ପାକିସ୍ତାନରେ ପୋକମାଛି ଭରି ମରିଲେଣି ଲୋକ... ବିଦ୍ରୋହର ନିଆଁରେ ଜଳୁଛି ପୁରା ପାକିସ୍ତାନ । ଗୃହ ଯୁଦ୍ଧରେ ଧ୍ବଂସ ହୋଇଯିବ ପୁରା ପାକିସ୍ତାନ । ଠୋ ଠୋ ଗୁଳିର ଶବ୍ଦରେ ପ୍ରକମ୍ପତ ହେଉଛି ପୁରା ପାକିସ୍ତାନ । ଯାହାକୁ ଦେଖୁଛନ୍ତି ତାକୁ ଗଳି ମାରୁଛନ୍ତି । ଭୟରେ ଏଣେ ତେଣେ ଦୌଡ଼ୁଛନ୍ତି ଲୋକେ । ପାକିସ୍ତାନୀଙ୍କ ରକ୍ତରେ ପାକିସ୍ତାନର ମାଟି ଭିଜିଗଲାଣି । ପୋକମାଛି ଭଳି ଏବେ ପାକିସ୍ତାନରେ ଲୋକଙ୍କୁ ମାରି ଦିଆଯାଉଛି । ବଡ଼ ବିଦ୍ରୋହର ନିଆଁରେ ଜଳୁଛି ପାକିସ୍ତାନ ।

ସେହେବାଜ ମୁନିରଙ୍କ ନୀତି ପାକିସ୍ତାନରେ ନରସଂହରାର ରଚିଛି । ପାକିସ୍ତାନ ଆଉ ରହିବ ନାହିଁ । ସରି ସରି ଆସିଲାଣି ପାକିସ୍ତାନର ଆୟୁଷ । ପାକିସସ୍ତାନରେ ଆରମ୍ଭ ହୋଇଥିବା ଗୃହଯୁଦ୍ଧ ପାଇଁ ପାକିସ୍ତାନ ବିନାଶ ହୋଇଯିବ । ଏବେ ଶହ ଶହ ପାକିସ୍ତାନୀଙ୍କୁ ଗୁଳି କରି ମାରି ଦିଆଯାଉଛି । ପିଓକେରେ ଯାହାକୁ ଦେଖୁଛନ୍ତି ତାକୁ ଗୁଳି କରି ମାରି ଦେଉଛନ୍ତି ପାକିସ୍ତାନୀ ସେନା ।

ପାକିସ୍ତାନ ଅଧୀକୃତ କାଶ୍ମୀରରେ ବହୁଛି ରକ୍ତର ନଦୀ । ପାକିସ୍ତାନୀ ସେନା ଲୋକଙ୍କ ଉପରେ ଚଳାଉଛନ୍ତି ମନଇଚ୍ଛା ଗୁଳି । ପିଓକେରେ ଏବେ ବିଦ୍ରୋହର ନିଆଁ ଜୋର ଜୋରରେ ଜଳୁଛି । ହଜାର ହଜାର ଲୋକ ଆନ୍ଦୋଳନର ରାସ୍ତାକୁ ଓହ୍ଲାଇଛନ୍ତି । ଏବେ ପାକିସ୍ତାନ ଆଉ ରହିବ ନାହିଁ। ବିଶ୍ବ ମାନଚିତ୍ରରୁ ଉଭେଇଯିବ ପାକିସ୍ତାନ । ଯଦି ଦେଖିବା ପିଓକେରେ ଏଭଳି ସ୍ଥିତି କେବଳ ପାକିସ୍ତାନ ସରକାର ପାଇଁ ସୃଷ୍ଟି ହୋଇଛି ।

