆ ପାର୍ଲାମେଣ୍ଟରେ ସମ୍ବୋଧନ ସହ ଦେଶର ସମସ୍ତ କଂଗ୍ରେସ ପ୍ରଧାନମନ୍ତ୍ରୀଙ୍କ ମୋଟ୍ ସମ୍ବୋଧନ ସହ ସମାନ ହୋଇଛନ୍ତି । ବିଭିନ୍ନ ଦେଶର ପାର୍ଲାମେଣ୍ଟରେ ସମ୍ବୋଧନ ଫଳରେ ଅନ୍ତରାଷ୍ଟ୍ରୀୟ ସ୍ତରରେ ଭାରତର ସମ୍ମାନ ବଢିଛି ।

ନିକଟରେ ପ୍ରଧାନମନ୍ତ୍ରୀଙ୍କ ବ୍ରାଜିଲ ଓ ଘାନା ଗସ୍ତ ବେଳେ ତାଙ୍କୁ ସର୍ବ୍ବୋଚ୍ଚ ସମ୍ମାନରେ ସମ୍ମାନିତ କରାଯାଇଥିଲା । ପ୍ରଧାନମନ୍ତ୍ରୀ ଘାନା, ତ୍ରିନିଦାଦ ଟୋବାଗୋ, ଆର୍ଜେଣ୍ଟିନା, ବ୍ରାଜିଲ, ନାମ୍ବିଆ ଗସ୍ତ କରିବା ସହ ବ୍ରିକ୍ସ ସମ୍ମିଳନୀରେ ଯୋଗ ଦେଇଥିଲେ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ୭ଟି, ଇନ୍ଦିରା ଗାନ୍ଧି ୪, ଜବାହର ଲାଲ ନେହରୁ ୩, ରାଜୀବ ଗାନ୍ଧି ୨ଟି ଓ ପି.ଭି. ନରସିଂହ ରାଓ ଗୋଟିଏ ଦେଶର ପାର୍ଲାମେଣ୍ଟକୁ ସମ୍ବୋଧନ କରିଥିଲେ ।