ପାଲକ ପନୀର ଖାଇ ବିଦେଶରେ ବିବାଦ। ଯେଉଁ ଖବର ବର୍ତ୍ତମାନ ଭାଇରାଲ ହେଉଛି। ତେବେ କଣ ଏହି ବିବାଦ ? ପାଳଙ୍ଗ ପନୀର ପାଇଁ କାହିଁକି ତଡ଼ା ଖାଇଲେ ଭାରତୀୟ ଛାତ୍ର ? ଏବେ ଏହି ଘଟଣା ପ୍ରତିଟି ଭାରତୀୟଙ୍କୁ ବିସ୍ମିତ କରିଛି । ପାଳଙ୍ଗ ଶାଗରେ ଅନେକ ଗୁରୁତ୍ବପୂର୍ଣ୍ଣ ପୋଷକ ତତ୍ତ୍ବ ଭରି ରହିଥାଏ । ଏଥିରେ Vitamin A, C, K1 ସହିତ ଆଇରନ ଓ କ୍ୟାଲସିୟମ ମଧ୍ୟ ରହିଥାଏ । ଏଣୁ ଭାରତୀୟ ଖାଦ୍ୟରେ ପାଳଙ୍ଗ ଶାଗର ବହୁଳ ବ୍ୟବହାର ହୁଏ । କିନ୍ତୁ ଏଠାରେ ଘଟଣା କିଛି ଅଲଗା । ପାଲକ୍ ପନୀର ଦୁଇ ଭାରତୀୟ ପିଏଚଡି ଛାତ୍ର ଓ ଛାତ୍ରୀଙ୍କୁ ଆମେରିକାରୁ ଘରର ରାସ୍ତା ଦେଖାଇଛି । ଏହି ବିବାଦୀୟ କାହାଣୀ ହେଉଛି ମଧ୍ୟପ୍ରଦେଶର ଆଦିତ୍ୟ ପ୍ରକାଶ ଓ ବାନ୍ଧବୀ ତଥା ପଶ୍ଚିମବଙ୍ଗର ଊର୍ମି ଭଟ୍ଟାଚାର୍ଯ୍ୟଙ୍କର ।

ଉଭୟ ଆମେରିକାର କୋଲୋରାଡୋ ବିଶ୍ବବିଦ୍ୟାଳୟରେ ପିଏଚଡି କରୁଥିଲେ । ସବୁଦିନ ପରି ଆଦିତ୍ୟ ନିଜ ଲଞ୍ଚବକ୍ସ ଧରି ଖାଇବାକୁ ଯାଇଥିଲେ । ଖାଇବା ପୂର୍ବରୁ ସେ ନିଜ ଡିପାର୍ଟମେଣ୍ଟର Microwaveରେ ପାଲକ୍ ପନୀରକୁ ଗରମ କରିଥିଲେ । ଠିକ ସେହି ସମୟରେ ଜଣେ କର୍ମଚାରୀ ତାଙ୍କ ନିକଟକୁ ଆସି ଖାଦ୍ୟରୁ ଦୁର୍ଗନ୍ଧ ବାହାରୁଛି ବୋଲି କହିବା ସହ ତୁରନ୍ତ ଏହାକୁ ନେଇ ବାହାରକୁ ଚାଲିଯିବାକୁ କହିଥିଲେ । ମାତ୍ର ଆଦିତ୍ୟ ଏହା କେବଳ ଖାଦ୍ୟ ବୋଲି କହିଥିଲେ । ଏତିକିରେ ଘଟଣା କୋର୍ଟରେ ପହଞ୍ଚିଥିଲା । ଅଭିଯୋଗ ଥିଲା ଆଦିତ୍ୟଙ୍କ ପାଇଁ କର୍ମଚାରୀ ଜଣକ ନିଜକୁ ଅସୁରକ୍ଷିତ ମନେ କରୁଛନ୍ତି । ଆଉ ନିଷ୍ପତ୍ତି ଆସିଲା, ଆଦିତ୍ୟ ଓ ବାନ୍ଧବୀ ଉର୍ମି ୟୁନିଭର୍ସିଟିରୁ ବିଦା ହେବେ । ବିଶ୍ବବିଦ୍ୟାଳୟ ଉଭୟଙ୍କୁ କ୍ଷତିପୂରଣ ବାବଦକୁ ପ୍ରାୟ ଦେଢ କୋଟିରୁ ଊର୍ଦ୍ଧ୍ବ ଟଙ୍କା ଦେଇଥିବା ଜଣାପଡ଼ିଛି ।

ଏଥିସହ ପଢ଼ନ୍ତୁ: ନକ୍‌ ନକରି ହୋଟେଲରେ ଏଣ୍ଟ୍ରି: ଗଣିବେ ୧୦ ଲକ୍ଷ, ପାଇବେ...

ଏହି ଘଟଣାଟି ୨୦୨୩ ସେପ୍ଟେମ୍ବରରେ ଘଟିଥିଲା । ଦୁଇ ବର୍ଷ ପରେ କୋର୍ଟ ରାୟ ଶୁଣାଇବା ପରେ ଚଳିତ ମାସରେ ଦୁଇ ଜଣ ଭାରତୀୟ ସ୍ବଦେଶ ଫେରିଛନ୍ତି । ଉଭୟ ପୂର୍ବରୁ କୋଲୋରାଡୋ ଜିଲ୍ଲା ଅଦାଲତଙ୍କ ଦ୍ବାରସ୍ଥ ବି ହୋଇଥିଲେ । ବିଶ୍ବବିଦ୍ୟାଳୟରେ ଦକ୍ଷିଣ ଏସିଆରୁ ଆସୁଥିବା ଛାତ୍ରଛାତ୍ରୀଙ୍କ ସହିତ ଭେଦଭାବ କରାଯାଉଥିବା ଅଭିଯୋଗ କରିଥିଲେ । ମାତ୍ର କୌଣସି ସୁଫଳ ମିଳିନଥିଲା । ଦୁଃଖର କଥା ହେଉଛି ଆଦିତ୍ୟ ଓ ଉର୍ମି ବିଦେଶରେ ପଢିବା ଲାଗି ସେମାନଙ୍କ ପିତାମାତା ବହୁ ଖର୍ଚ୍ଚ କରିଥିଲେ । ହେଲେ ସାମାନ୍ୟ ଘଟଣାକୁ ନେଇ ତାଙ୍କୁ ପାଠପଢା ଅଧାରୁ ଛାଡ଼ିବା ଓ ଦେଶରୁ ଏପରି ତଡ଼ି ଦେବାକୁ ଉଭୟ କଡ଼ା ନିନ୍ଦା କରିଛନ୍ତି ।

ଅଧିକ ପଢ଼ନ୍ତୁ ବିଦେଶ ଖବର: