ଲଣ୍ଡନ ସାଉଥଏଣ୍ଡ୍ ଏୟରପୋର୍ଟରେ ବିମାନ ଦୁର୍ଘଟଣା । ବିଚ୍‌କ୍ରାଫ୍ B200 ସୁପରକିଙ୍ଗ୍ ଏୟର ବିମାନ ଦୁର୍ଘଟଣା । ଉଡାଣର କିଛି ସମୟ ଭିତରେ ଜଳିଗଲା ଛୋଟ ବିମାନ । ମୃତାହତଙ୍କ ସମ୍ପର୍କରେ ସ୍ପଷ୍ଟ ସୂଚନା ଆସିପାରି ନାହିଁ । ନେଦରଲ୍ୟାଣ୍ଡକୁ ଉଡାଣ ଭରୁଥିଲା ଏହି ବିମାନ । ସନ୍ଧ୍ୟା ୭ଟା ସମୟରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ମିଳିଛି । ଦୁର୍ଘଟଣା ହେବା ସଙ୍ଗେସଙ୍ଗେ ପୋଲିସ ତଥା ଅନ୍ୟ ଅଧିକାରୀ ମାନେ ଉଦ୍ଧାର କାର୍ଯ୍ୟ ପାଇଁ ସେଠାରେ ପହଞ୍ଚି ଯାଇଥିଲେ । ତେବେ ଦୁର୍ଘଟଣାର କାରଣ ବର୍ତ୍ତମାନ ଯାଏଁ ସ୍ପଷ୍ଟ ହୋଇନାହିଁ ।

A passenger plane crashed at London’s South East Airport, causing a large fireball to be witnessed by many people.

The number of casualties or injuries is yet to be determined. pic.twitter.com/hi9ygdXZqv

— Angry Saffron (@AngrySaffron) July 13, 2025

ପ୍ରାଥମିକ ତଦନ୍ତରୁ ଯାହା ଜଣା ପଡିଛି ଯେ, ବିମାନର ଭିତର ଟେକନିକ ଖରାପ କିମ୍ବା ଇଞ୍ଜିନ ଫେଲ ହୋଇଥିବା କାରଣରୁ ବିମାନବନ୍ଦରର କର୍ତ୍ତୃପକ୍ଷ ସମସ୍ତ ଉଡାଣ ବନ୍ଦ କରିଦେଇଛନ୍ତି । ଏଥିସହ ଯାତ୍ରୀମାନଙ୍କୁ ଅନାବଶ୍ୟକ ଯାତ୍ରା ନକରିବାକୁ କହିଛନ୍ତି, ଏବଂ ଏୟରପୋର୍ଟ ୱେବସାଇଟରେ ଦିଆଯାଉଥିବା ଅପଡେଟ୍‌ ପ୍ରତି ନଜର ରଖିବାକୁ ପରାମର୍ଶ ଦେଇଛନ୍ତି । ତେବେ ଘଟଣାକୁ ଦେଖିଥିବା ବ୍ୟକ୍ତି ମଧ୍ୟ ଗଣମାଧ୍ୟମରେ ନିଜର ବୟାନ ଦେଇଛନ୍ତି । ସେ କହିଛନ୍ତି, ଝରକା ପଟେ ସେ କିଛି ହଠାତ୍ ନିଆଁ ପିଣ୍ଡୁଳା ଦେଖିଥିଲେ । ଯାହାକୁ ଦେଖି ସେ ଖୁବ ଭୟବୀତ ହୋଇଥିଲେ । ସ୍ଥାନୀୟ ସାଂସଦ ଡେବିଡ ବର୍ଟନ ସାମ୍ପସନ କହିଛନ୍ତି, ସବୁ ବ୍ୟକ୍ତି ଦୁର୍ଘଟଣା ସ୍ଥଳରୁ ଦୂରରେ ଥିଲେ । ତେବେ ବର୍ତ୍ତମାନ ଯାଏଁ କାହାର କିଛି କ୍ଷୟକ୍ଷତି ହୋଇଥିବା ନେଇ ସ୍ପଷ୍ଟ ସୂଚନା ଆସିନାହିଁ ।

Crazy footage from the golf course, on which the plane taking off from Southend London airport appeared to crash.pic.twitter.com/d79o8xff8O

— Phil (@phil_from_NG) July 13, 2025