ଜେଲ ଭିତରେ ଇମ୍ରାନଙ୍କୁ ମାରିବାକୁ ଚାଲିଛି ଗୁପ୍ତ ପ୍ରକ୍ରିୟା । କେତେବେଳେ ବି କିଛି ହୋଇପାରେ । ସକାଳ ହେଲା ବେଳକୁ ଇମରାନଙ୍କ ମୃତ୍ୟୁ ଖବର ହେଡଲାଇନ ହୋଇ ଯାଇଥିବ । ଇମରାନଙ୍କୁ ମିଳିସାରିଥିବ ଜେଲ ଭିତରେ ଫାଶୀ। ତାଙ୍କୁ ରାସ୍ତାରୁ ହଟାଇ ଦେଇଥିବ ପାକିସ୍ତାନ ସରକାର । ଯାହାକୁ ନେଇ ଚାଲିଛି ଷଡ଼ଯନ୍ତ୍ର । ନା ଭଲରେ ଖାଇବାକୁ ଦେଉଛନ୍ତି । ନା ଭଲରେ ଟିକେ ଶୋଇବାକୁ ଦେଉଛନ୍ତି । ଅହରହ ହେଉଛି ପାକିସ୍ତାନର ପୂର୍ବତ୍ତନ ପ୍ରଧାନମନ୍ତ୍ରୀ ଇମ୍ରାନଙ୍କ ଉପରେ ଅତ୍ୟାଚାର । ଅନ୍ଧାର କୋଠରୀ ଭିତରେ ତାଙ୍କୁ ଅତି ଦୟନୀୟ ସ୍ଥିତିରେ ରଖା ଯାଇଛି । ଆତଙ୍କବାଦୀ ଭଳି ପାକିସ୍ତାନ ଜେଲ ଭିତରେ ରହିଛନ୍ତି ଇମ୍ରାନ୍‌ ।

ଇମାରାନଙ୍କୁ ମାରିଲା ପରେ ଯାଇ ପାକିସ୍ତାନ ସରକାରକୁ ଶାନ୍ତି ମିଳିପାରିବ । ଯେପର୍ଯ୍ୟନ୍ତ ଇମ୍ରାନ ଥିବେ ସେପର୍ଯ୍ୟନ୍ତ ସେହେବାଜଙ୍କୁ ଶାନ୍ତି ମିଳିବ ନାହିଁ । ସରକାର ଭାଙ୍ଗିଯିବାର ଡର ଅହରହ ଘାରିଥିବ । ସୂଚନା ମୁତାବକ ଏବେ ପାକିସ୍ତନର ଆଦିଆଲା ଜେଲରେ ରହିଛନ୍ତି ଇମ୍ରାନ୍‌ । ତାଙ୍କୁ ଏକ ଅଲଗା କୋଠରୀରେ ରଖାଯାଇଛି । ତାଙ୍କ ପାଖକୁ କାହାରିକୁ ଛଡ଼ାଯାଉ ନାହିଁ ।

ଇମ୍ରାନ ଏବେ ଆବଶ୍ୟକତା ଠାରୁ ଅଧିକ ପତଳା ହୋଇଗଲେଣି । ତାଙ୍କୁ ଚାଲିଛି ଫାଶୀ ପାଇଁ ଷଡ଼ଯନ୍ତ୍ର । ଇମ୍ରାନ ଖାନଙ୍କ ସ୍ଵାସ୍ଥ୍ୟାବସ୍ଥା ଠିକ୍ ନଥିବା ଖବର ପ୍ରକାଶ ପାଇବା ପରେ ଦେଶବ୍ୟାପୀ ତୀବ୍ର ପ୍ରତିବାଦ ଦେଖିବାକୁ ମିଳିଛି । ଇମ୍ରାନ ଖାନଙ୍କୁ ତୁରନ୍ତ ଜେଲରୁ ବାହାର କରି ତାଙ୍କର ଚିକିତ୍ସା କରାଇବା ଦାବିରେ ପାକିସ୍ତାନ ତେହେରିକ୍-ଏ-ଇନସାଫ ର କର୍ମଚାରୀମାନେ ଇସଲାମାବାଦ, କରାଚୀ, ସ୍ବାବୀ ଓ ରାଵଲପିଣ୍ଡି ଭଳି ବିଭିନ୍ନ ସହରରେ ରାସ୍ତାରୋକ କରିଛନ୍ତି ।

ଚର୍ଚ୍ଚା ହେଉଛି କି ପାକିସ୍ତାନ ସରକାର ଇମ୍ରାନଙ୍କୁ ଜେଲ ଭିତରେ ମୃତ୍ୟୁକୁ ଅପେକ୍ଷା କରିଛି । ସରକାର ଚାହୁଁଛି କି ଦେହ ଖରାପ କାରଣରୁ ଇମ୍ରାନ ମରିଯାଆନ୍ତୁ । ଯାହାପରେ ତାଙ୍କ ଉପରେ ଯେମିତି ଆଙ୍ଗୁଠି ଉଠିବ ନାହିଁ । ଗତ ଅକ୍ଟୋବରରେ ଇମ୍ରାନ ଖାନଙ୍କ ଡାହାଣ ଆଖିରେ ସମସ୍ୟା ଦେଖାଦେଇଥିଲା । ସେ ଠିକ୍ ଭାବରେ ଦେଖିପାରୁନଥିଲେ, ତାଙ୍କୁ ସବୁକିଛି ଝାପ୍ସା ଝାପ୍ସା ଦେଖାଯାଉଥିଲା ।

କୁହାଯାଉଛି ଯେ ଜେଲରେ ଉଚ୍ଚ ରକ୍ତଚାପର ଉପଯୁକ୍ତ ଚିକିତ୍ସା ଅଭାବରୁ ଏହି ସମସ୍ୟା ଆହୁରି ବଢ଼ିଯାଇଛି । ତାଙ୍କର ରକ୍ତଚାପ କିଛି ମାସ ପର୍ଯ୍ୟନ୍ତ ସ୍ୱାଭାବିକ ଠାରୁ ଅଧିକ ରହିଥିଲା, କିନ୍ତୁ ତାଙ୍କ ଔଷଧରେ କୌଣସି ଆବଶ୍ୟକୀୟ ପରିବର୍ତ୍ତନ କରାଯାଇ ନଥିଲା। ଯାହାପରେ ଇମ୍ରାନଙ୍କ ଦେହ ଅଧିକ ଖରାପ ହେବାରେ ଲାଗିଛି ।