ନେପାଳରେ ସ୍ଥିତି ଦିନକୁ ଦିନ ଭୟଙ୍କର ହେବାରେ ଲାଗିଛି । Gen Zଙ୍କ ଆଗରେ ମୁଣ୍ଡ ନୁଆଇଁଛନ୍ତି ଦେଶର ପ୍ରଧାନମନ୍ତ୍ରୀ । ଓଲିଙ୍କ ଇସ୍ତଫା ପରେ ସେନା ଦେଶର ଶାସନ ଭାର ନିଜ ହାତକୁ ନେଇପାରେ । ହେଲେ ଏହାରି ମଧ୍ୟରେ ସାମନାକୁ ଆସୁଛି ଭୟଙ୍କର ଦୃଶ୍ୟ । ନେପାଳର ଅର୍ଥମନ୍ତ୍ରୀଙ୍କୁ Gen Z ରାଜ ରାସ୍ତାରେ ଗୋଡାଇ ଗୋଡାଇ ପିଟୁଥିବାର ଦୃଶ୍ୟ ଦେଖିବାକୁ ମିଳିଛି । ସ୍ଥିତି ପୁରା ଅଣାୟତ୍ତ । ନିଜ ଜୀବନ ବଞ୍ଚାଇବାକୁ ଦୌଡୁଛନ୍ତି ଅର୍ଥମନ୍ତ୍ରୀ । ହେଲେ ବି ତାଙ୍କୁ ଛାଡୁ ନାହାନ୍ତି । କିଏ ଠିଆ ଗୋଇଠା ମାରୁଛି ତ କିଏ ଗୋଡେଇ ଗୋଡେଇ ପିଟୁଛି । କାଠମାଣ୍ଡୁର ରାସ୍ତାରେ ଅର୍ଥମନ୍ତ୍ରୀ ବିଷ୍ଣୁପ୍ରସାଦ ପୌଡେଲ ଦୌଡୁଥିବାର ଦୃଶ୍ୟ ସାମନାକୁ ଆସିଛି ।

#WATCH | Nepal: Protestors set the Parliament on fire as the protest turned violent in Kathmandu.

The Nepali PM resigned this afternoon amid demonstrations against the Government over alleged corruption. pic.twitter.com/sa1riu9Mu9
— ANI (@ANI) September 9, 2025

ସୋସିଆଲ ମିଡିଆ ବ୍ୟାନକୁ ନେଇ ଆରମ୍ଭ ହୋଇଥିବା ଏହି ପ୍ରତିବାଦ ତୀବ୍ର ରୂପ ନେବାରେ ଲାଗିଛି । ପୋଡା ଜଳା, ଆକ୍ରମଣରେ ଜଳୁଛି ନେପାଳ । ସ୍ଥିତି ଏବେ ଅଣାୟତ୍ତ । ବାଧ୍ୟ ହୋଇ ପଦରୁ ଇସ୍ତଫା ଦେଇଛନ୍ତି ନେପାଳ ପ୍ରଧାନମନ୍ତ୍ରୀ କେ.ପି ଶର୍ମା ଓଲି । ସେଠାକାର ସଂସଦ ଭବନରେ ନିଆଁ ଲଗାଇ ଦେଇଛନ୍ତି ପ୍ରଦର୍ଶନକାରୀ। ସଂସଦ ଭବନରେ ପଶି ସେମାନେ କରିଛନ୍ତି ଲଙ୍କାକାଣ୍ଡ। ସଂସଦର ଉଭୟ ଗୃହରେ ପୋଡ଼ା ଜଳା କରିଛନ୍ତି। ଖାଲି ସଂସଦ ନୁହେଁ ନେପାଳର ରାଜଧାନୀ କାଠମାଣ୍ଡୁ ଏବେ ସମ୍ପୂର୍ଣ୍ଣ ଭାବେ ବିକ୍ଷୋଭକାରୀଙ୍କ କବଜାରେ।

#WATCH | Nepal: Protestors set the Parliament building on fire as the protest turned violent in Kathmandu.

The Nepali PM resigned this afternoon amid demonstrations against the Government over alleged corruption. pic.twitter.com/UG50szWE25
— ANI (@ANI) September 9, 2025

ସେପଟେ ଓଲି ଦେଶ ଛାଡ଼ି ଦୁବାଇ ପଳାଇଯିବା ପ୍ରସ୍ତୁତିରେ ଥିବା ଖବର ଆସିଛି। PM ଓଲି ଦୁବାଇ ଯିବାକୁ ହିମାଳୟ ଏୟାରଲାଇନ୍ସକୁ ଷ୍ଟାଣ୍ଡବାୟ ରହିବାକୁ ନିର୍ଦ୍ଦେଶ ଦିଆଯାଇଛି । ସେହିପରି ପୂର୍ବତନ ଉପପ୍ରଧାନମନ୍ତ୍ରୀଙ୍କ ଘର ଉପରକୁ ପଥର ମାଡ଼ ହୋଇଛି। ସୋସିଆଲ୍ ମିଡିଆ ବ୍ୟାନ୍ ବିରୋଧରେ ଜୋରଦାର ବିରୋଧ ପ୍ରଦର୍ଶନ ପରେ ଓଲି ସରକାର କ୍ୟାବିନେଟ ବୈଠକ ଡାକି ନିଷ୍ପତି ନେଇଥିଲେ । ଫେସବୁକ୍, ଏକ୍ସ ଏବଂ ହ୍ୱାଟ୍ସଆପ୍ ସମେତ ସମସ୍ତ ସାଇଟ୍ ପୁନଃଆରମ୍ଭ କରାଯିବାକୁ ଘୋଷଣା କରାଯାଇଥିଲା।

Argus News | argus news | Odisha Latest News, Breaking News, Trending News, Live TV