ଅର୍ଗସ ବ୍ୟୁରୋ: ଡଲାର ତୁଳନାରେ କମୁଛି ଟଙ୍କାର ଦାମ୍ । ଗୋଟିଏ ଡଲାରର ମୂଲ୍ୟ 84 ଟଙ୍କାକୁ ହ୍ରାସ ପାଇଛି । ଯାହା ଇତିହାସରେ ପ୍ରଥମ । ଦେଶର ଇକ୍ୱିଟି ବଜାରରୁ ବୈଦେଶିକ ପୋର୍ଟଫୋଲିଓ ନିବେଶକମାନେ ପାଣ୍ଠି ପ୍ରତ୍ୟାହର କରୁଥିବାରୁ ଡଲାର ଚାହିଦା ବୃଦ୍ଧି ପାଇଛି । ସେମାନେ ଭାରତୀୟ ବଜାରରେ ଡଲାର ନିବେଶ କରୁଥିବାରୁ ତାହାର ମୂଲ୍ୟ ସେହି ସ୍ତରରେ ରହିଥିଲା । କିନ୍ତୁ ସେମାନେ ପାଣ୍ଠି ପ୍ରତ୍ୟାହର କରିବା ପରେ ଡଲାର ଉପରେ ଚାପ ସୃଷ୍ଟି ହୋଇଥିଲା । 

ଦେଶକୁ ଅଧିକ ଡଲାର ଆସିଲେ ଟଙ୍କା ମୂଲ୍ୟ ଉନ୍ନତ ସ୍ଥିତିରେ ରହିଥାଏ । ହେଲେ ଡଲାର ଅଭାବ ଦେଖାଦେଲେ ତାହା ଟଙ୍କାକୁ ଆହୁରି ଦୁର୍ବଳ କରିପକାଏ । ଗତ 9 ଦିନ ମଧ୍ୟରେ ବୈଦେଶିକ ପୋର୍ଟଫୋଲିଓ ନିବେଶକମାନେ ଭାରତୀୟ ଷ୍ଟକ ବଜାରରୁ 55 ହଜାର କୋଟି ଟଙ୍କା ପ୍ରତ୍ୟାହାର କରିଛନ୍ତି । ଦୈନିକ ସେମାନେ 100 କୋଟି ଡଲାର ଲେଖାଏଁ ପ୍ରତ୍ୟାହର କରିଛନ୍ତି । ଫଳରେ ଦେଶରୁ ଡଲାର କମ ହେବାରେ ଲାଗିଛି । ଏବଂ ଟଙ୍କା ଉପରେ ଚାପ ସୃଷ୍ଟି କରୁଛି ।