ପୁଲୱାମା ସତ ମାନିଲା ପାକିସ୍ତାନ । ପହଲଗାମ ଉତ୍ତେଜନା ମଧ୍ୟରେ ପାକିସ୍ତାନର ଅସଲ ମୁଖା ଖୋଲିଛନ୍ତି ଖୋଦ ପାକିସ୍ତାନୀ ସେନା । ୨୦୧୯ ରେ ପୁଲୱାମା ଆଟାକରେ ୪୦ ଜଣ ଅର୍ଦ୍ଧସାମରିକ ବାହିନୀ ସହିଦ ହୋଇଥିଲେ । ପୁଲୱାମା ଆତଙ୍କବାଦୀ ଆକ୍ରମଣ ପାକିସ୍ତାନୀ ସେନାର ଏକ କୌଶଳଗତ ବୁଦ୍ଧିମତା ଥିଲା ବୋଲି ନିଜେ ସ୍ବୀକାର କରିଛନ୍ତି ପାକିସ୍ତାନ ଏୟାର ଭାଇସ୍ ମାର୍ଶାଲ୍ ଔରଙ୍ଗଜେବ ଅହମ୍ମଦ । ବର୍ଷ ବର୍ଷ ଧରି ପୁଲଓ୍ବାମା ଆତଙ୍କୀ ହମଲାରେ ପାକିସ୍ତାନର ସଂପୃକ୍ତି ଅସ୍ୱୀକାର କରିଆସୁଥିଲା ପାକିସ୍ତାନ ।

ପାକିସ୍ତାନ ସେନାର ଏହି ବୟାନ କେବଳ ପୁଲୱାମା ନୁହେଁ, ବରଂ ସଦ୍ୟତମ ପହଲଗାମ ଆକ୍ରମଣରେ ମଧ୍ୟ ପାକିସ୍ତାନର ଭୂମିକାକୁ ଆହୁରି ଦୃଢ କରିଛି । ଶୁକ୍ରବାର ସାମ୍ବାଦିକ ସମ୍ମିଳନୀରେ ଡିଜି ଆଇଏସପିଆର ଲେଫ୍ଟନାଣ୍ଟ ଜେନେରାଲ ଅହମ୍ମଦ ସରିଫ ଚୌଧୁରୀ , ନୌସେନା ମୁଖପାତ୍ରଙ୍କ ଉପସ୍ଥିତିରେ
ପାକିସ୍ତାନର ଟେରର ଲିଙ୍କକୁ ସ୍ବୀକାର କରିଥଲେ ଏୟାର ଭାଇସ୍ ମାର୍ଶାଲ୍ ଔରଙ୍ଗଜେବ ଅହମ୍ମଦ ।