ଅର୍ଗସ ବ୍ୟୁରୋ:  ତୃତୀୟ ପାଳି କାର୍ଯ୍ୟଭାର ସମ୍ଭାଳିବା ପରେ ପ୍ରଧାନମନ୍ତ୍ରୀ ମୋଦିଙ୍କ ପ୍ରଥମ ବିଦେଶ ଗସ୍ତ କାର୍ଯ୍ୟକ୍ରମ । ଆଜି ଇଟାଲୀ ଗସ୍ତରେ ଯିବେ ପ୍ରଧାନମନ୍ତ୍ରୀ ମୋଦି । ଅପୁଲିଆରେ ଆୟୋଜିତ G7 ସମ୍ମିଳନୀରେ ସାମିଲ ହେବେ ମୋଦି । G7 ଶିଖର ସମ୍ମିଳନୀରେ ଯୋଗଦେବାକୁ ଭାରତ ସମେତ ଆଫ୍ରିକା, ଦକ୍ଷିଣ ଆମେରିକାର 11 ବିକାଶଶୀଳ ଦେଶର ପ୍ରଧାନମନ୍ତ୍ରୀଙ୍କୁ ନିମନ୍ତ୍ରଣ ମିଳିଛି । ବିଶ୍ବର 7 ଆର୍ଥିକ ମହାଶକ୍ତି ସମ୍ପନ୍ନ ରାଷ୍ଟ୍ରସଂଘ G7ରେ ଭାରତକୁ ନିମନ୍ତ୍ରଣ ମିଳିବାକୁ ନେଇ ସାରା ବିଶ୍ବରେ ଚର୍ଚ୍ଚା ଲାଗି ରହିଛି । ଏହା ସହ ବିଦେଶରେ ମୋଦିଙ୍କ ପ୍ରଭାବ ବୃଦ୍ଧିର ପ୍ରମାଣ ଦେଉଛି । ଗସ୍ତକାଳରେ ପିଏମ ମୋଦି G7 ରାଷ୍ଟ୍ର ଆମେରିକା, ବ୍ରିଟେନ,  ଫ୍ରାନ୍ସ, ଇଟାଲୀ, ଜର୍ମାନୀ, କାନାଡ଼ା ଓ ଜାପାନ ରାଷ୍ଟ୍ରନେତାଙ୍କ ସହ ଦ୍ବିପାକ୍ଷିକ ଆଲୋଚନା କରିବା ସମ୍ଭାବନା ରହିଛି ।

G7 ବୈଠକରେ ମୁଖ୍ୟତଃ ରୁଷିଆ-ୟୁକ୍ରେନ ଯୁଦ୍ଧ, ଇସ୍ରାଏଲ-ପାଲେଷ୍ଟାଇନ ସଂଘର୍ଷ ପ୍ରସଙ୍ଗ ସ୍ଥାନ ପାଇବା ସମ୍ଭାବନା ରହିଛି । ଏଜେଣ୍ଡା ଅନୁସାରେ 13 ତାରିଖରେ ସମ୍ମିଳନୀ ଆରମ୍ଭ ପରେ ପ୍ରଥମେ  ପରିବେଶ ସନ୍ତୁଳନ, ପର୍ଯ୍ୟାବରଣ ପ୍ରସଙ୍ଗରେ ଆଲୋଚନା ହେବ । ସେହିପରି ଦ୍ବିତୀୟ ଦିନରେ ମାଇଗ୍ରସେନ, ଇଣ୍ଡୋ-ପାସିଫିକ ଇକୋନୋମିକ ସିକ୍ୟୁରିଟି, ଏଆଇ ପ୍ରସଙ୍ଗରେ ଆଲୋଚନା ହେବ । ପ୍ରଧାନମନ୍ତ୍ରୀ ମୋଦିଙ୍କ ସହ ଇଟାଲୀ ଗସ୍ତରେ ଉଚ୍ଚସ୍ତରୀୟ ପ୍ରତିନିଧି ମଣ୍ଡଳୀ ସାମିଲ ହେବେ । ବୈଦେଶିକ ସଚିବ ବିନୟ କ୍ବାତ୍ରା, ବୈଦେଶିକ ମନ୍ତ୍ରୀ ଏସ.ଜୟଶଙ୍କର, ଏନଏସଏ ଅଜିତ ଡୋଭାଲ ମଧ୍ୟ ଗସ୍ତରେ ସାମିଲ ହୋଇପାରନ୍ତି ।

ଅଧିକ ପଢ଼ନ୍ତୁ ବିଦେଶ ଖବର: