ଆତଙ୍କୀ ଆଡ୍ଡା ଭାବେ ସବୁବେଳେ ଚର୍ଚ୍ଚାରେ ରହିଥିବା ପାକିସ୍ତାନ ପୁଣି ଭାରତ ଉପରେ ପରୋକ୍ଷରେ ଟାର୍ଗେଟ କରିଛି । ମଧ୍ୟରାତ୍ରୀରେ ଆଫଗାନ୍ ଉପରେ ଆଟାକ୍ କରିଛି ପାକିସ୍ତାନ, କିନ୍ତୁ ମୂଳ ନିଶାନା ହେଉଛି ଭାରତ । ଭାରତ ଆଫଗାନର ସମ୍ପର୍କକୁ ସହି ପାରୁନି ପାକିସ୍ତାନ । ଯାହାକୁ ନେଇ ଏପରି ଆକ୍ରମଣ କରିଛି , ଯେଉଁ ସମୟରେ ଆଫଗାନର ତାଲିବାନ ମନ୍ତ୍ରୀ ଭାରତ ଗସ୍ତରେ ରହିଛନ୍ତି ।

ଆଫଗାନିସ୍ତାନର ରାଜଧାନୀ କାବୁଲର ଅବଦୁଲ ହକ୍ ସ୍କ୍ଵୟାରରେ ପାକିସ୍ତାନ ପକ୍ଷରୁ ଏୟାର ଷ୍ଟ୍ରାଇକ୍ କରାଯାଇଛି । ବିଳମ୍ବିତ ରାତିରେ ଏୟାର ଷ୍ଟ୍ରାଇକ୍ କରିଛି ପାକିସ୍ତାନ । ପାକିସ୍ତାନୀର ପ୍ରତିରକ୍ଷା ସୂତ୍ରଗୁଡିକ ଦାବି କରିଛନ୍ତି ଯେ, ତେହେରିକ ଇ ତାଲିବାନ ପାକିସ୍ତାନ (TTP) ର ନେତା ନୁର ବଲି ମହସୁଦଙ୍କୁ ଟାର୍ଗେଟ କରାଯାଇ ଏହି ଆଟାକ୍ କରାଯାଇଥିଲା । ଏହି ଟିଟିପି ସଂସ୍ଥା ଆଫଗାନିସ୍ତାନ ବୋଲି ଦାବି କରିଛି ପାକିସ୍ତାନ । ଏବଂ ଏହି ସଂସ୍ଥା ପୂର୍ବରୁ ଅନେକ ଥର ପାକିସ୍ତାନ ଉପରେ ଆଟାକ୍ କରି ଆଫଗାନ୍‌ରେ ଲୁଚି ରହେ । ପାକିସ୍ତାନ ଅଭିଯୋଗ ମୁତାବକ, ୭ ଅକ୍ଟୋବର ୨୦୨୫ରେ ପାକିସ୍ତାନ ବର୍ଡର ଉପରେ ଏକ ଆଟାକ୍ ହୋଇଥିଲା । ଯେଉଁଥିରେ ୧୧ ଜଣ ପାକିସ୍ତାନୀ ସିକ୍ୟୁରିଟି ପର୍ସନାଲଙ୍କର ମୃତ୍ୟୁ ହୋଇଥିଲା । ଏହି ଆଟାକ୍‌ରେ ଟିଟିପିର ହାତ ଥିବା ଦାବି କରିଛି ପାକିସ୍ତାନ । ତେବେ ପାକିସ୍ତାନର ଆଫଗାନିସ୍ତାନ ଉପରେ ଏୟର ଷ୍ଟ୍ରାଇକରେ ଭାରତ ଏକ ବଡ ନିଶାନା ବୋଲି କୁହାଯାଉଛି । ବଲୁଚିସ୍ତାନର ପୂର୍ବତନ ମନ୍ତ୍ରୀ ମହମ୍ମଦ ଖାନ ଅଚକଜୟୀ ଏପରି ସନ୍ଦେଶ ଦେଇଛନ୍ତି ।

ଅଧିକ ପଢନ୍ତୁ : ତାଲିବାନୀ ମନ୍ତ୍ରୀଙ୍କ ପ୍ରେସ୍‌ମିଟ୍‌, ମହିଳା ସାମ୍ବାଦିକଙ୍କୁ ମିଳିଲାନି ଅନୁମତି

ତେବେ ଏହି ଆଟାକ୍ ସମୟରେ ତାଲିବାନ ବିଦେଶ ମନ୍ତ୍ରୀ ଅମୀର ଖାନ୍ ମୁତ୍ତାକି ୬ ଦିନ ଭାରତ ଗସ୍ତରେ ଅଛନ୍ତି । କାରଣ ଭାରତ ସହ ଆଫଗାନର ସମ୍ପର୍କ ପୂର୍ବରୁ ଭଲ ରହି ଆସିଛି । ଭାରତ ଆଫଗାନର ଶିଳ୍ପ ଉନ୍ନତି ଯେମିତିକି ମେଡିକାଲ ନିର୍ମାଣ , ପାର୍ଲୟାମେଣ୍ଟ ବିଲ୍ଡିଂ ନିର୍ମାଣ ଭଳି ବଡ ବଡ ପ୍ରଜୋକ୍ଟରେ ୨ ବିଲିୟନ ଡଲାରରୁ ଅଧିକ ଖର୍ଚ୍ଚ କରିସାରିଛି । ସେଥିପାଇଁ ଭାରତ ସହ ଆଫଗାନର ବାଣିଜ୍ୟିକ ସମ୍ପର୍କ ଏକପ୍ରକାର ପୂର୍ବରୁ ଭଲ ରହିଆସିଛି । ତେଣୁ ଭାରତ ସହ ବାଣିଜ୍ୟିକ ସମ୍ପର୍କକୁ ବଢେଇବାପାଇଁ ଦ୍ଵିପାକ୍ଷିକ ଆଲୋଚନା ପାଇଁ ଭାରତ ଆସିଥିଲେ ତାଲିବାନ ମନ୍ତ୍ରୀ । ଆଉ ଏହି ସମୟରେ ହିଁ ଏୟର ଷ୍ଟ୍ରାଇକ୍ କରିଛି ପାକିସ୍ତାନ ।

ତେବେ ବଲୁଚିସ୍ତାନର ପୂର୍ବ ମନ୍ତ୍ରୀ କହିଛନ୍ତି, ପାକ୍‌ ନିଜର ରଣନୀତିରେ ପରିବର୍ତ୍ତନ କରିଛି । ଆଫଗାନ ଉପରେ ଆଟାକ୍ କରି , ପରୋକ୍ଷରେ ସେ ଭାରତକୁସନ୍ଦେଶ ଦେବାକୁ ଚେଷ୍ଟା କରିଛି । ଏବେ ପାକିସ୍ତାନର ପ୍ରକ୍ସି ୱାରରେ ସେ ତିନୋଟି ମୋର୍ଚ୍ଚାରେ ଯୁଦ୍ଧର ସମ୍ମୁଖୀନ ହେଉଛି । ପୂର୍ବରେ ଭାରତ, ପଶ୍ଚିମରେ ଆଫଗାନ ତାଲିବାନ ଏବଂ ତହରିକ ଇ ତାଲିବାନ , ଏବଂ ବଲୁଚିସ୍ତାନର ଲିରେଶନ ଆର୍ମିଙ୍କ ଯୁଦ୍ଧର ସାମ୍ନା କରୁଛି ପାକିସ୍ତାନ । ଏବେ ପାକିସ୍ତାନ ଭାରତ ସହ କାହାର ମଧ୍ୟ ମେଣ୍ଟକୁ ବରଦାସ୍ତ କରିବାକୁ ପ୍ରସ୍ତୁତ ନୁହେଁ ବୋଲି କହିଛନ୍ତି ବଲୁଚର ପୂର୍ବ ମନ୍ତ୍ରୀ । ତାଲିବାନରେ ରହିଥିବା ଭାରତର ସମର୍ଥକଙ୍କ ବିରୋଧରେ ଏପରି ଆକ୍ରମଣର ଯୋଜନା କରୁଛି ପାକିସ୍ତାନ । ଏହି ଏୟାର ଷ୍ଟ୍ରାଇକ ଦ୍ଵାରା ପାକିସ୍ତାନ ତାଲିବାନକୁ ଭାରତ ଠାରୁ ଦୂରେଇ ରହିବାକୁ ସନ୍ଦେଶ ଦେଇଛି ।

ସେପଟେ ଆଫଗାନ ଉପରେ ଏପରି ଆକ୍ରମଣକୁ ନେଇ ଭାରତ ଗସ୍ତରେ ଥିବା ତାଲିବାନ ମନ୍ତ୍ରୀ ପାକିସ୍ତାନକୁ କଡା ଚେତାବନୀ ଦେଇଛନ୍ତି । ସେ କହିଛନ୍ତି, "ପାକିସ୍ତାନ ଆଫଗାନ ଲୋକଙ୍କ ଧୈର୍ଯ୍ୟର ପରୀକ୍ଷା ନେଉଛି । ପାକିସ୍ତାନକୁ ବ୍ରିଟେର୍‍ ଆମରିକା , ରୁଷ ଏବଂ ନାଟୋ ଠାରୁ ପଚାରି ବୁଝିବା ଦରକାର, ଆଫଗାନ ସହ ଲାଗିବାର ପରିଣାମ କେତେ ଭୟଙ୍କର "।