ଆମେରିକା ସମୟ ଅନୁସାରେ କାଲି ସନ୍ଧ୍ୟାରେ ପୃଥିବୀରେ ପହଞ୍ଚିବେ ମହାକାଶରେ ଫସି ରହିଥିବା ସୁନିତା ୱିଲିୟମ୍‌ସ ଓ ବଚ୍‌ ୱିଲମୋର। ଫେରିବା ସମୟ ଧାର୍ଯ୍ୟ କଲା ନାସା। ଆମେରିକା ଫ୍ଲୋରିଡା ଉପକୂଳରେ ଦୁଇ ମହାକାଶଚରୀ ଅବତରଣ କରିବେ। ଆମେରିକା ସମୟ ମଙ୍ଗଳବାର ସଂନ୍ଧ୍ୟା ୫ ଟା ୫୭ ରେ ପୃଥିବୀ ପୃଷ୍ଠରେ ପହଞ୍ଚିବେ ବୋଲି ସ୍ପଷ୍ଟ ହୋଇଛି । ଯାହା ଭାରତୀୟ ସମୟ ଅନୁସାରେ ବୁଧବାର ଭୋର ୩ ଟା ୩୦।

ସ୍ପେସ୍‌ଏକ୍ସର ଫାଲକନ୍‌-୯ ରକେଟ ସେମାନଙ୍କୁ ଫେରାଇ ଆଣିବାକୁ ମହାକାଶକୁ ପଠାଯାଇଥିଲା। ନାସାର ୪ ଜଣ ମହାକାଶଚାରୀ ଆନ୍ନେ ମ୍ୟାକ୍‌କ୍ଲେନ୍‌, ନିକୋଲ ଆୟେର୍ସ, ତାକୁୟା ଓନିଶି ଏବଂ କିରିଲ ପେସ୍‌କୋଭ୍‌ ଏହି ଫାଲକନ-୯ ରକେଟ ସାହାଯ୍ୟରେ ମହାକାଶକୁ ଯାତ୍ରା କରିଥିଲେ। କ୍ରୁ-୯ର ୪ ସଦସ୍ୟଙ୍କୁ ଆଣିବା ଲାଗି ସ୍ପେସକ୍ରାଫ୍ଟ ପହଞ୍ଚିବା ପରେ ମହାକାଶଚାରୀମାନେ ଖୁସିରେ ନାଚି ଉଠିଥିଲେ । ଯାହାର ଭିଡ଼ିଓ ଗତକାଲି ଠାରୁ ଭାଇରାଲ ହେଉଛି।

୨୦୨୪ ଜୁନ୍ ୫ ତାରିଖ ରାତି ୮ଟା ୨୨ରେ ବୋଇଂର ଷ୍ଟାରଲାଇନର ସ୍ପେସକ୍ରାଫ୍ଟକୁ ଆଟଲସ ଭି ରକେଟ୍‌ରେ ଉତକ୍ଷେପଣ କରାଯାଇଥିଲା । ଥ୍ରଷ୍ଟରରେ ସମସ୍ୟା ଯୋଗୁଁ ୬ ଜୁନ୍ ରାତି ୯ଟା ୪୫ ପରିବର୍ତ୍ତେ ୧୧ଟା ୩୦ରେ ସ୍ପେସ ଷ୍ଟେସନ ପହଞ୍ଚିଥିଲା । ହେଲେ ଯାନ୍ତ୍ରୀକ ତୃଟି ଯୋଗୁ ୯ ମାସ ହେଲାଣି ଫସି ରହିଥିଲେ ମହାକାଶରେ। ଏବେ ଫେରିବା ସମୟ ସ୍ପଷ୍ଟ କରିଛି ନାସା ଆମେରିକୀୟ ସମୟ ଅନୁସାରେ ଆସନ୍ତକାଲି ( ମଙ୍ଗଳବାର) ସଂନ୍ଧ୍ୟା ୫ ଟା ୫୭ରେ ସେମାନେ ପୃଥିବୀ ପୃଷ୍ଠରେ ପହଞ୍ଚିବେ। ୮ ଦିନିଆ ମିଶନରେ ଯାଇଥିଲେ। ହେଲେ ଷ୍ଟାରଲାଇନରେ ବାରମ୍ବାର ଯାନ୍ତ୍ରିକ ତ୍ରୁଟି ପରିଲକ୍ଷିତ ହେବାରୁ ଉଭୟ ୯ ମାସରୁ ଅଧିକ ସମୟ ହେଲାଣି ଫସି ରହିଥିଲେ।

Argus News | argus news | -Argusnews Home: Odisha Latest News, Breaking News, Trending News, Live TV and more