ଅର୍ଗସ ବ୍ୟୁରୋ: ଆଉ ମାତ୍ର 7 ବର୍ଷ । ପୃଥିବୀ ସହ ଧକ୍କା ହେବ ଆଷ୍ଟ୍ରଏଡ୍ । ଧକ୍କା ହେବାର ସମ୍ଭାବନା ଖୁବ କମ୍ । କିନ୍ତୁ 130 ରୁ 300 ଫୁଟ୍ ଚଉଡା ଏହି ଆଷ୍ଟ୍ରଏଡ୍ ଧକ୍କା ହେବାର ସମ୍ଭବନା 1 ପ୍ରତିଶତରୁ ଅଧିକ ରହିଛି । ନାସାର ରିପୋର୍ଟ ଅନୁଯାୟୀ ପୃଥିବୀ ଆଡକୁ ମାଡି ଆସୁଛି ଆଷ୍ଟ୍ରଏଡ୍ । ଅନୁମାନ କରାଯାଉଛି ଯେ ଏହା 22 ଡିସେମ୍ବର 2032 ସୁଦ୍ଧା ପୃଥିବୀ ସହ ଧକ୍କା ହେବାର ସମ୍ଭାବନା ରହିଛି ।

ଏହି ରିପୋର୍ଟ ଚିଲିର ଆଷ୍ଟ୍ରଏଡ୍ ଟେରେଷ୍ଟ୍ରିଏଲ୍-ଇମ୍ପାକ୍ଟ ଲାଷ୍ଟ ଆଲର୍ଟ ସିଷ୍ଟମ୍ (ATLAS) ଷ୍ଟେସନ୍ ଦ୍ୱାରା ଦିଆଯାଇଛି। ଏହାର ଆକାର ପ୍ରାୟ ୧୩୦ ରୁ ୩୦୦ ଫୁଟ ଚଉଡା ହେବ ବୋଲି ଅନୁମାନ କରାଯାଉଛି ।

ୟୁରୋପୀୟ ଅନ୍ତରୀକ୍ଷ ଏଜେନ୍ସି (ESA)ର ପ୍ଲାନେଟୋରୀ ଡିଫେନ୍ସ ଅଫିସ୍ ମଧ୍ୟ ସମାନ ସୂଚନା ଦେଇଛି । ଏହି ଆଷ୍ଟ୍ରଏଡ ପୃଥିବୀ ଠାରୁ ସୁରକ୍ଷିତ ଅତିକ୍ରମ କରିବାର 99% ସମ୍ଭାବନା ରହିଛି । କିନ୍ତୁ 1 ପ୍ରତିଶତ ଧକ୍କା ହେବାର ସମ୍ଭାବନା ରହିଛି ।

ତେବେ ନାସାର ଅନୁମାନ ଏତେବଡ଼ ଆଷ୍ଟ୍ରଏଡ ଯଦି ପୃଥିବୀ ସହ ଧକ୍କା ହୁଏ ତେବେ ଏହା ମାନବ ସଭ୍ୟତା ପାଇଁ ବହୁତ ବଡ ସଙ୍କଟ । ଏଭଳି ହେବା ଦ୍ୱାରା କ୍ଷୟକ୍ଷତିରୁ ପୃଥିବୀ ନିଜକୁ ବଞ୍ଚାଇ ପାରିବନି । ଯଦି ଭବିଷ୍ୟତରେ ଏଭଳି କୌଣସି ବଡ଼ ପଥର ଖଣ୍ଡ ପୃଥିବୀ ସହ ଧକ୍କା ହୁଏ ତେବେ କିପରି ଏହାର ମୁକାବିଲା କରାଯିବ ସେଥିପାଇଁ ନାସା ଡିଫେନ୍ସ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି ।

ଆଷ୍ଟ୍ରଏଡ କ'ଣ ?

ଆଷ୍ଟ୍ରଏଡ ହେଉଛି ଉଲକାପିଣ୍ଡ ବା କ୍ଷୁଦ୍ରଗ୍ରହ । ଯେତେବେଳେ ଏକ ଗ୍ରହ ସୃଷ୍ଟି ହୁଏ, ସେଥିରୁ ଛୋଟ ଛୋଟ ପଥର ଖଣ୍ଡ ବାହାରି ସୂର୍ଯ୍ୟ ଚାରିପାଖରେ ଘୂର୍ଣ୍ଣନ ଆରମ୍ଭ କରେ। ବେଳେ ବେଳେ ଏମିତି ହୁଏ ଯେ, ଆଷ୍ଟ୍ରଏଡ ଗୁଡିକ ନିଜ କକ୍ଷପଥ ବାହାରକୁ ଚାଲିଆସନ୍ତି । ସାଧାରଣତଃ ଆଷ୍ଟ୍ରଗୁଡିକ ଗ୍ରହ କକ୍ଷପଥରେ ଜଳି ଯାଆନ୍ତି । କିନ୍ତୁ ବଡ ବଡ ଆଷ୍ଟ୍ରଏଡ ଗୁଡିକ ଗ୍ରହ ସହିତ ଧକ୍କା ଖାଇଯାଆନ୍ତି ।

Argus News | argus news | Odisha Latest News, Breaking News, Trending News, Live TV