Argus News - ଜଣାପଡ଼ିଲା ସତ: କଣ ଖାମେନିଙ୍କୁ ମାରିବାକୁ ହୋଇଥିଲା ପ୍ଲାନ, ମାଟିରେ ମିଶିବ ଦୁବାଇ

ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ହତ୍ୟାକୁ ନେଇ ବଡ଼ ଖୁଲାସା। ଖାମେନିଙ୍କୁ ମାରିବାକୁ ହୋଇଥିଲା ବଡ଼ ପ୍ଲାନ। ଜଣାପଡ଼ିଲା ଗୋଟି ଗୋଟି ସତ। ଏହି ଆକ୍ରମଣରେ ଅତି କମରେ ଦୁଇ ଜଣ ଲୋକ ପ୍ରାଣ ହରାଇଥିଲେ। ମଧ୍ୟପ୍ରାଚ୍ୟରେ ଭୟଙ୍କର ମହାଯୁଦ୍ଧ ପ୍ରଭାବରେ ଭାରତରେ ବିମାନ ଚଳାଚଳ ପ୍ରଭାବିତ ହୋଇଛି। ଦୁବାଇ ଯିବାକୁ ଥିବା ସମସ୍ତ ବିମାନ ବାତିଲ୍ ହୋଇଥିବାରୁ ଭାରତୀୟ ଯାତ୍ରୀ ଫସି ରହିଛନ୍ତି। ଏବେ ଦେଖିବାକୁ ବାକି ରହିଲା, ସାଉଦିର ରଣନୀତି କଣ ରହିବ ନା ଇରାନ ପ୍ରତିଶୋଧର ଫଳ ଭୋଗିବ। ଏହା ଜାଣିବା ପରେ କ୍ରୋଧରେ ଜର୍ଜରିତ ଇରାନର ଶକ୍ତିଶାଳୀ ସେନା ରିଭୋଲ୍ୟୁସନାରୀ ଗାର୍ଡ। ସିଧା ଦେଇଛି ଧମକ। ଭୟଙ୍କର ହେବ ପ୍ରତିଶୋଧ, ହତ୍ୟାକାରୀ ଭୁଲି ପାରିବନି। ୟୁଏଇ ଉପରେ କରିଛି ଆଟାକ୍।

ଆକ୍ରମଣରେ ଦୁବାଇରେ ବ୍ୟାପକ କ୍ଷତି ସହିଛି। ଫେବୃଆରୀ ୨୮ ତାରିଖରେ, ଇରାନ ଦୁବାଇ ଉପରେ କ୍ଷେପଣାସ୍ତ୍ର ଆକ୍ରମଣ କରିଥିଲା, ଯାହା ଫଳରେ ବ୍ୟାପକ ଧ୍ୱଂସ ଘଟିଥିଲା ଏବଂ ସହରକୁ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି। ଖାମେନି ତାଙ୍କ ଦୁଇ ଅନୁଗତଙ୍କ ସହିତ ସାକ୍ଷାତ କରୁଥିଲେ। ପରାମର୍ଶଦାତା ଅଲି ଶାମଖାନି ଏବଂ ଆଇଆରଜିସି ମୁଖ୍ୟ ମହମ୍ମଦ ପାକପୁର । ଠିକ୍ ଏତିକି ବେଳେ ଆଟାକ୍ କରିଥିଲା ଆମେରିକା। କୁଆଡେ ବ୍ୟାକଫୁଟ୍ରେ ଥିଲା ସାଉଦି ଆରବ। ସାଉଦି ପ୍ରିନ୍ସଙ୍କ ଇଙ୍ଗିତରେ ଏହି ଆଟାକ ହୋଇଥିବା ଅଭିଯୋଗ ହୋଇଛି। ଇରାନର ଉତ୍ଥାନ ପରଠାରୁ ସାଉଦି ଆରବ ତେହେରାନ ସହିତ ମତଭେଦରେ ଅଛି। 1980 ଦଶକରେ, ଉଭୟ ପକ୍ଷ ସେମାନଙ୍କର ପ୍ରଥମ ପ୍ରକ୍ସି ଯୁଦ୍ଧ ଆରମ୍ଭ କରିଥିଲେ।

ଯେତେବେଳେ ଇରାନ ଇରାକ ସହିତ ଯୁଦ୍ଧ କରୁଥିଲା, ସାଉଦି ଆରବ ଇରାକକୁ ପାଣ୍ଠି ଏବଂ ଅସ୍ତ୍ରଶସ୍ତ୍ର ଯୋଗାଇଥିଲା। 1988 ମସିହାରେ ହଜ୍ ସମୟରେ, ଇରାନୀ ନାଗରିକ ଏବଂ ସାଉଦି ସୁରକ୍ଷା ବାହିନୀ ମଧ୍ୟରେ ସଂଘର୍ଷ ହୋଇଥିଲା, ଯେଉଁଥିରେ 400 ତୀର୍ଥଯାତ୍ରୀଙ୍କର ମୃତ୍ୟୁ ହୋଇଥିଲା, ଯାହାଙ୍କ ମଧ୍ୟରୁ ଅଧିକାଂଶ ଇରାନୀ ଥିଲେ। ଏହା ପରେ, ଇରାନ ଆନୁଷ୍ଠାନିକ ଭାବରେ ସାଉଦି ଆରବ ସହିତ ତାର ବନ୍ଧୁତା ସମାପ୍ତ କରିଥିଲା। ସାଉଦି ଆରବ ଏବଂ ଇରାନ ମଧ୍ୟପ୍ରାଚ୍ୟରେ ପ୍ରାଧାନ୍ୟ ପାଇଁ ସଂଘର୍ଷରେ ଲିପ୍ତ ଅଛନ୍ତି। ସାଉଦି ଆରବ ସୁନ୍ନି ଏବଂ ୱାହାବିଷ୍ଟ ମୁସଲମାନମାନଙ୍କର ଘର। ବିପରୀତରେ ଇରାନ ଏକ ସିଆ-ବହୁଳ ମୁସଲିମ ଦେଶ। ସାଉଦି ଆରବ ସହିତ ଏହାର ସଂଘର୍ଷରେ, ଇରାନ ପ୍ରକ୍ସି ଏବଂ ଶକ୍ତି ଅଂଶୀଦାର ମାଧ୍ୟମରେ ୟେମେନ, ଲେବାନନ ଏବଂ ସିରିଆ ଭଳି ଦେଶ ଉପରେ ନିୟନ୍ତ୍ରଣ ହାସଲ କରିଛି। ଏହା ମଧ୍ୟପ୍ରାଚ୍ୟରେ ସାଉଦି ତୈଳ ବାଣିଜ୍ୟକୁ ବିପଦରେ ପକାଇଛି। ସାଉଦି ଆରବ ଦୀର୍ଘ ଦିନ ଧରି ଇରାନୀ ଶାସନକୁ ଏକ ଶିକ୍ଷା ଦେବାକୁ ଚେଷ୍ଟା କରିଆସୁଛି। ସେବେଠାରୁ ସୁଯୋଗ ଖୋଜୁଥିଲା ସାଉଦି।

