ଯୁଦ୍ଧର କାରଣ ହେଉଛି ଶିବ ମନ୍ଦିର । ଶିବ ମନ୍ଦିରକୁ କିଏ ନେବ । କାହା ପାଖରେ ରହିବ ଶିବ ମନ୍ଦିର । ସେଥିପାଇଁ ଦୁଇଟି ଦେଶ ଭିତରେ ଆରମ୍ଭ ହୋଇଛି ଭିଷଣ ଯୁଦ୍ଧ । ମିଶାଇଲ ମାଡ଼ରେ ପାଉଁଶ ହେବାକୁ ଲାଗିଲାଣି ବିରାଟ ବିରାଟ ଅଟାଳିକା । ଲୋକମାନେ ଘର ଛାଡ଼ିବା ଆରମ୍ଭ କଲେଣି । ବିଶ୍ଵର ବିଭିନ୍ନ ଦେଶରେ ଆରମ୍ଭ ହୋଇଛି ଯୁଦ୍ଧ । ସୀମା ସରହକୁ ନେଇ ଦେଶ ଦେଶ ଉପରେ ମିଶାଇଲ ମରାମରି ହୋଇଯାଉଛନ୍ତି । ଆଉ ସେମିତି ଏକ ନୂଆ ଯୁଦ୍ଧ ଆରମ୍ଭ ହୋଇଛି । ଶିବ ମନ୍ଦିର ପାଇଁ ପାଉଁଶ ହୋଇଯିବ ଦୁଇଟି ଦେଶ ।

ଆରମ୍ଭ ହୋଇଛି ଯୁଦ୍ଧ, ମାଡ଼ି ଯାଉଛି ଟ୍ୟାଙ୍କ୍‌ । ଗୋଟିଏ ଦେଶ ଅନ୍ୟ ଦେଶ ଉପରେ ମାଡ଼ କରୁଛି ମିଶାଇଲ । ଏହି ଯୁଦ୍ଧ ଆରମ୍ଭ ହୋଇଛି ଦକ୍ଷିଣ-ପୂର୍ବ ଏସିଆର ଦୁଇ ଦେଶ ଥାଇଲାଣ୍ଡ ଓ କାମ୍ବୋଡିଆ ଭିତରେ । ୫ ଦିନ ହେଲାଣି ଲାଗି ରହିଛି ଯୁଦ୍ଧ । ଆଉ ଯୁଦ୍ଧ ଆରମ୍ଭ ହୋଇଛି ଏକ ଶିବ ମନ୍ଦିର ପାଇଁ । ଦୁଇଟି ଦେଶର ସୀମାରେ ରହିଛି ଏହି ଶିବ ମନ୍ଦିର ।

ସୂଚନା ମୁତାବକ ଡାଙ୍ଗରେକ୍ ପର୍ବତ ଶିଖରରେ ଥିବା ଏକ ୯୦୦ ବର୍ଷ ପ୍ରାଚୀନ ଶିବ ମନ୍ଦିର ପ୍ରିହ ଭିହିଅରକୁ ନେଇ ଗତ ଅନେକ ଦଶନ୍ଧି ଧରି ଥାଇଲାଣ୍ଡ ଓ କମ୍ବୋଡିଆ ମଧ୍ୟରେ ବିବାଦ ଚାଲିଆସିଛି । ଆଉ ଏହି ବିବାଦ ଏବେ ଯୁଦ୍ଧରେ ପରିଣତ ହୋଇଛି । ଶିବମନ୍ଦିରକୁ ନେଇ ବିବାଦ ଆରମ୍ଭ ହୋଇଛି ୧୯୦୭ ମସିହାରେ।

କାରଣ କାମ୍ବୋଡିଆକୁ ସେତେବେଳେ ଶାସନ କରୁଥିବା ଫ୍ରାନ୍ସ ପକ୍ଷରୁ ଶିବ ମନ୍ଦିରକୁ ନେଇ ଏକ ନକ୍ସା ପ୍ରସ୍ତୁତ କରାଯାଇଥିଲା । ସେହି ନକ୍ସାରେ କୁହାଯାଇଥିଲାକି ଶିବ ମନ୍ଦିର ହେଉଛି କାମ୍ବୋଡିଆର ବୋଲି । ଆଉ ଏବେ ଏହା ଏକ ବିବାଦର ରୂପ ନେଇଛି । ବିବାଦ ଏମିତି ହୋଇଛି କି ଦୁଇ ଦେଶ ଭିତରେ ଭୀଷଣ ଯୁଦ୍ଧ ଆରମ୍ଭ ହେଲାଣି । ଶିବ ମନ୍ଦିରକୁ କାମ୍ବୋଡ଼ିଆ ନିଜର ବୋଲି କହୁଥିବା ବେଳେ ଥାଇଲାଣ୍ଡ ଉକ୍ତ ଶିବ ମନ୍ଦିରକୁ ନେବାକୁ ଚେଷ୍ଟା କରିଛି ।

ଏହି ଯୁଦ୍ଧରେ ଏପର୍ଯ୍ୟନ୍ତ ୧୦୦ ଜଣରୁ ଅଧିକ ଲୋକଙ୍କର ମୃତ୍ୟୁ ହୋଇଥିବା ବେଳେ ପାଖା ପାଖି ୪ ଲକ୍ଷ ଲୋକ ବିସ୍ଥାପିତ ହୋଇଛନ୍ତି । ଯୁଦ୍ଧ ଥମିବାର ନାଁ ହିଁ ଧରୁ ନାହିଁ । ଆମେରିକା ଏହି ଯୁଦ୍ଧରେ ହସ୍ତକ୍ଷେପ କରି ଯୁଦ୍ଧ ବିରତି ଘୋଷଣା କରିଥିବା ବେଳେ ପୁଣିଥରେ ଆମେରିକା କଥାକୁ ଉଭୟ ଦେଶ ବେଖାତିର କରି ପୁଣିଥରେ ଯୁଦ୍ଧ ଆରମ୍ଭ କରିଛନ୍ତି । ଯାହାପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣିଥରେ ଉଭୟ ଦେଶକୁ ଚେତାବନି ଦେଇଛନ୍ତି ଯୁଦ୍ଧ ବନ୍ଦ କରିବା ପାଇଁ ।

ଅଧିକ ପଢ଼ନ୍ତୁ ବିଦେଶ ଖବର...