ନିଜର ହକ୍ ପାଇଁ ଲଢ଼ୁଥିବା ସ୍ଥାନୀୟ ଜନତାଙ୍କ ସ୍ୱରକୁ ଚପାଇଦେବା ପାଇଁ ପାକିସ୍ତାନୀ ସୁରକ୍ଷା ବଳ ଚଳାଇଛି ଗୁଳିର ବର୍ଷା । ପିଓକେ ଆସେମ୍ବ୍ଲିର ୪୫ଟି ଆସନ ମଧ୍ୟରୁ ୧୨ଟି ଆସନକୁ ଶରଣାର୍ଥୀଙ୍କ ପାଇଁ ସଂରକ୍ଷିତ ରଖିବା ନିଷ୍ପତ୍ତିକୁ ସ୍ଥାନୀୟ ଲୋକେ ଏବଂ 'ଯୁଗ୍ମ ଆବାମୀ ଆକ୍ସନ କମିଟି' ପକ୍ଷରୁ ତୀବ୍ର ବିରୋଧ କରାଯାଉଛି । ଖାଲି ସେତିକି ନୁହେଁ ଏହା ସହିତ ଅଞ୍ଚଳର ଚରମ ଆର୍ଥିକ ସଙ୍କଟ ଓ ପାକିସ୍ତାନ ସରକାରଙ୍କ ପାତରଅନ୍ତର ନୀତିକୁ ନେଇ ମୁଜାଫରାବାଦ ଓ ରାୱାଲାକୋଟ୍ ସମେତ ବିଭିନ୍ନ ସ୍ଥାନରେ ହଜାର ହଜାର ଲୋକ ରାସ୍ତାକୁ ଓହ୍ଲାଇଥିଲେ ।

କିନ୍ତୁ ଏହି ଆନ୍ଦୋଳନକୁ ଦମନ କରିବାକୁ ଯାଇ ପାକିସ୍ତାନୀ ସେନା ଏବଂ ସ୍ଥାନୀୟ ପୋଲିସ ବିକ୍ଷୋଭକାରୀଙ୍କ ଉପରକୁ ପ୍ରଥମେ ଲୁହବୁହା ଗ୍ୟାସ୍ ଏବଂ ପରେ ସିଧାସଳଖ ଗୁଳି ଚଳାଇଥିଲେ। ଫଳରେ ଆନ୍ଦୋଳନ ସମୟରେ ହିଁ ଟଳିପଡ଼ିଲେ ଶହ ଶହ ଲୋକ । ପାକିସ୍ତାନ ସେନାର ଏହି ବର୍ବର ଗୁଳିକାଣ୍ଡରେ ୧୨୦ରୁ ଅଧିକ ଲୋକଙ୍କର ମୃତ୍ୟ ହୋଇଛି ।

ସେଥିରେ ୧୯ ଜଣ ଶିଶୁ ଏବଂ ୭ ଗର୍ଭବତି ମହିଳା ରହିଛନ୍ତି । ଶହ ଶହ ଲୋକ ଗୁଳିମାଡ଼ରେ ଗୁରୁତର ଭାବରେ ଆହତ ହୋଇଛନ୍ତି । ଏହି ମୃତ୍ୟୁ ସଂଖ୍ୟା ଆଗକୁ ଆହୁରି ବଢ଼ିପାରେ । କିନ୍ତି ପାକିସ୍ତାନ ସରକାର ମୃତ୍ୟୁ ସଂଖ୍ୟାକୁ ଲୁଚାଇବାକୁ ଯାଇ ୩୦ ଜଣ ପ୍ରାଣହରାଇଥିବା କହିଛି । ଏବେ ସ୍ଥିତି ଏପରି ହୋଇଛି ଯେ ସମଗ୍ର ପିଓକେରେ ଏବେ ଉତ୍ତେଜନାପୂର୍ଣ୍ଣ ପରିବେଶ ସୃଷ୍ଟି ହୋଇଛି ଏବଂ ସେନା ବାହିନୀ ପକ୍ଷରୁ ବ୍ୟାପକ କଟକଣା ଜାରି କରାଯାଇଛି ।