ଜଗୁଥିଲେ ରିଭୋଲ୍ୟୁସନାରୀ ଗାର୍ଡ। ବଙ୍କର ଭିତରେ ପାଓ୍ୱାର ହାଉସ୍। ମିଜାଇଲ କଣ ପିମ୍ପୁଡି ଯିବାବି ମୁସ୍କିଲ। କିନ୍ତୁ ସବୁ ଚକ୍ରବ୍ୟୁହକୁ ଭାଙ୍ଗି ଇରାନ ସୁପ୍ରିମ ଲିଡରଙ୍କୁ ହତ୍ୟା କରିଛି ଆମେରିକା। ଖାମେନିଙ୍କୁ ମାରିବାକୁ ହୋଇଥିଲା କି ଷଡ଼ଯନ୍ତ୍ର। ଇରାନ ସହ ବିଶ୍ୱାସଘାତକତା କଲା କିଏ। ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ହତ୍ୟାକୁ ନେଇ ବଡ଼ ଖୁଲାସା। ଜାନୁଆରୀ 2026 ରେ ଆକ୍ସିଓସ୍ ରିପୋର୍ଟ କରିଥିଲା। ଏହି ରିପୋର୍ଟ ଅନୁଯାୟୀ, ଇରାନ ସହିତ ଉତ୍ତେଜନା ମଧ୍ୟରେ ସାଉଦି ପ୍ରତିରକ୍ଷା ମନ୍ତ୍ରୀ ଖାଲିଦ ବିନ୍ ସଲମାନ ହ୍ୱାଇଟ୍ ହାଉସ୍ ଗସ୍ତ କରିଥିଲେ। ଏହି ବୈଠକ ସମୟରେ, ଖାଲିଦ ଟ୍ରମ୍ପ ପ୍ରଶାସନର ଅନେକ ବରିଷ୍ଠ ଅଧିକାରୀଙ୍କ ସହ ସାକ୍ଷାତ କରିଥିଲେ। ଏହି ବୈଠକ ସମୟରେ, ଖାଲିଦ ଇରାନ ଉପରେ ଆକ୍ରମଣ କରିବାକୁ ଅନୁରୋଧ କରିଥିଲେ।

ଆମେରିକୀୟ ଖବରକାଗଜ ୱାଶିଂଟନ ପୋଷ୍ଟ ଅନୁଯାୟୀ, ସାଉଦି ଆରବର ପ୍ରରୋଚନାରେ ଇରାନ ଉପରେ ଆକ୍ରମଣ କରିଥିଲା ଆମେରିକା । ଆମେରିକାର ଗୁପ୍ତଚର ସଂସ୍ଥାଗୁଡ଼ିକ ଆକ୍ରମଣ ସପକ୍ଷରେ ନଥିଲେ, କିନ୍ତୁ ସାଉଦି ପ୍ରିନ୍ସ ରାଷ୍ଟ୍ରପତି ଟ୍ରମ୍ପଙ୍କୁ ଫୋନ୍ କରି ଏପରି କରିବାକୁ ପ୍ରବର୍ତ୍ତାଇଥିଲେ। ଆମେରିକୀୟ ସୂତ୍ରକୁ ଉଦ୍ଧୃତ କରି ୱାଶିଂଟନ ପୋଷ୍ଟ ରିପୋର୍ଟ କରିଛି ଯେ ଇରାନ ଏବଂ ଆମେରିକା ମଧ୍ୟରେ ଏକ ଚୁକ୍ତି ଉପରେ ଆଲୋଚନା ଚାଲିଥିବା ବେଳେ ସାଉଦି ଯୁବରାଜ ରାଷ୍ଟ୍ରପତି ଟ୍ରମ୍ପଙ୍କୁ ଅନେକ ଥର ଫୋନ୍ କରିଥିଲେ। ସାଉଦି ଯୁବରାଜ ମହମ୍ମଦ ବିନ୍ ସଲମାନ ଚାହୁଁଥିଲେ ଯେ ଟ୍ରମ୍ପ ଇରାନ ଉପରେ ଆକ୍ରମଣ କରନ୍ତୁ। ଯୁବରାଜ କହିଥିଲେ ଯେ ଏହା ଆକ୍ରମଣ ପାଇଁ ସବୁଠାରୁ ଉପଯୁକ୍ତ ସମୟ।

ଅଧିକ ପଢ଼ନ୍ତୁ ବିଦେଶ ଖବର: